سيد محمد سيد محمد
صوت الناعي يصيح استشهد
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
ايفطر كلبك صوت الناعي
من اتسمعه ابسهل اوادي
غمضت عينه العود الهادي
ياهو ايعوض هذا الامجد
سيد. محمد. سيد. محمد
٪٪٪٪٪٪٪٪٪٪٪٪٪٪٪٪٪٪٪٪٪٪٪1٪٪٪٪٪٪٪٪٪٪
جان السور الطاهه واله
حال السيف الباشط حاله
سيد محمد زين ارجاله
ووجاغ الشيمه المايبرد
سيد. محمد. سيد. محمد
٪٪٪٪٪٪٪٪٪٪٪٪٪٪٪٪٪٪٪٪2٪٪٪٪٪٪٪٪٪٪٪٪٪
هذا ابن المعصوم الازور
تنوش ايده اشمايريد اويكدر
هذا اشعاع العز من حيدر
واشعاع العز المايخمد
سيد. محمد. سيد. محمد
٪٪٪٪٪٪٪٪٪٪٪٪٪٪٪٪٪٪٪٪٪٪٪3٪٪٪٪٪٪٪٪٪٪
سامره الشافت اياته
بدجيل انطبعت جلماته
لمستها الوادم خيراته
معجز كل يوم اويتجدد
سيد. محمد. سيد. محمد
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪4٪٪٪٪٪٪
سيد محمد دون اخوانه
جان ايفور ابصدره ايمانه
ماتتكرب ليه عدوانه
مات اوضل الجف اليمتد
سيد. محمد. سيد. محمد
٪٪٪٪٪٪٪٪٪٪٪٪٪٪٪٪5٪٪٪٪٪٪٪٪٪٪٪٪٪٪٪٪٪
ابايدينك ينطيك الشاره
هوه العز وايعز خطاره
روح اتعنه او اوصل.داره
وشوف ابعينك طيب المشهد
سيد. محمد. سيد. محمد
٪٪٪٪٪٪٪٪٪٪٪٪٪٪٪٪6٪٪٪٪٪٪٪٪٪٪٪٪٪٪٪٪٪
اوصل داره اوهل الدمعه
ريت اتزوره ابليلة جمعه
ينطيك امرادك واتسمعه
ايرحب بيك اوكلبك يبرد
سيد. محمد. سيد  محمد
٪٪٪٪٪٪٪    ٪٪٪٪٪٪٪٪٪٪٪٪7.   ٪٪٪٪٪٪٪٪٪٪
لاتبخل بدموع اعيونك
اذكرهم تذكر يردونك
بالموت اهناك ايحضرونك
بس اهنا بالتقوى اتزو د
سيد. محمد. سيد. محمد
صوت الناعي ايصيح استشهد
٪٪٪٪٪٪.  ٪٪٪٪٪٪٪٪٪٪ 8٪٪٪٪٪٪٪٪٪٪٪٪٪٪٪
الشاعـر عبد الستار الجزائري الاسدي الحلي

ليلة ٢٩/جمادي الآخره /١٤٤٦
هجري الثلاثاء 31 \12 \2024
ليلة استشهاد سيد محمد سبع
الدجيل عليه السلام
#قصائد1446هج

سبــع الدجيل ايسَمــو ــ دار المكــــارم داره
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
      سيد محمـد مــا يخيــب الينخـاه
      بحر الكرم يتجاره من چف يمناه
      قاضي الحوائج والنعـم من سماه
گبر ابو جعفر ديـوان ــ مــا تنگطــع خطــاره
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
        شيخ العشيره والبخت والنوماس
         مايرد واحد تشهد ابفضله الناس
         يحمل شيم واطباع عمه العباس

طيب نفس طيب ذات ــ سيد وصاحب شاره
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
        سبع الجزيره من گبــل والهالحيـن
        بزوده بلــد مامونه أرض الطيبيـن
        حارس ارضها امن الفتن والعادين
ذل الدواعــش لنـذال ــ مـا گــدرو الانصــاره
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
        هالبقعــه محـــد يگــدر ايعاديهــا
        سيــد محمــد للحشـــر حاميهــــا
        رايـــة ابـــو الاحرار لترف بيهــــا
يشهد عليها التاريــخ ــ أرض البسالــه دياره
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
     لأوج المعالــي لــن تسامه صيتك
     كعبــة ملاذ الزايـــر اصبــح بيتك
      شعلة خلودك من وهج تضحيتك
يا سيدي مــا ننساك ــ ذكــرك تظــل آثـــاره
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
      سيــد محمــد ثــاره مـــا ناسينه
      والينــه بالســـم انچتـل والينـــه
       ياربي عجــل طلعِتَـه المهدينـــه
دم الشهيد المسمــوم ــ مهدينــه ياخـذ ثاره
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الشاعر عمار الراشدي

