БАҲОР ҲАВАСИ

Мўъжиза рўй берди
Чарақлаб,
ногоҳ;
Соғинч саломингдан
бошим осмонда.
Меҳринг товланибди,
тушда кўрдингми?
Шукр,
ўтмайдиган бўлдим армонда.

Сўзлардан таралар
севгиранг ифор,
Жаннат
боғларидан келган
сабодек,
Лаҳза ўтказмайин ўқийман такрор,
Дилда жаранг берар
соҳир наводек.

Навраста руҳимда балқийди
қувонч,
Учяпман,
ерларга тегмас оёғим,
Оламга жар солиб тургандай бўлар,
Кўксимни тўлдирган
ширин титроғим.

Ишқнинг
ҳар лаҳзаси абад мўъжиза,
Кутилмас
қувончга
тўлуғ нафаси.
Ҳайратим!
чин севги жўш урган қалбга
Ҳатто илк баҳорнинг келар ҳаваси!

14.10.24 й.

Sog‘inmay yasha.

🎙Azizabegim

📝Boqiy Mirzo

🍃🌸

BAXTLI INSON.

🎙Azizabegim

📝Boqiy Mirzo

🍃🌸🍃🌸🍃🌸🍃🌸🍃🌸

DARDLI KO‘NGIL IZHORI..

КИЧИК ШЕЪРЛАР

Осмон қизил рангда
қонга менгзамайман -
янги кун остонаси.
Севган қиз яноғига ўхшатсам
тўғри бўлар,
севган йигитини ишга кузатяпти...

Ҳар кун
кузатиб
Хулоса қилдим:
Яралгандан бери
Пиёлага
Эгилар чойнак.
Борини берсаю,
Сахийлик билан
Мағрур дея айбламоқ нечун?!

Топганини
Инига ташир чумоли;
Хотинига
Содиқ эркакка ўхшар!
Бировлар наздида
Жуда меҳнаткаш,
Аммо
Нафс йўлида
Эрмакка ўхшар!

Отаверар найзалар,
Тегаверар юракка.
Қалқиб-қалқиб тушса ҳам
Яшайди у осилиб
Энг чиройли тилаққа.
Бу найзалар фойдали;
Тўкилади гуноҳлар.
Хатолардан холиман,
Энди чекмам оҳ-воҳлар.
Нияти ёмон эмас:
Мен файласуф бўламан.
У дунёга борганда
Ҳурлар билан юраман!..

Боқий  МИРЗО.

Янги   қўшиқ

Гўзаллар кўп, мен эса фақат шуни суяман,
Гаплашмасам бирор кун ҳижронида куяман.

Чиқиб қолса йўлимдан кулиб турар шу гўзал,
Шеър ўқисам, сиримни билиб турар шу гўзал.

Тундай қаро кокили,қарашлари мулойим,
Бир кун эмас, ҳамиша ўғирлайди хаёлим.

Баҳор келса гул-чечак очилади, албатта,
Гўзалимнинг хуснидан уялиб, ҳижолатда.

Оппоққина юзида биттагина холи бор,
Ўпмаганман, лек аниқ – лабларида боли бор!..

Куз келганда барча гул хазон тусин олади,
Паризодим бир умр гўзал бўлиб қолади...

Тундай қаро кокили, қарашлари мулойим,
Бир кун эмас, ҳамиша ўғирлайди хаёлим.