قناة الشاعر خادم فاطمه العليله ع
يازمن. موتني وي الغالي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated hace 1 año, 8 meses
Last updated hace 2 meses, 1 semana
مولاي مولاي موسه ابن جعفر
٠٠٠٠ ٠٠ ٠٠٠٠
عليك العيون يمولاي صفت تجاره
المثلك اشلون عالنصار تضيع اخباره
بيك الفلاك والملاك بقت محتاره
انته يل عابر السبعه بصيتك
يا هضيمه بالسجن تاليتك
الشيعه تطلع سيدي متانيتك
٠٠٠٠ ٠٠ ٠٠٠٠
ليش الكيود يمسجون كلت بعضامك
بالطوامير يمضلوم كضيت ايامك
ولا اخو وياك يمولاي يحس بالامك
بين غربه وعالمصايب صابر
اليلك ايمر جنه الليل العاشر
السجن ظلمه وبنهارك حاير
٠٠٠٠ ٠٠ ٠٠٠٠
طعم الفرك يمسموم ابد ماينجرع
يكضي هاليل بالهموم مناجات ودمع
حالك يذوب يمضلوم مثل حال الشمع
ياهو مثلك ينعه روحه بروحه
ولاعرف يمه ويضمد اجروحه
ياغريب وياهو يسمع نوحه
٠٠٠٠ ٠٠ ٠٠٠٠
دايره عليك شماته وتموت بغربتك
حاير اشلون يمولاي اوصف حالتك
عالجسر ليش غربيه تضل اجنازتك
صاحو الشمات هذا ابو الرضه
عضامه من الكيد كلهه مرضرضه
خل تشيعه اليوم وين الرافضه
٠٠٠٠ ٠٠ ٠٠٠٠
جينه هليوم بالحزان نجدد الك عهد
هل مواكب الك هاي تظل وللابد
ورث الاجيال مصابك نعيده شمابعد
يالمعذب بالقيود وبالحديد
يموت كلشي وحبك يخضر جديد
المات هارون وزمرته والرشيد
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
**غريبه تريد اهلها جنازت ام عون
ـــــــــــــــــــــــــــــــــــــــــــــــــــــــــ
شكد صاحت عليهم مايسمعون .... غريبه تريد اهلها
وتتنطـــــر بعد جا يمته يلفوون .... غريبه تريد اهلها
مو هسه الموادع يل تغسلـوون .... غريبه تريد اهلها
ثجيلــــه جنازتج وبعازت امتون
غريبه تريد اهلها جنازت ام عون
ـــــــــــــــــــــــــــــــــــــــــــــــــــــــــ
هضيمه وي الغرب تابتونج شلون.... غريبه تريد اهلها
وتتــــفرج الـوادم ما يشييعون .... غريبه تريد اهلها
ماتبقــــه وعلـي والسالفـه اتهون.... غريبه تريد اهلها
مثل هاي الفواتح نعمي العيوون
غريبه تريد اهلها جنازت ام عون
ــــــــــــــــــــــــــــــــــــــــــــــــــــــــــ
ضريحج خالي ڪالوا ماتزورون .... غريبه تريد اهلها
دكوا صدورڪم ها يل تلطموون .... غريبه تريد اهلها
ماواحــد حضــرها ولا يفزعوون .... غريبه تريد اهلها
وي دمـوعنا انـذب ليها الآچفون
غريبه تريد اهلها جنازت ام عون
ــــــــــــــــــــــــــــــــــــــــــــــــــــــــــ
يم حســــين فاتحتج ينصــبون .... غريبه تريد اهلها
ابين اخوتها خاطر من يشيعيون.... غريبه تريد اهلها
اخوان تريد كون عليها يبجوون .... غريبه تريد اهلها
ماواحد حضرها وي اليشيعون
غريبه تريد اهلها جنازت ام عون
ــــــــــــــــــــــــــــــــــــــــــــــــــــــــــ**#حسين_جاسم
يا غريبه زينب الله ايعين كلبج يا غريبه
مو مصيبه امصيبتج بالدنيه كلها مو مصيبه
ابلا خيام ابلا كلام والجرح مو سهل
والعذاب والمصاب والله ما ينحمل
