يلومونني في الزين يا محمد ابن شروح
‏عسى لايمي في الزين يبطي طريح
فراش

‏هبيلاً يحسب أن الهوى تسليه ومزوح
‏وهو مادرا ان وقعه مثل رمية
الرشاش

‏تسير القدم من حيث ما هي تسير الروح
‏ويظهر على وجه الشقي ما يكن
الجاش

‏" والعنق عنق أدمي عاود لميلافه
‏متذير عقب ما أروح ريح تفاقي

‏مالك من الجسم غير المتن وأردافه
‏زاويه خصر عليه الشبر متلاقي

‏لفيتني لف سير فوق حذافه
‏وصرفتني من هوى تلعات الأعناقي

‏فأدخل على امك وأبوك من التزلافه
‏تبتني بالعذاب وتقطع أرزاقي "

‏عمر مع جنابك و العمر معك ما أملّه
‏الايام ساعتها تسابق دقايقها

‏ولي قلب واحد وأنت من جيت محتلّه
‏معك ذقت لذّات الغلا و أنت ذايقها

‏" تعدت مراحل خلٍ يموت في خِلّه
‏أنا أدمنت بك حتى العذاريب عاشقها "

ماقلت لك عمر سيـف العشق مايقتلك
‏ماتشوفني حي قدامك وانا اموت فيك

‏اشتقت لك قبل اجيك وجيت واشتقت لك
‏البارحة طول ليلي بين هذي وهذيك

‏مليت جمر انتظارك واستحيت اسألك
‏واحسبتني ما بعد جيتك وفكرت اجيك

‏اثرك بقلبي من البارح وانا استعجلك
‏واثري نسيتك من الفرحة وقمت احتريك

‏ماودي افتـح مع العالم ملفاتي
‏ولاني من اللي يدوّر عندّهم خِلـّه

‏أنا على نيتـي .. وامشي بنيّـاتي
‏ولاني بمجبور اجيب اللغز مع حلَه

‏خليت لفظ المحبّه من حساباتي
‏ألاّ محبـّـة الي احبه .. لوجه الله

‏ماهمني سـاعة الفرقا متى بتاتي
‏ما دام عندي قناعة تبري العله .

‏لا أوحيت طاريه ضيّعت التصرّافي
‏حتى اللّسان الفصيح يضيع منطوقه

احب ملقوف يسولف وطراه ❤️‍?