علي يبني .علي يبني
(1)

ابني تعب كلشي بيه علي راح وحيلي راح
خيلهم راكت بصدره وسمعت منه صياح
صاح بويه الحك عليه ضهري طك من الصفاح
كام كلشي يلجم ابنك .. بعد ماضن تستراح

حسين نهضم بوليده
كام يسحب رجله بيده

غثني السحك... كام يسحك ببني حيل
غثني السحك... كبال عيني تروكه خيل
غثني سحك... من سحكهم كمت اميل

وسمع الوادم تصيح حسين ابنه حدباه
كام يعثر ويطيح وعلي كلش تعباه
شاف خيل تروك ببنه زحوف يزحف وعتناه

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
( 2)
صاح بويه الحك عليه وانه ماضل بيه حيل
اتجه كوه من المصايب وانه موذاك الثكيل
من كثر هضمت وليدي كمت من كلشي اميل
كوه يانكلت جدامي شلون اجيبه وفوكه خيل

كلي شلون المنك
يمن فدوه اروحلك

يمك طحت...تيهت انه طريجي
يمك طحت...كوه كمت ابلع بريجي
يمك طحت... ياوليدي ويارفيجي

انه هاذه اليبجي يمك شنهي جنك معرفتني
يبني كوم وياي فدوه هواي بويه تعبتني
تلجم لوردت اشبكك شلون اشبكك حيرتني

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
( 3)
ماكلت فشله من ابوي الوادم اسولف وتحجي
بسك اكعد فدوه كوم ياكبرنه وكبر والدي
علي عدي حجايه وحده تمرد بروحي وجبدي
انه مايبجي دموع كلبي كام جروح يبجي

كلي يبني شلون كعدك
الخيل كله فوك صدرك

يبني تكوم .. بسك اكعد يل والد
يبني تكوم .. عليك كلبي انه انمرد
يبني تكوم .. الخيل راح ترد بعد

كوم يبني الخيل اجتك بسك اكعد لاتنام
عميه هاي الخيل جنه ماتميز الحرام
كبل لاتوصل تروكك روح ازحف لخيام

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
(4)

بويه جيتك امشي وعثر صاحو محدبه مشيته
هاذه ياهو الجه يمشي الشيب تارس شو لحيته
واحد يصيح الواحد مبين الفاكد وليده
اليمشي هاذه حسين جنه فاكد ادنيه وعضيده

حسين ابنه حدبا
الشيب كله من ورا

يبني علي.. شلون يبني من مشيت
يبني علي .. كبري منك شيبت
يبني علي .. ضهري طك وحدبيت

شيبت راسي يبويه اخ ياجرحي الغميج
شلون ارد بلايه انته اه يوليدي ورفيج
يبني راح عليك شوفي وتيهت حته طريج

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
(5)

بويه هسه الراي شني يمك اكعد لو اروح
كلبي مايطيني عوفك وانته كاضيتك جروح
بحيرت امك واليسحكك وانه ماضلتلي روح
زينب تناشدني عنك بلخيم كله تنوح

احجي اسكت والله حيره
اه يل كسره الجبيره

الحك تعال ..فدوه بس نضر عليه
الحك تعال .. جيش كله يروك بيه
الحك تعال .. طحنو ضلوعي وديه

بويه ايس ماكو جاره طشرت جسمي الحوافر
وادم وخيل عله صدري انه شنهي اصاير
طشروني كبال عينك وانه شوفك حاير

ثار الحسن !!! يرد وي مهدينه

باجر المهدي يكول حجايه
لبقيع مشونه شيلو الرايه
نروح الارض ام الحسن مشايه
نثبت بكاع البقيع الثايه

باجر المهدي يروح ويقره
بل بقيع هناك بسم الزهره
-------------------------
باجر هناك الخدم متحزمه
والموكب سابكت عل خدمه
وبو صالح صاح اهاي النعمه
نخدم اباب الحسن ونشمه

باجر الخدام تصرخ ياحسن
نذكر بمشايتك سبي الضعن
------------------------
باجر المهدي يعجل طلعته
ياخذ بثار الحسن وي عمته
فحل وبن فحول توجع طكته
كلمن العاده يموته بخزرته

باجر تموت الكفر والقاده
من يطب شيخ زلم والساده

-------------------------
باجر الدوله بسم مهديه
الحسين يصير قائد بيه
لا عطش يبقه الحرم يرويه
السبو عماته هم يسبيه

باجر ام عون التكول حجايه
هلب شيعة حيدره الوفايه
----------------------

باجر المهدي يرفرف بلعلم
ترجع نسوان كله للخيم
ماكو نار اصير عدهم ماكو دم
تلتم الخوان كله والحرم

ابو فاضل ترد ليه جفوفه
والسبه ضعونه بعد ميعوفه
---------------------

فزاعيه ...