اعله الوجه كل ساع زينب طايحه
ولليسر كل يوم جنج رايحه
الموت اجاج وكل اخوتج بالتراب
اعليج زينب ياهو يقره الفاتحه
يا زينب يا زينب
مو** بديه كلبي هوه يريد يمج مو بديه
يالسبيه بيج شمسويه المصايب يالسبيه
جنتي وين وهسه وين كلشي ضاع باليسر
احبال اديج اتون عليج كافي هم ياعمر
صارت امن الصوط زركه امتونج
المن اديرين بله عيونج
انتي بت حيدر علي وام الدلال
وكت زينب كامو ايشتمونج
يا زينب يا زينب
وي**ن اخوتج خل يحضرونج يزينب وين اخوتج
حان موتج ومن هلج محد اجاج وحان موتج
ابلا كفيل وهذا ليل وتجوي نار دمعتج
كلشي مات الهوه مات ما تطيب علتج
اجنازتج بس ابن اخوج وياها
وناس غربه اتجمعت فوكاها
كلها تسال وين فاتحتج تصير
والحسين بكربله سواها
يا زينب يا زينب
*من اذكرج ينعصر كلبي يزينب من اذكرج
يبقه عطرج امن الزم الشباج بيدي يبقه عطرج
بكل خشوع بالدموع اندعي بالصحن
غربوج وعذبوج عيوني بيج سولفن
زينب اوصل عتبتج خليني
اعليج اخوج حسين لترديني
انه حيل اعله الزياره كلبي طاك
ورايد بهاي السنه توفقيني
يا زينب يا زينب
تمت
تحسين الخفاجي
ويلا يزينب ويلا
،،،،،،،،،،،،،،،،،،،،،،،،،،
حيهـــــــــم يهاشم ياهلي
حيهم يبـــــو النخوه علي
زينـــــب يااشراف العرب
زينب غريبه بـــــــلا ولي
،،
بين الغرب طاحت
ومــن التعب ماتت
محد رحـــم زينب
ضيم شكثر شافت
،،،،،،،،،،،،،،،،،،،،،،،،،،،،،،،
حيهـــــــــــم ييمه فاطمه
حيهم يالمبچيــــــه السمه
تكسر الخاطر بـــــت علي
عويناتها يخرن دمـــــــــه
،،
ضيــــــم القصر ذلها
وممشه الهــزل شلها
حادي الضعن شامت
هاي الصعــــب حلها
،،،،،،،،،،،،،،،،،،،،،،،،،،،،،،،،،
حيهــــــــــم يحلال المحن
حيهــــــــم يخيي يالحسن
وينــــــــك يالمعزب العرب
زينب غريبــــــــه بلا وطن
،،
درب اليســـــر هيمه
مابي بعــــــــد خيمه
خويـــه نكسر ضهري
مــــن السبي وضيمه
،،،،،،،،،،،،،،،،،،،،،،،،،،،،،،،،،،،،
حيهم يالمشيــــــب الگلب
ماكافي نـــــوم اعله الترب
يحسين عنـــــــي شعطلك
ناسينـــــي لو ضاع الدرب
،،
زينــب يخي زينــــب
خيمه وبـــــدت تلهب
فوگ التعب هــــــــذا
اتعـــب وارد اتعـــــب
،،،،،،،،،،،،،،،،،،،،،،،،،،،،،،،،،،،،،،
عباس يابعـــــــــــــــد الهوه
صحتك واحس گلبي انچوه
حيهــــــم يالمبچي الزلـــــم
زينـب ضهركـــــــــــم ونلوه
،،
اختـك يبعــــــد اختك
زينــــــب انه الصحتك
يابالفضل وينـــــــــــك
يومــك دنه اوكتــــــك
،،،،،،،،،،،،،،،،،،،،،،،،،،،،،،،،،،،،،،،
ياعــــــــــــون لمـك ماگمت
وحيهم ييمه اشگــد صحت
ياعــــــــون ماصارت ابـــــد
امك وحيــــده بيا وكــــــت
،،
يبني التعـــــب هدني
گــــــــــوم لهلي ردني
الشام الاخـــــذ حيلي
ماريد اضـــــــل يبني
،،،،،،،،،،،،،،،،،،،،،،،،،،،،،،،،،،،،،،،،،،
نخوة زينب لهلها،،،
مصطفئ الصالحي
،،،2025،، ابتدء بجرح زينب
أمنيات ام البنين .لرجوع ولدها الحسين عليه السلام
.....................
