الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇

https://t.me/Abas747

كعدة للامام الكاظم (ع)   (وينه هارون )

وينه هارون وقصوره
                  وذاك ظلمة وذاك جوره
  هذا ابن جعفر وطن….. للخايف بكل زمن
                  وينه هارون وقصورة
*
احجي يلسان الزمان        وضح شتحمل خفاية
واكشف النه الثام حاكم      بيضت وجه الدعاية
الگالها ياغيمة امطري      شنهي قصته والحكاية

هارون حقبة من الظلم
                      ماخله بالدنية جرم 
                      الا.جناه لجل الحكم 
                      وشوف تالي بيانهاية

سلطته وذيج المظاهر…… انتهت ما الها ذاكر
راح وبقه الي انسجن……… للخايف بكل زمن
                    وينه هارون وقصورة
**
اندثر هارون ذكره.           لا اثر ضل  لاعلامة
وماكدر ليل الظلالة.        يحجب انوار الامامة 
وذيج القيود الثگيلة.       اصبحت رمز الكرامة

مو كلمن تقيده يذل
                    ولاكلمن اتسجنه يزل
                موسى ابن جعفر موسهل 
                  من الزعامة للزعامة

يازمن ابقه انت شاهد……ياهو مات وياهو خالد
وياهو الاثاره بقن ……….. للخايف بكل زمن
                  وينه هارون وقصورة
*
كل زمن موسى ابن جعفر.     قبلة للاحرار  گبره
وصبره مصدر عنفوان   الكل ابي وكل نفس حرة
والطوامير والمها                 مدرسة اصرار  كبرى

تگصدها عشاگ الشرف
                وتدرس فكرها بكل شغف
                  ومن نورها العالم  عرف
                  للحق الله شلون نصره

عالجسر نعش اللي شفته ..وي السمه هاليوم گبته
كعبة وامان الصحن…………  للخايف بكل زمن
                   وينه هارون وقصورة
*   
والنظر للگبة يفهم.           شلون نصر الله العباده
ويفهم القائد ودورة.      وصبره وشيحمل ارادة        
تضحية ومصلحة امة.        مو  رفاهية  القيادة

القائد الحق مو رتب
               يتحمل سجون وتعب
               ويضحي نفسه للشعب
              وفرحته وحلمه الشهادة

خلي يفهم كل سياسي…....القيادة مو كراسي
حكمة وحلم بالمحن……… للخايف بكل زمن
*
القادة الايام انظر            يازمن وابقه انت شاهد
وشوف ياهو الخان ناسه   وياه صار الشعبه والد
وياهو بالشدة تكتر.         وتالي كالي انه المجاهد

سجل يتاريخ البشر 
               ياهو الوكف وكفة فخر
             السيستاني خط اروع صور
           للصدك  يتسمى  قائد

يشبه الموسى ابن جعفر..بالصبر بس صورة اصغر
هو. الحرز بالفتن……  للخايف بكل زمن
*مايموت الحق وناسة.        تقتدي بنهج الولاية
وموسى ابن جعفر مثلها        وتنتظر للمهدي راية
وتحسب اللحظة ظهورة.  بشغف وبحكمة ودراية

منتظرة عن حكمة وعلم
               ولنهضته محظره الزلم
                كلها وفه وكلها  عزم

زلم  وكت الصدك دمها        كله غيرة وموش بارد

سيد اياد الغالبي

https://www.facebook.com/share/v/15FmrecZw8/

.                          گعدة            

الزهراء عليها السلام

( يحمل سيفه  )

يابويه اطلب ترخص حيدر.        يحمل سيفه
بس ساعه  ومااريدن  اكثر.         يحمل سيفه 
يازلمة اليوصل للدار ....لوشاف بعينه الكرار                     
                     يحمل سيفه
**
بوية ياشمس الخلود.          المايضم الغيم ضيها
الناس ليش بشمس تگعد. ويمها شجرة عالي فيها
وليش تشرب ماي خابط.    والله كوثر خلق ريها

هالوادم تحير العقل
                     اقوالها. عكس الفعل  
                 تعوف الوصي تبايع نذل
                      موتها اشرف الحيها

والموت الواحدهم ارحم.       من يضيفه
    خيرهم  للشر  يتبسم          من يضيفه
يسمون انفسم اصحاب..ناس الغدروا داحي الباب
                        يحمل سيفه
**
تجمعوا حدر السقيفة.       العفن والبايع ضميرة
وخطة سووا للتأمر           واسعة وكلش جبيرة
والدليل ( ابني اسلم )    حظرت بسرعة  خطيرة