ليلة ٢٩/جمادي الآخره /١٤٤٦
هجري الثلاثاء. 31\2024 ليلة
استشهاد سيد محمد سبع الدجيل
عليه السلام في مسجد الإمام علي
ابن موسى الرضا عليه السلام حله
محلة جبران #ميمر
#قصائد1446هج

ابو ذيات استشهاد سيد محمد سبع الدجيل ع
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

علي الهادي عزم صبره وشعبه
      بمحمد بزغ نوره وشعبه
الدجيل امن النبي طه وشعبه
صفت من شعب حماي الحميه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الشعر الهم حلاته اشطور واعجاز
اسد يحرس اسد ياناس واعجاز
الشوف انصاب بالاثام وعجاز
الذي ميشوف نور ابن الزجيه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
مجاهد كضه كل عمره امامه
يدافع عن ابوه اوعن امامه
للحادي عشر مهد امامه
عجز هذا فعل اهل الرديه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
على محمد ادموع العين يرين
مثل مايرى الانس الحيد يرين
محمد بالصلابه صوت يرين
مثل جده علي حامي الحميه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
عليه ننصب مجالسنه ونحييه
ابكل اولايه وابقريه ونحيه
مدام اعله الارض نمشي ونحيه
دمعنه ايهل عليه ابكل مسيه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الشاعر عبد الستار الجزائري الاسدي الحلي

ليلة ٢٩/جمادي الآخره /١٤٤٦
هجري الثلاثاء 31\12 \2024
ليلة استشهاد سيد محمد سبع
الدجيل عليه السلام في مسجد
الإمام علي ابن موسى الرضا
عليه السلام حله محلة جبران
#أبوذيات #قصائد1446هج

هنو خديجه اليوم هنوها
ابمولد الزهره يالتحبوها،،،، بمولد الزهره يالتحبوها
🌺🌺🌺🌺🌺🌺🌺🌺🌺🌺🌺🌺
هنو خديجه الباري انطاها
نسمه محمد النبي طاها
ابمولد الزهره الله حياها
فاطمه الزهره الحور ولدوها
هنو خديجه يالتحبوها
❤️❤️❤️❤️❤️❤️❤️❤️❤️❤️❤️❤️
هنو خديجة ابضعة المختار
نسمه ميمونه شعت الانوار
اجمل هديه الحيدر الكرار
ام الايمه يلتعرفوها
هنو خديجه يالتحبوها
🍀🍀🍀🍀🍀🍀🍀🍀🍀🍀🍀🍀
هنو خديجه اوفرحو اوياها
ايحبها رسول الله اويهواها
دون النسائي فاطمه انطاها
ابمولد الزهره الحور حضروها
هنو خديجةيالتحبوها
🌹🌹🌹🌹🌹🌹🌹🌹🌹🌹🌹🌹
هنو خديجه اوعلنو الفرحه
ابمولدها حور العين منشرحه
يا مرحبا بيها اويا مرحه
ابمولد الزهره الجنه زينوها
هنو خديجه يالتحبوها
☘☘☘☘☘☘☘☘☘☘☘☘
هنو خديجه اومن يدانيها
فازت ابگلب النبي اوباريها
احله هديه اونعمه منطيها
بضعة الهادي الحور حيوها
هنو خديجه يالتحبوها
🌼🌼🌼🌼🌼🌼🌼🌼🌼🌼🌼🌼
هنو خديجه اوباركو الها
مولد الزهره الله كملها
سيدة نساء الجنه وافضلها
اسيه اومريم وامها خدموها
هنو خديجه يالتحبوها
♦️♦️♦️♦️♦️♦️♦️♦️♦️♦️♦️♦️
الشاعره الحاجه ام أحسان الخاقاني