بسلامه من ترد..
أفرش ادروبك ورد
واقره آيات الحمد ..من تجيني..
............................
بسلامه أترد يغالي.أحسب اليوم الوصال.
شابحه العين اعله دربك..وبدمعها اشكم سؤال.
بكل شخص غالي احلفك..بالربه وذاك الدلال.
حسين يبني احضان أمك..كل مسه تكَلك تعال.
من تعاود للحضن
تنشف ادموع الجفن..
واهجر ايام الحزن ....من تجيني.
...........................
يبني عين الماتشوفك..والله ما أحسبها عين.
والهوى من غير عطرك ..ما احس بي كل حنين.
انه لو ما سرّ وجودك..ماصرت ( أم البنين.)
الهل سبب قدمت ولدي.حتى ترجع ياحسين.
الك ضحيت الولد..
حتى ميطول البعد.
عيني بعيونك تصد ...من تجيني.
.............................
طول ماسافرت. يبني . مساهره وجفني ذبل.
انتظر موعد رجوعك.عايشه بلحظة أمل.
يومي احسبه ساعه ساعه.حسين اسأل ماوصل.
من بعد جمرت رحيله. كلشي عن بيتي رحل.
كلشي مات من الهجر
بس بقى اوياي الصبر...
لاكن يعود العمر ..من تجيني..
..................................
ولدي فركَتهم يغالي...ما أقارنها بجفاك.
اسنين عمري وكل بنيني والله ترخص يم غلاك.
دم نحر جعفر وعون.. .ونحر عبدالله فداك .
وابو فاضل نبض كَلبي يبني ناذرته الحماك.
صح جفه اولادي صعب
صح يفجعون الكَلب...
بس ورد املي الدرب . ..من تجيني
...................................
اوصيتي ادري نفذوها وقدموا لجلك نحور..
حتى ترجع يبني سالم..وافرش دروبك زهور.
حسين لوجيت بسلامه..ناذره الجيتك نذور.
يبني لاستقبالك أسجد . واشكر الرب الشكور.
الولدي مااجري الدمع
راسي بيهم مرتفع.
واعلكَ الجيتك شمع. .. من تجيني..
... ..........................
بين كل هاي الاماني..واسمع الناعي قريب.
عظم الله اجرج يكَلي . وبيك افكر يالحبيب.
يابشر وين ابو الاكبر .كَال ابوفاضل خضيب..
كَتله عن حسين انشدك..كَال مذبوح وسليب.
والله هدّ حيلي الخبر
صحت وين اخت الكَمر
شلون يعرفها النظر. ..من تجيني.
.................