                   من عهد سابق خططوا
               وعن جيش اسامة تخلفوا
                    وللبيعة بالقوة  اعلنوا 
                  وارهابهم ماكو نظيره

وحيدر مو زود يجهبونه    بس تكليفه
مقيد بوصيتك يدرونه.      بس تكليفه
لو شايل بيدة الفقار….. ياهو اليوصل للكرار
                      يحمل سيفه
*             
منك اطلب ساعة وحدة.        يانبي  الله وامينه
ترخص الكرار حيدر.         يحمل  السيف  بيمينه
يعالج الروس الخبيثة          وينصر بفقارة دينه

لوحمل سيفه بيمنته
                   واهل السقيفه شافته
                 تضيع ابطلهم شردته
                 وعبره  يصبح للمدينه

يدرون بحيدر لوطبهم.          ياخذ حيفه
ومن راس الفتنه ونعثلهم.     ياخذ حيفة
ينظف منهم هاي الگاع…ويرد لهله الحگ الضاع
                       يحمل سيفه 
**
خل يطهر الارض كلها       من اشر واقذر عصابة 
ومثل قلعة باب خيبر.             للظلم  يقلع ابوابه
وبعد كل فكر التمرد.           ينتهي ويگطع اسبابه

بالدنيه مايرجع ظلم
               وليجوع طفل وينهظم 
              بس هالزمن اهل الحكم
                جددت. غدر. الصحابة

جم حاكم ذل شعبه وارضه.      حلمة وطيفه
بس الصهيوني اعليه يرضه.      حلمه وطيفه
حلمه يفرح الامريكان … باع ارض القدس ولبنان
                     يحمل سيفه
*
تجددت نفس الخيانة           بيد حكام  العمالة
ضد بلد لبنان واهله             حللوا  ذبحة وقتاله
وماكو بس اولاد حيدر.       نصر حزب الله ورجاله

                منظرهم ايفرح الگلب
                اتوحدوا باليوم الصعب
                ولبسوا اجفانه للحرب
                ونزلوا  السوح البسالة

يامحلا الجيش من تشوفه.     وكلنه بكيفه
حب حيدر يهتف منعوفه.       وكلنه بكيفه
حيدر رحمة وجفه الخير…بيده يعزب حته الطير                   
                    يحمل سيفة
                          ;*

حيدر الرحمة العظيمة.        وحيدر اسرار المحبه
ولهذا اولاد خيبر              بكل زمان تريد حربه
وحرب كل انسان عاشگ    حيدر ويمشي اعله دربه

شيعة علي ماتنحني
                    ولا بالشدايد تنثني
                 واحدهم بحيدر غني

حب علي اكبر تجاره.        وربح عدهم يكسبونه

(بني اسلم ) قبيلة عربية شاركت بشكل اساسي لنصرة اهل السقيفة ومساندتهم  ضد الامام علي ع

سيد اياد الغالبي
https://t.me/fydyi

.           گعدة…..السيدة الزهراء ع ....

                ( سكت تاريخهم )

سكت تاريخهم.           والسولف الباب
محسن عن قصد         كتلوه الاصحاب
خاف بطف الحسين….تشوف المشرعة اثنين
        محسن عن قصد كتلوه الاصحاب
**
جرح بعيون الحقيقة        مانشف لليوم نزفه
ختمت اعليه  السقيفه.   خاف واقعهم يكشفه    
جرح عن بسمار يحجي     ولوعته وقنفذ وجفه

وعن سامريهم والدمه
                   وشلون عصروا فاطمة
                    بالباب  وعليها  انغمه
                 ومحسن وطيحته وحتفه

سكت تاريخهم        سكتت مگابر
            خاف الناس.         لاتعرف الصاير
      وصاح الباب مرتين ….تشوف المشرعة اثنين
*بكل زمان الباب يهتف     صوت يكشف للقضية
ويذكر الاسماء كلها.        وشنهو اسباب الرزية
خوفهم يكبر المحسن.   ويحظر ارض الغاضرية

وحسين   لوراد  النهر
               يطلعون  محسن والگمر
               يحطون ظهر اعله الظهر
                ويبتشر  وجه  الزجية

كالوا لو طلع          للنهر عباس
       محسن يطلع        اوتهلك الحراس
ترد حملات صفين ……  تشوف المشرعة اثنين
*
اتصور انته اعله الشريعه.  المحسن وي الكمر حاظر
هم يظل عالنهر جندي     وهم يظل جيش وعساكر 
وهم عطش كلب الرضيع   ومرت بزينب مخاطر

