مجتبى حسين الدراجي
هوه الضال ياهو لخاطر انكلك
يا صاحب الزمان العجل
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 8 months ago
Last updated 2 months, 2 weeks ago
ضعنه ضعنه
بلا عرف والدنيا غربه وماكو اهلنه
احنه النه الدنيا كلها وغربه صرنه
ضعنه ضعنه
نركض وماندري المن بس ركضنه
اهنانه كلنه عليك صحنه يا ملذنه
ضعنه ضعنه
الاهله يعوفونه
سالفته بعيونه
تعصرهن اسنينه
من تسأل شلونه
لاتنشد اشحالي
لو ميته اشوالي
من فاركيتوني
يعني شبقه بحالي
كلشي انتهه لمن رحت
لا عدله انه ولا متت
……………………………………….
تدري تدري
بلايه حل ابلايه تالي بلايه خدري
بلايه فَي والدنيا نار وبيك فكري
تدري تدري
ما طلعلي اخيال مره ااه يدهري
اركض ابين الشماته بتالي عمري
تدري تدري
ياروحي شنتاني
وعافونه خواني
ترسوها كاع الله
واحد وره الثاني
ياروحي جدامي
ذبحونهن احلامي
لو اغمض اعيوني
يمرني الحلم دامي
والوحَدي وبلا عرف
ولحلمي فازع جم ألف ……………………………………….
جلمه جلمه
اليعرف الاخرس شنو يريد ويفهمه
مـــافهمني مـن ردت راسك اظمه
جلمه جلمه
يا نهار الله النجوم ولا تهمه
والكمر باقي وذا عافته نجمه
جلمه جلمه
كون اكدر ابجيها
كل جلمه الحجيها
بس الحجي شكثره
وعيوني ما بيها
ياروحي كليله
مانمنه جم ليله
ومتاعي بعيوني
بهالسفره الطويله
بالوجنه اوصفها العبي
وتخيل اشسوه السبي
……………………………………….
كلشي كلشي
بيه شيب كلشي شيب حته رمشي
اتعب امن اكعد يروحي شلون امشي
كلشي كلشي
انته اليه ومن رحت ما ضلي أي شي
وشيتاني المنه بـــاگــو خويه كلشي
كلشي كلشي
يبن امي مشتاكه
ماتعرف الناكه
ضليت احاجيها
موتني بفراكه
ما حنت اعليه
شي تدري مسبيه
ياناكه برسومي
بان التعب بيه
شذرات عمري بس تعب
شاء الله اليه وانكتب
……………………………………….
مجتبى حسين الدراجي
اللهُ أكبر
ارعب الميدان سَيف الساقي
اللهُ أكبر
جمعكم ليسَ من استحقاقي
اللهُ أكبر
يكفي ابهامي لكم مُـصـداقي
عالمهره من اعتلى مترهي ومبتسم
طب بيها ومايهم يعرفهم مو زلم
بالجربه اجم نهر من كصته للخيم
صكر صكر سبع المعصيات
هوه الكمر والباقي هيهات
يكض الهوى للخيمه لو فات
ساقي عطاشى كربلاء ********
اللهُ أكبر
ضچَ بصوتً الحيدري الضيغم
اللهُ أكبر
والهواءُ البينكم لا يُرحم
اللهُ أكبر
من اراد الحربُ لالا يُسلم
مـــا گبلو لا حجو يدرونه مـا يهم
الشافه والشرد يعرضله بكل حلم
يــارب المرجله بس سيفك منثلم
شيخ الزلم ينفيها الاعداد
بيده الحرب والسيف الاوتاد
سبعين الف مابيهم اعناد
ساقي عطاشى كربلاء ********
اللهُ أكبر
قوة الضرب تصل للصلأب
اللهُ أكبر
سيفهِ الغى جميع الاقاب
اللهُ أكبر
لم يعد منهم عدد للأصحاب
صاحوله ياكمر خل النه جم الف
لتفوته من الرعب كل لونه ينخطف
يا غيرة حيدره. ويمحير بالوصف
محد وكف بالحومه من غار
الف بالف يردمهم الحار
يلگط لگط ما يكتل ازغار
ساقي عطاشى كربلاء ********
اللهُ أكبر
لا عدد يكفي بعين الكافل
اللهُ أكبر
حربُ لا تحمل عذر للغافل
اللهُ أكبر
ثقلُ لواء اللهِ كفَّ الحامل
بــس سـبـع الگنطرة لمبين بالحرب
كللهم عــد عـلـي يازحمه الينغلب
بزريته ومن اطك عثره يضل بالدرب
سبع سبع تربات الحسين
مو كله لا بس جفه سبعين
حلاء الحرب زلمتهم الزين
ساقي عطاشى كربلاء ********مجتبى حسين الدراجي
للخيمه من رد المهر والدم عليه مطشر
وهنا علي بأن الكسر وصاحن احسين اتأخر
حيهن صحت يهل الخدر حسين صدره تكسر
مايرجع النه ولا يمر خل نلحك اعله المنحر
وآه حسين وآه حسين وآه حسين
شسولف والعدو هجمو
اجوو نيرانهم شعلو