ليلة ٢٠/جمادي الآخره /١٤٤٦
هجري الأحد 22 \12 \2024
ليلة ولادة السيده فاطمة الزهراء
عليها السلام #قصائد1446هج

(حُب فاطِمَه إينجينه)
🌺🌺🌺🌺🌺🌺🌺🌺🌺🌺🌺🌺 
ربَنَه إصطِفاهَه إعلَه البَشَر (حب فاطمه إينجينه).                       
إبميلادها الكون إبتِشَر(حب فاطمه إينجينه).                       
والخير بالدنيا إنتشَر(حب فاطمه إينجينه)
وبيها أِنسعَد هادينه (حب فاطمه إينجينه) ❤️❤️❤️❤️❤️❤️❤️❤️❤️❤️❤️❤️
            وإبتشر بيها المُصطفه                
           وفُرحَت خديجه أم الوفه          
                وحيدر الرَبنَه شَرَفَه                 
               حامي الحمه والينه
🍀🍀🍀🍀🍀🍀🍀🍀🍀🍀🍀🍀
             ودار النبي عَمها الفرح                 
            وطير السعد غَنَه وصِدَح.            
               هاي  إليواليها رُبَح                    
             ويرضَه عليه بارينه
🌹🌹🌹🌹🌹🌹🌹🌹🌹🌹🌹🌹
            هاي الزجيه أُم الحَسَن.             
             إنخاهَه لوجار الزمن                   
           ماتُبقَه والله كل مِحَن.                
            فاطمه خَيمَه إعلينه
🌼🌼🌼🌼🌼🌼🌼🌼🌼🌼🌼🌼                                             يالمحب اطلب حاجتك
            والله مَترِد طِلبِتَك                        
             للباري وَجِه دَعوِتَك                   
             بِالزهرَه رَبنه إحمينه
💐💐💐💐💐💐💐💐💐💐💐💐
              يوم القيامه فاطِمَه.                   
              إتنجينه من الحاطِمَه                 
            إوياهَه علي حامي الحِمَه             
               من كوثرَه يروينه
❤️❤️❤️❤️❤️❤️❤️❤️❤️❤️❤️الشاعر ابو ادم الحلي

ليلة ٢٠/جمادي الآخره /١٤٤٦
هجري الأحد 22\12 \2024
ليلة ولادة السيده فاطمة الزهراء
عليها السلام #قصائد1446هج

نبارك مولد الزهره الزجيه
🌺🌺🌺🌺🌺🌺🌺🌺🌺🌺🌺🌺
إله الكون فاطمها وسماها
وسمت من نور يامحلى سماها
اهي جنه وعلي حيدر سماها
وحسن وحسين لنجوم الزهيه
نبارك مولد الزهره الزجيه
❤️❤️❤️❤️❤️❤️❤️❤️❤️❤️❤️❤️
ياسامع عطني فكرك ونتباها
إلك اخبار عندي ونتباها
اقلك بيج نفخر ونتباها
حبيبة طه فاطمة الزجيه
🌹🌹🌹🌹🌹🌹🌹🌹🌹🌹🌹🌹
أباها  أباها  أباها  أباها
بس فاطمه التسمة أم اباها
ابو مريم الأفضل ام اباها
مثل مريم اختلف أم اباها
لعند المصطفى نزلت هديه
🌷🌷🌷🌷🌷🌷🌷🌷🌷🌷🌷🌷
سماها سماها سماها سماها
شمس للعصمه وتحفها سماها
سمت والخالق ابفضله سماها
اسمها فاطمه وربها سماها
وفطمت شيعتها نار السريه
🥀🥀🥀🥀🥀🥀🥀🥀🥀🥀🥀🥀
وردها وردها وردها وردها
تروح الروح من جسمي وردها
الفرح هاليوم جاذبها وردها
الليله الدنيا فواحه وردها
تفوح بمولد الزهره الزجيه
🌸🌸🌸🌸🌸🌸🌸🌸🌸🌸🌸
لبتها  لبتها  لبتها  لبتها
كرامة فاطمه الزهره لبتها
قصد جبريل يخدمها لبتها
تهاني الليله اقدمها لبتها
وبارك زينب لأمها الزجيه
🌿🌿🌿🌿🌿🌿🌿🌿🌿🌿🌿🌿
شملنه شملنه شملنه شملنه
يحب اعطور للخوه شملنه
خدمة فاطمه الزهره شملنه
فضلها شاء يلتم وشملنه
ونحيي بكربله حفل الزجيه
🌺🌺🌺🌺🌺🌺🌺🌺🌺🌺🌺🌺
هوالج هوالج هوالج هوالج
ليله اعله المحب نسم هوالج
قلبي ماهوى لغيرج هوالج
كل مايملك الشيعي هوالج
شفيعتنا يبت سيد البريه
💐💐💐💐💐💐💐💐💐💐💐
الشاعر الاديب جابر الكاظمي

