UFA Cup – 2024: “Металлург U15” ярим финалда!!!

Хабар берганимиздек, 2009 йилда туғилган ўсмирлар жамоалари ўртасида ўтказилаётган Ўзбекистон футбол ассоциацияси кубоги – 2024 мусобақасининг гуруҳ босқичи баҳсларида юз фоизлик натижа қайд этган Лутфилло Мажидов шогирдлари чорак финал йўлланмасини расмийлаштирган эди.

Бугун ўсмирларимиз плей-оффдаги дастлабки босқичдан ҳам муваффақиятли ўтишди. Пойтахтнинг “Спартак” футбол мактаби тарбияланувчларига қарши кечган баҳсда бекободликлар тўлиқ устунликка эга бўлишди ва рақибларини йирик ҳисобда доғда қолдиришди – 5:2. Учрашувда ҳамшаҳарларимиздан Асрор Қиличев, Анас Мухторов – 2та, Муҳаммадилло Тоҳиржонов ҳамда Садир Камоловлар муваффақият қозонишди.

Эртага турнир қатнашчилари дам олишади. “Металлург U15” ўсмирлар жамоамиз шанба куни ярим финалда Наманган вилояти футбол академияси тарбияланувчиларига қарши баҳс олиб боришади. Совринли ўринлар учун кураш олиб бораётган ўсмирларимизга кейинги ўйинларда ҳам омад ёр бўлишини тилаймиз!

Ўзбекистон футбол ассоциацияси кубоги учун ўсмирлар жамоалари ўртасида финал раунди баҳслари бошланди. Айни пайтда икки ёш тоифасида ҳал қилувчи босқичнинг гуруҳ ўйинлари якунига етди. Эътиборли жиҳати “Металлург” футбол академиямизнинг ҳар иккала ёш тоифасидаги жамоалари гуруҳ баҳсларида юз фоизлик натижани қайд этишди. Барча рақиблари устидан ишончли ғалабани расмийлаштирган ўсмирларимиз плей-офф босқичи йўлланмасини расмийлаштиришди.

U-13 тоифаси баҳсларида Шаҳбоз Абдураимов шогирдлари D гуруҳида Одил Аҳмедов, Наманган ҳамда Сурхондарё футбол академиялари тарбияланувчиларига қарши майдонга чиқиб, барча ўйинларни ўз фойдаларига ҳал этишди.
1-тур: “Металлург U13” – Сурхондарё ФА U13 – 2:1 (Азизбек Мўминов, Фарзод Собиржонов)
2-тур: Одил Жуниор ФА U13 – “Металлург U13” – 0:1 (Давлат Турдиматов)
3-тур: “Металлург U13” – Наманган ФА U13 – 2:1 (Азизбек Мўминов, Давлат Турдиматов)

Суперлига
24-тур рамзий терма жамоаси (4-3-3)
Дарвозабон: Ҳамидулло Абдунабиев ("Бунёдкор")

Ҳимоячилар: Абдуллоҳ Йўлдошев ("Локомотив"), Азим Аҳмедов ("Навбаҳор"), Одил Абдумажидов ("Металлург"), Мақсудхўжа Аълохўжаев ("Олимпик")

Ярим ҳимоячилар: Жамшид Искандеров ("Навбаҳор"), Дилшод Жўраев ("Локомотив"), Сияваш Ҳақназари ("Навбаҳор")

Ҳужумчилар: Люпчо Дориев ("Сўғдиёна"), Жасур Ҳакимов ("Локомотив"), Нодирбек Абдураззоқов (ОКМК)