هذا السقيفة الخافته
               والباب  لجله دفعته
              والظلع كسره عادته
              وي الحسين بيوم عاشر

بالطف موظلع.        لاكسروا ظلوع
       وحافر خيلهم.        بالصدر مطبوع
وجرح الباب جرحين…… تشوف المشرعة اثنين
**
ماكفه غصب الخلافة       والسقيفه امتد المها 
الكربله باكبر ظلامة         وصاب  عبدالله سهمها
وكل زمان احفاد عدها.      للظلم  شدت حزمها

وتلگاها  حيه بكل زمن
                  تحوك  التامر  والفتن
                 وفزعت اليوم اهل العفن
                  لليهود اولاد  عمها

بلد لبنان.                 كلها التمت اعليه
واتباع اليهود.       بنار  ترميه
وبكل الميادين …… تشوف المشرعة اثنين
*
حلف ضد لبنان صارت.   ولد كل ذيج السقيفة
والامس عالجمل صعدت.    امهم الحرة العفيفة 
اتمثلت بالسعودية            والجمع عادت  لفيفه

من الاردن المصر وقطر
                  يحجونها وبكل فخر
                 وي اليهود احنه ظهر 
                ناس وصخه ومو نظيفة

وحزب الله.          كلنه اليوم  وياه
محلا الموت.    عالحگ واحنه نهواه
بالدم نفدي هالدين….. تشوف المشرعة اثنين
**
                      المصيبة

باجر وباجر اشوفه.        يشبه الراحة مقاتل
وانظر المهدي بطلعته.     ينشف دموع الثواجل
وتفزع الشيعه النصرته.    فزعت احرار وبواسل

وبرايته يرف النصر
             ويگصد رسول الله بامر 
                وگبرين يحفر مو گبر

يطلع الشيخين بيده       الظلموا الزهره الزجية

سيد اياد الغالبي
https://t.me/fydyi

. .    گعدة… 
استشهاد السيد نصر الله

( عادة النه الموت )

شدوا ياشيعة حزمكم.        عادة النه الموت
والكرامة بالشهادة.             وعالمناية نفوت
مانركع بس للواحد…  نصر الله ودمة الشاهد
                  عاده النه الموت
                      ***
انكشف من بدأ الاسلام. ومن شمس فجر الرسالة
احنه مشروع الشهادة.  واحنه جيش الله ورجاله
ومن جرحنه بيوم حمزة    وجعفر ولوحت  نظاله

بموت النبي وظلم الولي
              صار الامر واضح جلي
                من هاي ياشيعة علي
              بدت صفحات البسالة

وكربله للدنية كشفت.      احنه خوش ازلام
تقدم الشيعة دماها          النصرت الاسلام
ومن طف حسين الخالد…ونصر الله ودمه الشاهد
                  عادة النه الموت
                    ***
احنه من انشد حزمنه.     احفاد مرحب يعرفونه
بحرب مانطي ضهرنه          وهمه  ياما جربونه
لو نعيش براس عالي.         لو شهادة.  يقلدونه

ونصر الله جم مرة درس
                 انطاهم أبعزت النفس
             وحط رايته فوگ الشمس
                    شامخ  ومايذلونه

بالحرب تلگاها بينه.      غيرة  العباس
لو الف مرة نتوذر.         مانطخ الراس،
ساعد شدينه بساعد…. نصر الله ودمه الشاهد
                  عاد النه الموت
                  ***
مانتاني الموته تگعد.       وتصحة خرفان العروبة
فصل الهم نتنياهو.            ولبس الكل عفن. ثوبه
السيسي يستعرض بجيشه.     اعليه يخاف من الرطوبة

وجيش ابن سلمان القرد
                وحكام  امارات  الحقد
                 همهم. الونسه. والثرد
                 ودينهم  لعبة الطوبة

وغاد بالشام ال امية.        طلعوا يرگصون
هم مثل يوم التلگوا.         زينب يصفكون
بين كل دوني وحاقد… نصر الله ودمة الشاهد
                    النه عادة الموت 
*
بعد مايسبون زينب   صرنه قوة عظمة واكثر
بدعم كل الشيعة فزعت.    لمن السيستاني أشر
ورفع جفه الخامنائي.       وعاد ضربت علي بخيبر

وقبتهم الگالوا. حصن
            سواها ابن حيدر طحن
     وگص. شكو  زفره. من اللسن
         وصار كل ذيل الهم أبتر