ليلة ٢٠/جمادي الآخره /١٤٤٦
هجري الاحد 22\12 \2024
ليلة ولادة السيده فاطمة الزهراء
عليها السلام في مسجد الإمام علي
ابن موسى الرضا عليه السلام
حله محلة جبران #قصائد1446هج

مجموعة ابوذيات الى السيده الطاهره ام البنين عليها السلام

عيني أعلى الدرب كل ساع     تربه 
وصفت وي الدمـع والنوح      تربه
لـوّن مـنــك بقـــت يحسين      تربه
                       أشمنها لمّن تــدنه المنيـــه
*
روحي أعليك ظــل يسعر     يمرها
الليالــي أبغيبتــك حنظــل     يمرها 
بعــدك  لا فـــــرح يبنــي     يمرها 
                 الفرح يحسين من ترجــع عليه 

**
كفيــل  وادري يــا عبــاس    كفــاي
ونذرت اچفوفـك وي اثنين    كفـاي  
أعيوني وي الگمر هاليوم    كفـــي
                حرام الشوف عگب ابن الزچيه  

يگلبي وي الضعن امشي     ويا گوم
ويـــا نــاس الجفـو عنك      ويا گوم
الفــرح مــن غابو أعليه      ويا گوم 
                 وبعد هيهات ما نرهم سويه

بعد ان سمعت ابن حذلم ينعى الحسين سألته ام البنين واجابها

رسايــل مــن ضعنهم  ليـش     مايات
گلها  حسيـن فـوگــه الخيــل     مايات
صدگ صاحت على التـربان      ميّـت 
                   وضامي وداستك خيل ا ل أميه

*  
تراب الطف الك صايــر        وساده 
واهــلك فخــر للعـــالـم         وساده
فــك بابه الحـزن بعدك         وسّـده
                  عليّه والعمر أصبـــح عـــزي**ه

الشاعر موسى البديري

ليلة ١٣ /جمادي الأولى /١٤٤٦
هجري الأحد 15 \12 \2024
ليلة استشهاد مولاتي السيده
ام البنين عليها السلام
#أبوذيات #قصائد1446هج

موشح.... ام البنين

هاي مدرسة الوفه عنوانها
لابو اليمه خرّجت شبّانها
....
هاي مدرسة الوفه شمحله  الأسم
تختلف عن المدارس بالعلم
للحسين ابكربله ربت زلم
وچان اولهم گمر عدنانها
.......
جان عدها من الزلم اسمه الگمر
توصي بي لو يم ابو اليمه حضر
لا تشيل بعينه يوليدي النظر
انت خادم لابن سيد أكوانها
.....
توصّي يا باالفضل يا گرة العين
من تشوفه بكربله وحده الحسين
كون تفديله يعباس الثنين
وعين تكفي للضوه بصيوانها
....
تگله يبني يالذي شآنك چبير
موش كافل خادم ال زينب تصير
هاي بنت الزهره ام خير الچثير
وخيرنه يوليدي من بيبانها
......
ويه الگمر عدها زلم تملي العيون
بكربله بخدمة ابو اليمه تكون
عالشدد يوم الشدد بيهم العون
كشخة الحومه وكحل اجفانها
.......
علمتهم عالوفه ام الوفه
ودرّست اخلاق دين ومعرفه
ولذلك ربنا بالحق شرفه
اسم الها والله رافع شآنها
.......
من كرامات الوفيه الصالحه
لليحس بروحه بالهم طايحه
يرفع ايده ويقره الها الفاتحه
تنگظي كل معضله بإمچانها
.......

