#Sharqoviy #Qurondan_maktublar

وَآتَاكُم مِّن كُلِّ مَا سَأَلْتُمُوهُ

Va U sizga barcha soʻragan narsalaringizdan berdi. (Ibrohim surasi, 34 oyat).

U zot Alloh azza va jalladir.
Aytingchi, Allohga yuragi xapqirib kelib, Undan omonlik topmagan kim bor?
Qalbi shikasta holida kelib, Alloh uni taʼmirlamagan kim bor?
Allohdan yordam soʻrab kelib, yordamsiz qolgan odam bormi?
Allohga mahzun holda kelib, Alloh bilan baxtga erishmagan inson bormi?
Nima qilishni bilmay, Allohga suyangan biron bandani yoʻl koʻrsatmay tashlab qoʻydimi?
Muhimi ijobat onlarini toʻgʻri tanlang. Ulovingizni Uning eshigi oldida choʻktirib, tunning oxirgi uchdan birida Allohga yuzlaning. Tunning namozda otilgan oʻqlar nishonga tegmay qolmaydi. Robbingga ishon. Alloh sari ochilgan boʻsh qoʻllar, albatta, toʻla holda qaytadi.
Darvoqe, avvalo luqmang halol boʻlsin. Hadisda: “Luqmangni halol qil, duosi ijobat odam boʻlasan” deyilgan.

Telegram|Facebook|Instagram | Twitter|Tiktok|YouTube

Vaqtning qadrini muvaffaq qilinganlargina biladilar.

Koʻpchilik insonlarni koʻrdimki, ular hayotning mazmun mohiyatini bilmaydilar. Ular orasida Alloh taolo mol-davlat berib qoʻygani sababli kasb-kor qilishga ehtiyoji tushmaydiganlar ham bor. Bunday kimsalar kunduzlari koʻpincha bozorlarda odamlarni kuzatib oʻtirishadi va qanchadan-qancha ofat va gunohlarga yoʻliqishadi. Shuningdek, odamlar orasida shatranj oʻynab, podshohlarni gapirib, narx-navolar va hokazo narsalarni bahs qilib vaqtlarini oʻtkazadiganlari ham bor. Men ularni koʻrib shu xulosaga keldimki, umrning ulugʻvorligini, tinch-xotirjam vaqtlarning qadri naqadar yuksak ekanini faqatgina Alloh taolo muvaffaq qilgan va ularni gʻanimat bilishga ilhom bergan zotlargina anglar ekan. Alloh taolo aytadi:
“Unga faqat sabrli zotlargina erishurlar, unga faqat ulugʻ nasiba egasigina erishur” (Fussilat su- rasi, 35-oyat).
Alloh taolodan bizlarga umr lahzalarning naqadar ulugʻligini bildirishini va ularni gʻanimat bilishga
muvaffaq qilishini soʻraymiz.

Abdul Fattoh Abu G‘uddaning “Ulamolar nazdida vaqtning qadri” kitobidan

Telegram|Facebook|Instagram | Twitter|Tiktok|YouTube

Payg‘ambarlarning mo‘jizalari

“Mo‘jiza” so‘zi lug‘atda “ojiz qoldiruvchi” degan ma’noni anglatadi, chunki boshqalar mo‘jizani keltirishdan ojiz qoladilar.
Istilohda esa: “Allohning izni ila payg‘ambarlarga ularning payg‘ambarligini tasdiqlash uchun berilgan odatdan tashqari, boshqalarning qo‘lidan kelmaydigan ish “mo‘jiza”dir”.
Kofirlar odatda payg‘ambarlarni inkor qilish bilan birga, o‘z noma’qulchiliklarini xaspo‘shlash maqsadida doimo turli bahona, takliflar qilib, mo’jiza ko‘rsatishni talab etib turishadi. Avvalgi o‘tgan barcha payg‘ambarlarga ham kofirlar xuddi shunday takliflar qilishgan. Alloh o‘z payg‘ambarlarining haqligini tasdiqlash, kofirlarni ojiz qoldirish, mo’minlarning iymonlarini mustahkamlash uchun payg‘ambarlarga o‘z zamonasi va qavmiga mos mo’jizalarni bergan.

Shayx Muhammad Sodiq Muhammad Yusufning
“Mukammmal saodat yo‘li” kitobidan.

Telegram|Facebook|Instagram | Twitter|Tiktok|YouTube