حي الله الشعائر حيل عضموه

--------------------
ب لقامه نواسي حسين وزهره
ب تطبير وجمر نطفي الحسره
حسين تعذب بموته يشيعه هواي
الخيل تروك فوك ضلوعه متكسره

يهل الفزعه ابونه نمردت عضامه
امشونه انروح كنه نطفي اخيامه

حي الله شعائر حيل عضموه
-------------------------------

يعشاكة مجالس جاينه العاشر
تحزم لمصايب كون من باجر
خلي هل مصايب دوم براس
اذكر طيحت العباس والحافر

عضمو هل شعائر حيل عضموه
لحسين العيون وفدوه طفوه

حي الله شعائر حيل عضموه
-------------------------------

يهل الشور شدو الطمه شدوه
زينبكم عزيزه ولا تعوفوهه
تستاهل ام عون ثغيب ونموت
تحضر بلمجالس هسه واسوه

حي الله الزلام المايعوفوه
زينب بلغرب والغربه يسبوه

حي الله شعائر حيل عضموه
-------------------------------
محرم مابقاله ايام معدوده
تحزم بجفافي ولبسة السوده
بالك مو تذب السود عله حسين
وصرخ بل مجالس هاي مريوده

يوادم فاتحه وتريد تعزيه
خلو من الطم ضهور محنيه

حي الله شعائر حيل عضموه
-------------------------------

يهل الشور بالك تهتم الواحد
وريدك من تطوف تحير الكاعد
عيش جنون عابس ونسه هاي اناس
مالك غرض بيهم بيهم الحاقد

لاتهتم الواحد والطم بحركه
محتركه الرواح حسين ماعده

حي الله شعائر حيل عضمو

عبد يبني ..عبد يبني
-----------
يل بعازت هذاك الماي .. اكعد خل اجيبلك

اجيب الماي لعيونك .. يمن فدوه اروحلك

واذا مامش يصح الماي ..من عيوني انكطئلك

تتعب روحي وروحك ..اموت احسلي وحسلك

انته بس اكعد عليك
الماي كله ابين اديك

فدوه تكوم .. السهم موش ولامك
فدوه تكوم .. ياصغير ايامك
فدوه تكوم .. ضال خالي مجانك

---------------

لو دري يريد يموت ..اخلي وليدي
بمجانه

ولا ترهم تضل عطشان.. بس الدنيه خوانه

وذا مامش يصح الماي ..يريت عيوني عميانه

ابدلنك وحك الموت ..اكعد خل اموت انه

اكعد حيرت امك
خله تلولي وتنومك

عبد تموت...شلون يبني من مشيت
عبد تموت ..انه ماباجي وبجيت
عبد تموت ... انه منك ايست

------------------

شسولفلج بعد يم عون ..ابني يشهك بحضني

موكد السهم نحره ..موت روحي هاذه ابني

تكلي الوادم محدب .. جا غير الفكد يحني

وتيه دربي ماشوفه ..ابني هوايه دولبني

تتعبني يبعد الروح
وشوفك من وكت مذبوح

عبد تكوم ...هواي حيل تعذبت
عبد تكوم ... كبري منك شيبت
عبد تكوم ...عليك انه تحيرت

-------------------
امتعين العطش جاسك..يل بعيني حلم ملكه

تمنيتك ترد ليه ... وانه بعازت الشبكه

تهومش لسهم يبني ..وانه عليك محتركه

يلمهدك يضل خالي .. وانه بهاي ممصدكه

خطيه اتئذه من سهمه
ابني تغسل بدمه

يشهك يموت ..عبد بين حضاني
يشهك يموت ..كبال كل عدواني
يشهك يموت ..بموته حيل اذاني

-------------------

يضحكتنه السهم باكك ...راسي بلحضه ومشيب

وشوفه يشهك بروحه ... ضل بحضني يتكلب

يبزري مو سهل موتك ..بفكدك ضهري محدب

بكماطه عبد يرفس ..بحضني مات ومجلب

مايكدر يشيل ايده
حسين انهضم بوليده

يبني عبد ..شلون يبني من مشيت
يبني عبد ..ضهري طك وحدبيت
يبني عبد ..عليك انه تحيريت
------

اليله وحدي وسوالف جارحه
انباك خير الله وصفه بلافاتحه
------

اليله وحدي والجرح يلجم جرح

شلون اعاين راس عالي عله رمح

كون وي حسين راسي المنذبح

وبدرب يحسين اسوي انايحه

---------
اليله بلوه والحزن ماهو حزن

ضاع ياعزي وصفيت بلا وطن

مدافع ويه ضيم ونواع محن

والشماته هواي بينه وصايحه

-----------
شلون تكضي حسين وبهاذه اضلام

اه ياغدر الزمن مابي امان

ذبحو حسين وخذ ذيج الحلام

مات ابو اسوالف الجانت مالحه

-----------
اليله دمعي ولصبح هماله

اسبي فوك الجروح جماله

الفركه نار وللفكد جتاله

وشحلاتك جنت يمي البارحه

خطيه هناك محد شال نعش ام عون
اهله عزاز ماتو ياهم يشيعون
مو زينب عزيزه ماتونون
تستاهل اثغيب وطفي العيون

هسه طفيه
العين خلاف زينب

-------------------------------------------
تمنت والاهل مامش يحضرون
كله اصيح بويه غربه العيون
ياقصة غريبه وغربت ضعون
وجاسر عليه وطك المتون

الغربه طكوهه
وراس حسين عالي
----------------------
يدرب الشام ياضيم وصدك بلوه
مشيت الدرب وانه بعازت الخوه
يحدون الضعن ماعدهم مروه
وانه عله الهزل ياخويه وتلوه

ميلت الناكه
تعور ضهر زينب
------------------------------
زينبكم جبيره وحيل مابيه
تحشم بلغرب ونذبح واليه
عكب عينك يخوه اضيم كاضيه
هاي ام الخدر بسوك تاليه

طبت اسوك
تشيب راس زينب
----- --------

اشيله وحيل مابيه
طلعت روحه بحضاني
خطيه ينازع بلا ماي
الموقف هاذه غثاني
عود يبلل اشفافه
حط لسانه بل ساني

يوادم يشهك بحضني
موت روحي هاذه ابني
ماوجد الدرب عكبه
ابني هوايه دولبني