الشاعر حسام ناجي الحلي

ليلة ١٣ /جمادي الآخره /١٤٤٦
هجري الأحد 15 \12 \2024
ليلة استشهاد مولاتي السيده
ام البنين عليها السلام
#موشح #قصائد1446هج

انه ام البنين وهالكرم عندي
فده لحسين لو جانو الف ولدي
لجل حسين.... افدي اسنيني
.......
انه ام البنين الاربعه الطيبين
شباب وسلوه چانو للگلب والعين
ولو عندي بعد انطي بثواب حسين
بهاي شكبره حضي واشكبر سعدي
.......
انه ام الكرم هذا الفخر ليه
طبع البدوي يكرم وانه بدويه
لحسين شأقدم احسب شويه
ويه الزهره احس امقصره بوعدي
.......
آنه الخلفت للحره خوش ازلام
عباس واخوته والثلثت انعام
فدوه وكون زينب لحضه ما تنظام
لجل ام الخدر كون العمر تفدي
........
من حگي الفخر لو كلمتني الناس
وكالوا ليش هذا الفرق بالمقياس
اگللهم نعم غير اني ام عباس
واسم عباس من عنده الفخر يبدي
.......
يغمرني الفرح لو سمعن النسوان
واطيرن بالسمه وتصير الي جنحان
حسين يگلي يمه شثگله هالعنوان
واگله بخدمتك آمر بعد چبدي
........
عندك معضله تاه الفكر بيها
آنه الباب يلي تنشد اعليها
بالمريخ لو هالحاجه أگضيها
والحاجات كلهن لاذن بسدي
........

الشاعر حسام ناجي الحلي

ليلة ١٣ /جمادي الأولى /١٤٤٦
هجري الأحد 15 /12 \2024
ليلة استشهاد مولاتي السيده
ام البنين عليها السلام
#قصائد1446هج

للحسيني أنتمي      وهويتي فاطمي
           وولائي ـــــــــــــــــــ وولائي
ــــــــــــــــــــــــــــــــ&&&&&&ـــــــــــــــ
          مسلم وهذا شعاري وهذا عندي معتقد
          اني خالقني الهي الخالق الواحــــد احد 
         وابد مااسجد الغيره وكافر الغيره سجد
        هذا ديني واعتقادي وخالقي اعليه شهد

الغيره لا ما اعـبـده // وإله شكري وأحمده
               وثنائي ــــــــــــــــــــــــ وثنائي
ــــــــــــــــــــــــــــــ&&&&&ــــــــــــــــــــ
         فطرة التوحيد ربنه بالـكـلب خـلاهه
       وحب محمد والعترته ربنه خله اوياهه
      وفرض حبهم عالبريه وفاز من والاهه
       والولايه فرض واجب عالبشر سواهه

واني ألهم بايعت / وللعهد انه اكتبت
            بدمائي ـــــــــــ بدمائي
ـــــــــــــــ&&&&&&ـــــــــــــــــــــــــــــــ
         وانه بالاصلاب انه الهم انه بايعت
        وعهدي وياهم ابدمي انه الهم وقعت
        الفاطمه انه اولدها والعلي انه اعشكت
     وخادم الهم ابقه انه ابعمري هذا ماعشت

خادم ابقه الفاطمه // والعلي حامي الحمه
           وفدائي ــــــــــــ وفدائي
ـــــــــــــــــــــــــــــ&&&&ـــــــــــــــــــــــــــــــ
         خادم ابقه للزجيه لاخر انه انــــــفاسي
       وافتخر خادمها انه ابـيـن اهلي ونـــاسي
        ابهالخدامه ملك انه يصير بيها احساسي
     ومن يكولولي انته خادم الها ارفـــع راسي

ودمعتي اعليها تهل // اعليها حزني ماافل
           وعزائي ـــــــــــــــ وعزائي
ـــــــــــــــــــــــــــ&&&&&&&ــــــــــــــــــــ
      ابقه خادم انه الها وللحسين وافـتـخـــر
     ابلايه خدمتهم مـريده شلي انه ابهالعمر
     منهم ابهاي الخــــدامه رايد انه هالاجر
    ليلة الوحشه يجوني من ينزلونـــي القبر

منها واحسين الشهيد // هذا اجري الي اريد
             وجزائي ــــــــــــــــــ وجزائي
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الشاعر ابو أدم الحلي

ليلة ٣/جمادي الآخره /١٤٤٦ هجري
الخميس 5 \12 \2024 ليلة
استشهاد مولاتي السيده فاطمة
الزهراء عليها السلام الروايه
الثالثه #قصائد1446هج