علامات عملي الكيميا لجامعة حلب 👇❤️
https://t.me/AleppoPre10/347?single

مبارح نزلت مجموعة اتمتات خفاف عقناة المكتبة قبل ما تفوت تحلن اقرأ هي الرسالة 👇🏻❤️

🔴 في احد الطلاب سألني سؤال بعد ما خلصنا الاتمتات ، قلي اذا بقدر كل يوم نزل اتمتات كيميا حتى باسبوع البيو لحتى ما ننسى المادة و تضل ببالنا

فهون تذكرت شغلة حابب انصحك فيا لانو اكيد بدك تسألنا ياها لبعدين 💯👇🏻
" اذا عم تدرس باسبوع البيو او الفيزيا او شو ما كان .. ممنوع تدرس مادة تانية معا و غلط انك تفكر بمواد تانية 💯 "

يعني مثلا انت بدك تبلش دراسة لاول مادة بالفحص يلي هي البيو و صرت رسميا باسبوع البيو .. تجي تمرق شوية تاريخ المسا .. او شوية فيزيا او شوية عضوية او تحل اتمتات كيميا او او .. الخ
هاد الشي غلط كبير و كبير جداً ❌
و أي حدا كان ببالو هالسؤال ف بظن وصلو الجواب مني 😂❤️

🔴 بهي الفترة انت بتلم كل التراكمات يلي عليك و ممكن تدرس مادتين بنفس اليوم حسب خطتك و حسب شو عندك لسا تراكمات
و لكن متى ما وصلت لاسبوع شي مادة ف انت ممنوع تدرس او تفكر بمادة تانية 💯

ممكن يكون في استثناء لهل حكي باسبوع الانكليزي و لكن في شروط متل انو تكون لغتك جيدة جداً للممتازة و تكون مزنوق و تارك فصول لاسبوعا من الفيزيا او الكيميا و مضطر تدرسن .. فساعتا ممكن تدرس مادة تانية بأول كم يوم من اسبوع الانكليزي بدون ما تضرب الانكليزي طبعا
بس حنحكي اكتر عهل موضوع لوقتا مو هلق ✅

🔴 هلق بس تبلش دراسة للبيو اتمتات الكيميا حتوقف و ما حينزل شي طبعا لا كيميا ولا غيرو .. لانو كل وقتك بدك تحطو للبيو

تخيل انت بنص زنقة اسبوع الفيزيا و كرهان حياتك تجي تلاقيني منزلك عقناة المكتبة سؤال عن نقاط الغليان 😂 مخك حيعمل error

و نصيحة لا تخلي شي هالفترة يلهيك عن درسك .. دراستك الحالية اهم من اي شي تاني و صدقني هالايام هي اذا عم تضيعا بشي غير درسك و تراكماتك حتندم لبعدين و تتمنى يرجع يوم واحد تدرسلك في كم فصل
انا بالنسبة الي افرش و كون مساوي كل شي بقدر عليه و ما مقصر بشي بضل احسن بألف مرة من اني افرش و ما كون مساوي شي و مضيع وقتي
لانو الندم بشع بضل ملاحقك
اما لما تكون عامل كل شي بتقدر عليه ف ساعتا انت تارك الباقي على الله يخترلك يلي فيه الخير الك ❤️❤️🙏🏻

🔴 حبيت خبرك هالنصيحة بس .. موفقين جميعا 🙏🏻❤️❤️

https://t.me/Elitechemistry

فوت عقناة المكتبة و حل السؤالين تبع هالفويس 👆🏻
بالتعليقات شفت في ناس مو واصلتا فكرة شارحا بالفصل ١٨ بالكورس عن مراقبة التفاعلات .. تبع تغير الناقلية و الريدوكس
حق معك الفكرة مو مكتوبة بالكتاب .. و لكن كلنا منعرف من وين جايبا 😂
لهيك سماع الفويس و سجلا عندك ❤️‍🔥❤️‍🔥❤️‍🔥

يعطيكن العافية يا اكابر ❤?

نزلتلكن فيديو حل للدورات الخاصة بالفصل الاول
هاد رابط الفيديو :
https://youtu.be/oIyFKSSzpFo?si=HP6S24jCW9W1PtWw

قبل ما تحل الدورات حضار الفيديو

موفقين ❤?

مساء الخير جميعا ❤❤

هيك منكون انهينا الاسبوع الخاص بالفصل الاول ❤?