Суперлиганинг 24-тури доирасида "Бунёдкор" майдонидаги дурангдан кейин "Металлург" ёрдамчи мураббийи Илёс Қурбонов матбуот анжуманида қатнашди.
- "Бунёдкор"ни билардик, яхши жамоа. Айниқса иккинчи даврада мураббийнинг имзоси кўринди, улар қарши ҳужумда яхши ўйнашмоқда. Тезкор футболчилари бор. Шу сабабли йигитлардан диққатлироқ бўлишни талаб қилдик. Барибир диққатни бироз йўқотдик ва қарши ҳужумда гол ўтказиб юбордик. Қўрққан жиҳатимиздан гол ўтиб кетди. Кейин йигитлар ўзларига келиб олишди. Иккинчи бўлим олдидан йигитларга керакли кўрсатмаларни бердик ва яхшироқ ўйин намойиш қилдик. Яхши вазиятларга эга бўлдик, лекин ғалаба қозониш учун кўпроқ гол уриш керак эди. Битта гол эса камлик қилди. Афсус, дуранг ўйнадик, мақсад уч очко эди. Дуранглар бўйича рекорд қўйяпмиз. Лекин ўйин бўйича йигитларга раҳмат, борларини беришди, тартибли ўйнашди. Фақатгина қаердадир омад, қаердадир совуққонлик етишмади.
- Ўтган турда Олмалиқдаги ўйинда Бальса Секулич билан Асадбек Собиржонов қайдномага киритилмади. Бугун Секулични ўйинда кўрдик, бироқ Собиржонов ўйинда кўриниш бермади. У ҳали ҳам жароҳатдами?
- Секулич жароҳатидан тикланиб, "Бунёдкор" билан ўйиндан олдин жамоа билан шуғулланди. Асад эса ҳали тўлиқ тиклангани йўқ. Кейинги ўйингача у умумий гуруҳда шуғулланишни бошлайди.
- Бугун "Металлург"га уч очко керак эди. Бироқ жамоа бугун дуранг ўйнади. Шу орқали "Локомотив" билан фарқ тўрт очкога етди. Жамоа лигада қолиши учун бир ғалаба ва бир дуранг қайд этиши керак бўлади. Жамоанинг лигада қолиш имкониятларини қандай баҳолайсиз?
- Бизда иккинчи даврадаги барча ўйинлар финал каби ўтмоқда. Ҳар бир ўйинга уч очко учун чиқяпмиз. Очколар эса олтинга тенг. Кураш охиригача бўлади. Ўйлайманки, олдимизга қўйилган вазифани бажаришга кучимиз етади. Эътибор берган бўлсангиз, биз рақиблардан кучсиз ўйин кўрсатаётганимиз йўқ. Бу бизнинг ўрнимиз эмас. Аслида биз тартиб борасида ҳеч кимдан ортда қолмадик. Биринчи даврада "Олимпик" билан ўйинда тўртта гол ўтказиб юбордик холос, қолган ўйинларда фақатгина битта гол фарқи эвазига мағлуб бўлдик. Тепадаги жамоалардан: ОКМК, "Навбаҳор", "Насаф", "Пахтакор", "Сўғдиёна"дан ҳам очко олдик. Айтяпман-ку, бизга қаердадир омад, совуққонлик етишмаяпти, баъзи нарсалар эса руҳий ҳолат билан боғлиқ бўлмоқда. Барибир сўнгги ўриндаги жамоа футболчиси хато қилишдан қўрқади. Ҳали ҳаммаси олдинда, охиригача курашамиз.
- Кейинги икки ўйин ҳақида фикрингизни билдирсангиз. Жамоангиз "Сурхон" ва "Насаф" билан ўйинларда 6 очко қўлга киритишига ишонасизми?
- Сўнгги икки турда 6 очко олишимизга ишонаман. Биз фақатгина уч очко учун ўйнаймиз. Ҳа, "Сурхон" чемпионатимизда чиройли ўйин кўрсатмоқда. "Насаф" эса чемпион, уларда биринчи ёки иккинчи таркиб йўқ. Чемпион, ОЧЛда ўйнаётган жамоада иккита бир хил таркиб бўлишига ишонаман. Биринчими ёки иккинчи таркибими, қийин ўйин бўлиши аниқ. Уларга қарши фақатгина ғалаба учун ўйнаймиз, хатто дуранг ҳам бизни қониқтирмайди.

Суперлига
24-тур
"Бунёдкор" – "Металлург" – 1:1
8 ноябрь. Тошкент. "Бунёдкор" стадиони.
Бош ҳакам: Шавкат Насибуллаев
Ёрдамчи ҳакамлар: Адҳам Рихсибоев, Шоҳруҳ Мақсудов
Захира ҳаками: Жаҳонгир Норалиев
VAR: Иброҳим Исмоилов
AVAR: Даниил Яценко
Назоратчи: Владислав Цейтлин
Комиссар: Шаҳзод Холбоев
Гол: 1:0 — 41, Амир Тўрақулов (Темурхўжа Абдухолиқов), 1:1 — 69, Одил Абдумажидов (Марко Миличкович).
"Бунёдкор": 13.Ҳамидулло Абдунабиев, 4.Нажмиддин Нормуродов, 5.Момчило Рашо, 11.Темурхўжа Абдухолиқов, 22.Усмонали Исмоналиев (8.Фране Чирьяк, 72), 23.Асадбек Раҳимжонов, 25.Итсуки Урата, 41.Андрия Филипович (74.Луис Качорри, 68), 57.Амир Тўрақулов, 65.Аҳмадулло Муқумжонов (77.Музаффар Олимжонов, 46), 93.Александр Зевадинов.
Захира: 1.Марин Любич, 7.Шаҳбоз Жўрабеков, 10.Расул Йўлдошев, 17.Оллоберган Каримов, 19.Билол Туплиев, 66.Азизбек Тўлқинбеков.
"Металлург": 35.Раҳимжон Давронов, 2.Одил Абдумажидов, 5.Олександр Кучеренко, 8.Искандар Шайқулов, 9.Забиҳилло Ўринбоев, 11.Далер Шарипов (98.Балса Секулич, 84), 14.Аброр Тошқўзиев (99.Аббос Эргашбоев, 55), 15.Азизбек Пирмуҳаммадов, 22.Шаҳзодбек Ғофурбеков, 31.Марко Миличкович, 88.Сирожиддин Қўзиев.
Захира: 87.Акмал Ортиқов, 19.Абубакир Ашуров, 24.Даврон Ҳошимов, 33.Иван Йосович, 39.Сайиддин Мавлонов, 61.Дилшод Раҳмонов, 77.Алишер Хайруллаев.