✍ .ابو منتظر الحجامي
ما حسبالي يبطون وشل ماي العيون كطعو بيه الاحباب
راحت ذيج الايام ولا عندي جفن نام دوم امكابله الباب
تدرون المحنه امواصل اتريد
واكتبها الرساله وتثكل الايد
شيفيد العتب ياروحي شيفيد
جانو ولدي يمي وراحو بعيد
وانه والعليله قصتنه طويله وشبت نار المصاب
ما حسبالي يبطون وشل ماي العيون كطعو بيه الاحباب
مشتاكه الهلي وتهل العيون
وامشي للمجان البي يكعدون
ايلجمون الكلب ليش اليروحون
ما ادري شسوي وتخلص اشلون
عشت الوحدي بالدار ومامش منهم اخبار وكلبي امن الحزن ذاب
ما حسبالي يبطون وشل ماي العيون كطعو بيه الاحباب
انه ام البنين وابتدي امنين
كل ولدي صحت فدوه للحسين
كضيت الضهر من كلي ماشين
وملت كعدتي حته الحياطين
شو كل ما يجي الليل بكلبي اصورهم تعيل ويلجمني الهوه الهاب
ما حسبالي يبطون وشل ماي العيون كطعو بيه الاحباب
الما يمها ولدها تشبع هموم
شو عيني ترف صارلها جم يوم
والفارك هله ايضل يكره النوم
انه بصدري خنكه وكلبي مجلوم
الخيط بصفي ينشاف المثلي صعبه تنعاف راسي من القهر شاب
ما حسبالي يبطون وشل ماي العيون كطعو بيه الاحباب
بلا رخصه الحزن يدخل للبيوت
ردت اصرخ تعالو وما طلع صوت
ما عندي وكت تانيني ياموت
خدي للدمع سويته تابوت
حته امن ابلع الريج جرحي صاير ايهيج يمته يشفه الصواب
ما حسبالي يبطون وشل ماي العيون كطعو بيه الاحباب
ما بيه انتظر مليت الفراك
يكضيها بجي اليوميه يشتاك
مر افراكهم واشلون ينضاك
احلم يمي اجو واحلامي تنباك
خلص عمري صفنات وبعيده المسافات وتعب صبري الغياب
ما حسبالي يبطون وشل ماي العيون كطعو بيه الاحباب
تمت
تحسين الخفاجي
اشمالك يا ماي عطشته اهواي
ما غسلته ولا شربته
بالطف اول مسؤل انته
مخنوك ويدور هوه وخيل العده ساحكته
مره اعله وجه ينجفي ومره يكض خاصرته
جان الحسين اشكد حلو وريجه اشكثر يبسته
يا ماي ذنبك مو سهل ليش الورد عطشته
شوف اشسويت بكلبه اشخليت
بعينه ايسولف ضل اويخته
بالطف اول مسؤل انته
ياماي من الله استحي وحسين كافي تأذيه
بالطف صرت مثل الشمر لمن وكف يذبح بيه
ياماي انته من تكن وحسين ضامي تخليه
تحرم اخوي امن العذب وللشمر مايك تنطيه
باجر عالصار تدخل للنار
اهواي ابن امي اتلوع شفته
بالطف اول مسؤل انته
يا ماي لو عندك وفه ما حاربيت العطشان
لو ساكي كلبه بكربله جا هسه صيتك كبران
اهدوم الحسين تسلبت ويذري فوكه التربان
ياماي كلي انته شنو وتستاهل انطيك اخوان
ماريدك روح قاتل جم روح
شفتك جندي وعايف ذمته
بالطف اول مسؤل انته
ياماي دبرلك عذر راح اشتكل للزهره
شربت جيش بأكمله وتشح علينه بكطره
عطشان الحسين انذبح والخيل داست صدره
حاجيني اطلع يا سهم وصواب اخوي اشكبره
كلبته وصاح خليني ارتاح
حته الحافر ما عاتبته
بالطف اول مسؤل انته
ياماي تجري المن بعد يالذابح اهواي ازغار
كلها وضميرك ما فزع من حركو خيمنه بنار
حسيتك بذاك الوكت ويه الخيم عندك ثار
كيفت عبد الله نذبح وما حسبت بيه اشصار
بنهرك شيصير من تروي ازغير
امكيف بالدم يسبح عفته
بالطف اول مسؤل انته
ياماي جاي المن بعد وتسوي روحك مسكين
كل ضنك نضوكك بعد ياليبست ريج حسين
حته السهم عنده وجه بس انته عندك وجهين
ياماي مهر امي وتشح ضم روحك ابين الطين
وشجم عطشان ضل عالتربان
حته اليرضع شو عذبته
بالطف اول مسؤل انته
تمت
تحسين الخفاجي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated hace 1 año, 8 meses
Last updated hace 2 meses, 1 semana