Bu ishq edi...
girdob bagʻrida
pichirlardi bir oyat labi...
Poyoni yoʻq tugʻyon qa’rida
qoldim uryon dengizchi kabi...
Meni yondir...
sovuq soʻngaklar
qarsillasin chaqin urgandek...
va dahshatga tushsin yuraklar
Ishq qonini ichib koʻrgandek...
Men ichdim bu olovli xunni
Bu - ISHQ edi...
Bu - ISHQ eding sen!..
Agar gado boʻlsam bir kuni
Faqat seni tilanaman men...

Asqar Mahkam

@wwwesdalikuz

Иш. Чой. Суҳбат. Овқат. Яна иш.
Ҳамма нарса ўйланган. Пухта.
Сўнг сен келдинг. Бошланди ёниш.
Мувозанат йўқолди. Нуқта.

Мен қуладим ям-яшил ёзга,
Майсаларда қолдим беармон.
Мен қуладим гулдаги нозга —
Ариларнинг куйига. Тамом.

Мен қуладим кўз ёшларингга,
Тушларингга, ундан ҳам нари...
Мен қуладим қарошларингга —
Борса келмас муҳаббат сари.

Мен қуладим юксак фалакка —
Тубсиз зулмат билан бетма-бет.
Тамом. Нуқта. Самоват чекар —
Лабларида бесон сигарет.

Ҳамма нарса ўйланган. Пухта.
Тонг отади. Қуёш кулади.
Мувозанат йўқолди. Нуқта.
Тамом. Соғинч қадар қуладим.

Усмон Азим
@wwwesdalikuz

Bugun 10-aprel 2024-yil, Chorshanba (1 Shavvol, 1445)

👉 BAYRAMLAR:

🇺🇳 Xalqaro qarshilik koʻrsatish harakati kuni.
🌎 Aka-uka va opa-singillar kuni.
🌙 Islom olamida Hayit bayrami

🔹 MILLIY BAYRAMLAR:

🇺🇸 AQSh - Kommodor Perri xotirasi kuni.
🇮🇸 Islandiya - Muhandislar kuni.
🇦🇿 Ozarbayjon - Quruvchilar kuni.
🇹🇯 Tojikiston - Ichki Ishlar qoʻshinlari kuni.
@wwwesdalikuz

Навоий бўлмоқ учун,
Патдан қалам йўндирдим.
Чопон кийдим сал узун,
Бошга салла қўндирдим.
Сотиб олдим бир жуфт шам,
Вазирбоп пар ёстиқча.
...Энди фақат талант кам,
Ва хотин ҳам ортиқча.

© Анвар Обиджон

@wwwesdalikuz

Agarchi sensizin sabr aylamak, ey yor, mushkuldur,
Sening birla chiqishmoqlik dag'i bisyor mushkuldur.

Mizojing nozik-u sen tund, men bir beadab telba,
Sanga holimni qilmoq, ey pari, izhor mushkuldur.

Ne osig' nola-u faryod xobolud baxtimdin,
Bir unlar birla chun qilmoq ani bedor mushkuldur.

Manga osondurur bo‘lsa, agar yuz ming tuman dushman,
Vale bo‘lmoq jahonda, ey ko‘ngul, beyor mushkuldur.

Visolinkim tilarsen nozini xush tortg'il, Bobur,
Ki olam bog'ida topmoq guli bexor mushkuldur.

Zahiriddin Muhammad Bobur
@wwwesdalikuz

ЎЗБЕК НАВОИЙНИ ЎҚИМАЙ ҚЎЙСА

Ўзбек Навоийни ўқимай қўйса
Олтин бошнинг калла бўлгани шудир.
Бедил қолиб Демян Беднийни суйса,
Қора сочнинг малла бўлгани шудир.

Ўзбек Навоийни ўқимай қўйса,
Дод демоққа палла бўлгани шудир.
Маърифатдан айри ўйнаса, кулса,
Аза чоғи ялла бўлгани шудир.

Ўзбек Навоийни ўқимай қўйса,
Алдангани, алла бўлгани шудир.
Юлғич азиз бўлиб, билгич хор бўлса,
Пайтаванинг салла бўлгани шудир.

Эл комил бўлмаса, юрт эмас улуғ,
Беқадр маҳалла бўлгани шудир.
Қалб тўла нур халқнинг ризқи ҳам тўлиғ,
Омбор тўла ғалла бўлгани шудир.

Ўзбек ўзлигини англаса бекам,
Унинг "Баракалла" бўлгани шудир.
Оламга Навоий наслиман деган
Овози баралла бўлгани шудир.

© Эркин Воҳидов

9-февраль -- ҳазрат Алишер Навоий таваллуд топган кун. Навоий авлодлари кунингиз хайрли бўлсин!

@wwwesdalikuz

#qatra

Яратганга шукр, сен яна келдинг,
Ҳамма қонунларнинг ўзгарди кучи.
Сенга мен узундан-узун от қўйдим:
«Эй, кўҳна дардларни янгилатувчи!»

© Омон Матжон
@wwwesdalikuz

#sevimli

Yog'averar qor...

Xayrli tun...
@wwwesdalikuz

Toshkentda birinchi qor ❄️❄️❄️

Siz kutasiz. Men ham boraman,
Uchib boradirman xuddi o‘q.
Faqat oldin xat yuboraman,
O‘sha xatni yozganimcha yo‘q.

Ko‘ngil ichra to‘kib borini,
Bir yil, o‘n yil o‘tdi,bu ko‘pmi?
Ayriliqning alafzorini,
Birgalashib o‘tamiz, xo‘pmi?

Qirq yil o‘tdi. Men tez boraman,
Ranjimangiz guvoh yer-u ko‘k!
Faqat... oldin xat yuboraman,
Xatni hali yozolganim yo‘q!

Halima Xudoyberdiyeva
@wwwesdalikuz