لاتضن هالامة تركع.                لويمرها الحيف
وسيد السيستاني ابوها.       وخامنائي السيف.
اوياهم للموت نجاهد ……  نصر الله ودمه الشاهد  
                 عادة النه الموت
*
الراية حملتها المراجع.          وللمناية جفن لبسوا
هي هاي اعمامة الحق.         عن اهلهم ماتخلوا 
والي  گالوا  مسرحية.         سكتت الغمان سكتوا

                     هالراية لا ماتنكسر
                موعودة من غزوة بدر
                    تتسلم الراعي الامر
                الشيعة الها بفخر حملوا 

ندري حلف الناتو بالجو .         يسند اسرائيل
واحنه ويانه الامام              المهدي يهل الفيل
بالحومة المهدي القائد …نصر الله ودمه الشاهد
                    عادة النه الموت
**
                     المصيبة

گربت طلعت المهدي      وهالوضع. اكبر علامة.
باجر براية محمد.           يطلع وسيف الامامة
يطلب بكل دم شهيد.      وعالشر تقوم  القيامة

طلعت الغايب گربت
                وهاي العلايم  اكدت
                وين ال امية لواجت

  تفر من راية المهدي.      وسيفة من يعلن قصاصة

سيد اياد الغالبي
https://t.me/fydyi

.                    گعدة

( لمايجري من مصاب ع الشيعة في لبنان واستشهاد قائد المقاومة )
.
( قالع خيبر )

.    ياقالع خيبر بجفوفك ومطشر الاحزاب
      مرحب جاي اليوم بجيشه ورايات الارهاب
كل يوم بساحة وميدان .ومانخضع صاحت لبنان
**
علي يانهج العدالة.           وسيف تبيانه ولسانه
وياصراط الحق اوشمسه   وحجته وقوة بيانه
ياكهف كل اليتامة.              وياملاذ الله وامانه

يالبالحرب واحد فرد
             وماينثني العزمك عضد  
                   ويالبترافه جالورد
                وجفك يلمنه بحنانه

      يالجفك جامعنه بحبه وحدر افيايه انام
    خيبر  هذا اليوم انعادت  شاهد ياظرغام 
جردها سيوفه الطغيان ….مانخضع صاحت لبنان
**
ياعلي وهاليوم رجعت خيبر النه بغير صورة
وهذا مرحبهم تمثل.             بالكيان يعيد دوره
مجد لااسرائيل يبني.         عالدم يشيد قصوره

ويدعمه شيطان الغرب
                 وياه گلب حط عالكلب
                وكل يوم يخلقله حرب
               وما يبطل ساعة جوره

وهاليوم ال لبنان توجه مرحب يطلب ثار
     ما يدري بحزب الله ارجاله احفاد  الكرار
متوهم حيل وغلطان….. ومانخضع صاحت لبنان
*
صامت العالم باسره.         وبسكوته يدين نفسه
والعرب بلعت لسنها.         وماكو واحد طلع حسه
من وره الشاشة تشاهد. نايمة نومت النفسة          

لعنه اعله حكام  العرب
             من بني سعود اهل الجرب
             العبد الله ولسيسي الطرب
               ناس اهل تطبيع نجسه

عن اسرائيل بكل قوة وباخلاص يحامون
    ضد لبنان شتطلب منهم وتگول  يسوون
ذوله اليسمون اخوان….. مانخضع صاحت لبنان
**
مايضل حزب الله وحده.   ياعلي احنه اوياه كلنه
العراق يموت گبله.            وگبل دمه يطيح دمنه
خلي كلشي يصير بينه       لانخاف  ولايهمنه 

اخوانهم احنه الصدگ
                   للخوه طگ بينه عرگ               
                    منعوفهم  لو نحترگ
                وخل يصير الكون ضدنه

خل تزعل امريكيا ويزعل كل حزب الطاغوت
      مادام السيستاني ارخصنه وي لبنان نموت 
وحبك ياحيدر عنوان … ومانخضع صاحت لبنان
*هذا صوت الشيعة ناده         لليهود  وال امية
حسن نصر الله خالد            بالگلوب الجعفرية 
والف نصر الله يطلع          والشهادة النه هوية  

متطيح راية حيدرة
                    من الله هاي مقدرة
              وعدنه الف نصر الله تره
                 يشيل راية الحيدرية

لا ترگص فرحانه الشام وتضحك اسرائيل
     مو نصر الله واحد عدنه مليون بكل جيل

لايفرح حزب الشيطان… ومانخضع صاحت لبنان
**
***
.                        المصيبة

معركة دين وعقيدة        لا محال المهدي حاضر
والنصر بأذن الله جاي.      ولوحت كل البشائر
وباجر  التاريخ يكتب.       هالمواقف.   والمأثر

ويسجل بلوح المجد
               حزب الله واحد والحشد
                    والشايب ونعم الولد

ضمهم النصرت الشيعة. وذخر بالشدة وفخرها      

سيد اياد الغالبي
https://t.me/fydyi

. ( گعدة ).