⛔يلي عندو اي مشكلة باسئلة الدورات يفوت لهون انا شرحت كلشي بخص الدورات بهي القناة :
https://t.me/AnatomyEN/2227
لان احيانا عم يكون في اسئلة فيها ربط مع الفصول تبع العضوية او مع الفصل 19 فطبيعي ما تعرف تحلها هلق و لقدام رح نحلها
وممكن يكون في اسئلة ناقصة او فيها اغلاط وهاد شي طبيعي لهيك فوت لهون و اسمع الفويسات
و بالنهاية حنزللكن فيديو لحل الدورات كمان لهاد الفصل

⛔رح نزللكن فيديوهات حل اسئلة كامبردج و نهاية الفصل بعد كم يوم

⛔بعد ما تخلص الفصل حضار فيديو الربع ساعة براجعلك الفصل كلو بمدة 18 دقيقة

موفقين ❤❤

مسا الخير يا شباب ❤? عالساعة شي 9 ونص رح نزللكن شوية اتمتات عالفصل الاول عقناة المكتبة : https://t.me/AnatomyEN ما حكتر يعني ححط سؤال عكل فكرة و حنوضح بعض اسئلة الدورات و احكيلكن كم فكرة عن الارقام المعنوية

صباح الخير يا اكابر ❤❤❤

والله كمية الرسائل يلي فيها علامات الاختبار كتير كبيرة لهيك ما عم لحق رد عالكل ?
عم رد شوي شوي
بس اذا تاخرت عليك بالرد شوي ....

كلشي جايب فوق ال 80 علامتك ممتازة

و بالعموم شو ما جبت بالاختبار منيح
الاختبار هاد هدفو انك تختبر حالك و تراجع معلوماتك و تعرف اذا عندك ضعف بشي معين
فالشي يلي خربطت فيه رجاع مكنو و خلص ما عاد تنساه
هاد غير انو لسا مانكن متعودين كتير عجو اختبارات الاتمتة فاكيد في تسرع و في اخطاء انتوا بتكونوا بتعرفوا حلها بس سهيتوا عنو ?‍♂️❤

و اهم شي بالنسبة الي و ل الياس انك تكون راجعت الفصول
ساعتها شو ما جبت منيح
لان بعد فترة رح نرجع نراجع و ساعتها رح ترتفع العلامات يلي ممكن تجيبها
و باسبوع المادة حنرجع نراجع و حترجع ترتفع قدرتك على تحصيل العلامة

موفقين كتير يا حبايب و يلي عندو اشكالية بشي سؤال بالاختبار يبعتوا عهي الرسالة مشان نوضحلكن ياه عقناة المكتبة

موفقين ❤❤??

كمية الناس يلي جايبة علامات عالية بالاختبار و عم تبعتلي كتير كبيرة ❤❤??

هاد الشي كتير فرحني انا و الياس و حسسنا انو تعبنا عم يتقدر و نلاقي نتيجتوا ?

برافو عليكن يا وحوش و مستوى الاختبار اعلى من مستوى الدورات فانشاء الله بالامتحان الاخير بتسكروها ❤❤❤

صباح الخير جميعا ❤️❤️

اختبار الكيميا موجود عالتطبيق حملو اوفلاين و حله بالوقت يلي بتقدر فيه

و موجود ورقي بالمكاتب مع ورقة تحبير اذا بتحب مشان تتعود عالتحبير اكتر ❤️

اليوم منتناقش بالاسئلة و مننزل تفسير لكم سؤال ❤️‍?
موفقين يا رب ?❤️❤️

يعطيكم العافية جميعا ❤️❤️❤️

اليوم انا و عم صور فيديوهات الربع ساعة و عم ساوي كم فيديو مايند ماب حلوين
حبيت صور بطريقي الفصل التاسع ?

الفصل التاسع من اقصر و اسهل فصول المادة .. و مدة فيديوهاتو حتكون شي ساعة و نص تقريبا
يعني بيخلص معكن ب ٣ ساعات فقط كحضور و دراسة و كل شي ❤️‍?

? ف حبيت خبركن انو اذا شفت الفصل التاسع المسا عالتطبيق لا تخاف ?
عالخطة بدو ٣ اسابيع لنوصلو لهل فصل
بس يلي حاسس حالو فاضي و قدران يدرسو ضمن اسبوع الترميم عادي فيك تدرسو و اذا ما درستو كمان عادي فيك لوقت نوصلو عالخطة تدرسو ❤️❤️

الفكرة فقط و ببساطة انو في عنا كتير ضغط سواء دوام جامعة او فحوص او او او .. ف لما شوف حالي فاضي بفترة معينة و قدران صور شي فصل حصور حتى لو لسا الفصل ما وصلنالو عالخطة .. بعرف انك ما بتحب تشوفني مضغوط و مزنوق ?

موفقين جميعا ?❤️❤️❤️
https://t.me/Elitechemistry