Дуранглар “қўйиб юбормаяпти”...
Рақибга ютқазмаслик аслида ижобий ҳолат. Аммо Суперлигада жон сақлаб қолиш учун кураш олиб бораётган жамоамизнинг кўп сонли дуранглари на футболчиларнинг ўзини, на мухлисларини хурсанд қилмаяпти...

Бу сафар Тошкентда асосий рақиблардан бири – “Бунёдкор”га қарши ўйинни жуда кўтаринки, тартибли ҳолатда ўтказиб, мағлубиятни дурангга айлантирган бўлса-да, “Металлург” футболчиларни майдонни тушкун кайфиятда тарк этишди. Зеро кузда ҳар битта бой берилган очколарнинг қиймати “олтинга” тенг бўлмоқда.

Учрашувнинг илк сонияларидан ўйин охиригача тўп назоратида “Металлург” рақибга ютқазмади. Вазиятларни содир этишда ҳатто майдон эгаларига нисбатан устунликка ҳам эга бўлди. Фақат улардан фойдаланиш самарадорлигида афсуски оқсаш кузатиляпти. Бу сафар ҳам шундай бўлди. Биринч тайм сўнггига келганда “Бунёдкор” дарвозаси ёнида кетма кет хавфли вазиятларни яратдик. Жамоа сардори Забихилло Ўринбоевнинг жаримадан тепган тўпини мезбонлар қийинчилик билан қайтаришди ва қарши ҳужумда гол уриб кетишди. Бу вазиятда ҳимоячиларимиз ўйиндан ташқари ҳолатни яратишда янглишишди – 0:1.
Танаффусдан кейин ташаббусни тўлиқ қўлга олган бекободликлар 69-дақиқада ўз мақсадларига эришишди. Миличковичнинг бурчакдан узатиб берган тўпини Одил Абдумажидов боши билан уриб рақиб дарвозаси тўрига туширди – 1:1. Бу натижа эса ўйин охиригача ўзгармай қолди.

Олдинда сўнгги иккита ҳаёт мамот учрашуви турибди. Биз йигитларимизга охиригача ишонамиз ва уларга бу ўйинларда омад ёр бўлишини тилаймиз...

Бугун Суперлигада 23-тур учрашувлари давом эттирилди. Қайд этилган натижалар ва мусобақа жадвалида юзага келган вазият билан танишинг.

Суперлигада 22-тур ўйинлари старт олди. Металлург клуби бу тур сафарда Навбаҳорга қарши баҳс олиб борди ва 0:1 ҳисобида енгилди. Беллашувдан сўнг жамоа бош мураббийи Григорий Колосовский матбуот анжуманида иштирок этди.
Ўйин ҳақида
- Четлатиш таъсир қилди. Рақиб эҳтиёткор ўйнади. Йўқ жойдан гол ўтказиб юбордик. Навбаҳор футболчиларига бугунги ғалаба кўпроқ керак эди. Уларни табриклайман. Маҳорат ўз сўзини айтди.
- “Навбаҳор” бир киши кам бўлиб қолганда ҳам тактикани ўзгартирмадингиз?
- Устунлик рақибда эмас эди. Биз кескинлик яратдик, аммо вазиятларни зарбага қадар олиб бора олмадик. Ўйлашимча, дуранг адолатли натижа бўлар эди. Натижа ўйинга мос. Захирадан тушган футболчилар ўйинни ўзгартира олмади.
- Бугун “Металлург”нинг қайси зонадаги ўйинидан қониқмадингиз?

- Биринчи навбатда ҳужум чизиғидан. Бугун улар ўз даражасидан пастроқ ҳаракат қилишди. Жуда кўп стандарт вазиятларга эга бўлдик, аммо ҳеч нарса ўхшамади. Ўзгартиришга ҳаракат қилдик, аммо бесамар кетди.

- “Металлург”нинг Суперлигада қолишига ишонасизми?
- Албатта, охиригача куршамиз. Локомотив бизга совғалар қилмоқда. Бундан фойдаланишга интиламиз. Сўнгги турга қадар жанг қиламиз. Агар, бугун 3 очко олганимизда, ҳаммаси ўз қўлимизда бўлар эди. Афсус...