اللهم
انا نرغب اليك في دولة كريمة     ( ولكن. )

نرغب بدولة كريمة    ……     ودولة حرة نريد
وانت تبنيها يمهدي    ……        ومانحرك  ايد
هذا التفكير العاجز….. ناس تريد اعله الجاهز
                  ومانحرك ايد
**
سيدي عذرا يغايب.          ارد اسولفلك وضعنه
احنه من ساعة غيابك.     اتغير بكلشي طبعنه    
وبالعصر هذا النعيشة.      عالطبل يلتم جمعنه

                    صرنه جماعات وفرق
                وكلمن باسم حزبه  نطق
               وكل واحد يكول انه حق 
                وبالتعصب وسفه ضعنه

وسفه التلمها الولاية.                مشتته الاراء
وصرنه كل عشرة اعله راية        تتبع الاهواء
ومن يسولف عاقلنه. …….. نگله اسكت لتعبنه
                    ومانحرك ايد
*كل مسه نعقد النيه         وندعي بالدولة الكريمة
ومن يجينه الصبح ترجع.    نفس  عادتها  حليمة
ناس غيبه وناس تظلم.      وناس تمشي بالنميمة

وغابه الوضع مو مجتمع
               والناس عاميها الطمع
               اعله گلوبها الشر نطبع
               وسادها فن الجريمة

عدنا فلسفة انتظارك.     بس لفظ بالسان
للظهر نمنه اعله ثارك.           مايهزنه  أذان
كون الينتظرك  بافعال….. موبس بطرگ الاقوال
                       ومانحرك ايد
*نريد منك تبني دولة     واحنه نگعد بس نشاهد  
وحتا من ندعيلك احنه     بعقل  متشتت  وشارد
لانمهد لانضحي               ولايشد  احزامه واحد

من السمه هذا عهد
                  ميغير الله حال ابد
                 الا. اذا. القوم اجتهد
                  بيها حتا الدمه بارد

خلصت حرب البنادق.        هسه حرب افكار
  جندوا بيها  المنافق.              والقذر  والعار  
جم فاسق وجم عاهر…… عالشاشه بفسقه يجاهر
                       ومانحرك ايد   
*
نعيش هذا اليوم صرنه    حرب شاشات الهواتف
و بيها  جم  اتفاقية         بالعلن  ل الله  تخالف 
ربنه لمن خلق ادم             خلق حوى  ( للتآلف  )

الفطرة السليمة والعقل
                       ماتقبل بعقد المثل
                     مو رجل يتزوج رجل
                    هذا نهج  الفكره تالف

حملة مدعومة وشرفها.         باعته بفلسين
اتسقط العمامة وهدفها.        كله هدم الدين
هاي الوادم ملغومة …… ومن الخارج مدعومة
                   ومانحرك ايد
**
وشاهد الحالة. بلدنه.          قايمه  اعليه القيامة
والسبب اهل  السياسة.       خربت شكله ونظامة 
وهسه سكنوا  بالقصور    الامس جانوا بالقمامة

والشعب ساكت عالجره
                    جنه  ابنج.  ومخدره
                    يريدك يمهدي  تحرره
                    وهوه. غرگان  بمنامة

ماتجي حگوك  الأهلها      ماوراها. حلوگ
والسيوف الماتسلها. بلا ثمن بالسوگ
الماگام يغير الواقع … مرفوض بحكم الجامع
ومانحرك ايد
*               
                           ( المصيبة )
ان شاء الله للخير باجر    والامل بالله ورسوله
ويلتم بحبك شملنه             والرضاك احنه ننوله
وانته يلمهدي تشاهد.          نحارب الشر وذيوله

وي نهضتك يبن الحسن
                 تلكانه  سيفك  عالمحن
                 ويفرح كلب هذا الوطن

من بعد حزنه ومحنته.        يفرح بهيبة طلعتك

سيد اياد الغالبي