كلبي والخيم حركو …..علينه
الرمل بخيامنه تچوه
اطلعت نسوانكم كوه
المثلنه تالي يتلوه….استحينه
وآه حسين وآه حسين وآه حسين
…………………………………..……
لتل ركض وتعثرت ومعَزتك متحيره
تاليها اركضلك كمت يالمادرو عدكم مره
ادركنا يحسيني صحت شفنه العذاب الماجره
فحطانه متعوبه صرت لا موش اليه ذن تره
وآه حسين وآه حسين وآه حسين
عشيره اباب خيمتنه
جانت هسه وحدنه
وين الدنيا خلتنه….حجينه
الشمر يجاسر اعلينه
وضل يشتم بهالينه
اذا ما تلحك يوالينه…شبدينه
وآه حسين وآه حسين وآه حسين
…………………………………..……
ذابحينك والاسم دم الحروف اتلالي
بروحي لو بيكم اهم لو انشغل بطفالي
حرمه جبيره والهظم متعوب حته اخيالي
اليرحم لازم ينرحم وانه الرحم جتالي
وآه حسين وآه حسين وآه حسين
تسولفلي وسولفلك
ادري احجايتي تكتلك
ماعدها خيام اختك…عكبكم
وازاك العطش اعرف
وجروحك رمل تنزف
الرمل همه نتاني يجف…بجرحكم
وآه حسين وآه حسين وآه حسين
…………………………………..……
وشكد صحتلك ياهلي ومامش جواب اعليه
يحسين فزع كافلي وكـــوم شوف شبيه
بالهميه وحدي بلا ولي والشمر يشمت بيه
بالهيمه تركض بت علي مــــا لايگه العلويه
وآه حسين وآه حسين وآه حسين
الحوافر والسهام وحر
وشماته وشگوة الخدر
تفتت كلبك اتصور…..بعذابه
صفت حته الشمس تلسع
وزلمة بصدرك تربع
الحجي مايطلع ويرجع…عتابه
وآه حسين وآه حسين وآه حسين
…………………………………..……
مجتبى حسين الدراجي
يهنياله اليريد يموت ويموت
…………………………………
بعد ما طاح اخوي وهجمت الناس
شفت النار تلهب بين اديهم
صحتله احسين لحك عاين وكال
كون اجدام عدي اركض عليهم
نبت بالكاع صدري المعذر ام عون
شيء فوك السهام اصبح دربهم
يم حسين صاح ولوع احسين
حركو الخيمه ماتت كل زلمهم
ياشرلي
كلت ما مات من اشر اشوفه
طلع مكطوع خنصر من جفوفه
احس كلي
يزينب هاي هيه وخلصت اهنا
احسه ايريد يحجي وماتجي ويا
الشمر بخيام زينب عله بالصوت
يهنياله اليريد يموت ويموت
…………………………………
وكف حته الهوى بعتاب الخيام
من شاف الحرك ماخذ خيمنه
كلي شحالنه وفوكانه نيران
ولا خوفنه تشب بعبينه
ترسنه الهيمه كلنه ونركض اعليه
وعمت عيني عليه رايد يجينه
موقصدي انه افزعه وارفع اجفوف
بس من كَد لطمنه اتبان ادينه
ركضناله
بس الخيل سبكتنه وخذت صدره
ضل حته الطفل ما يعثر ايعبره
بجيناله
بس ماندري هوه حسين مو هوه
بس شميت بي عطر الاخوه
لا تشيع يرهمله ولـ تابوت
يهنياله اليريد يموت ويموت
…………………………………
بعدما شميت عطره تگربت ليه
لكيت حسين حي ويحجي بهداي
وحگ جدي يزينب حيل عطشان
اريدن نگطه بس اتبلل اشفاي
اجه يمه الشمر ويكله يحسين
تره البالهيمه تركض زينبك هاي
راد يكوم بس نص جسمه عالكاع
ستحيت حسين اكله كوم وياي
تلحكلي
بعد يحسين ماضنك تلحكلي
غصب والله ضلي نشاف ياضلي
تفزعلي
شلون وانته صرت ثنين عالكاع
يمحمد حسينك مني ضاع بساع
الشمس من صدر اخوي تعكبه وتفوت
يهنياله اليريد ايموت ويموت …………………………………
جا غير اليموت نكول يرتاح
بس ياراحه كلي يشوفها حسين
كلنه كباله نركض بالسره نطيح
ويا راحه تجي لجدام المتيهين
شما اغمض العين يسير الطف
جذب يمحمد من انكول ناسين
بعدنا شما تمر اخيول بالباب
تلكانه من النياحه اعلي ميتين
يالعاشر
يمحمد صعب يتسولف العاشر
ثكيله وكعدت بصدره الحوافر
والكاسر
فَيه اعلينه بالهيمه غده مطشر
ادعي الله العمر من دونه يتكصر
غدت تبجي يروحي تريد زاتوت
يهنياله اليريد ايموت ويموت
…………………………………
مجتبى حسين الدراجي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 8 months ago
Last updated 2 months, 2 weeks ago