لي قال نوض غدوة نلقاه في meeting 😌*📚
حاجة اخرى كيما ندير انا نوجد قهوة ضك باش الصباح نشعل عليها برك 🙂*🫤😂
(لي يحبها ويشربها ..تفطن شوي )**

تنوضو الصباح معايا على 4AM ؟ 😁
سييو مرة و شوفو 🙌🏻 لي مش موالف يجرب يعني

مدام غدا ان شاء الله الامتحان تاعكم التجريبي حبيت نمدلكم مجموعة من النصائح :
✅️أول حاجة روحو جربو ما تقولوش راح نضيع الوقت و نعرف واش .. روحو جربو حطو المعلومات لي عندكم ما تقولوش نخليو للباك و نجاوبو .جاوب وش تعرف ووين راك واصل و خلاص
✅️ راهي فرصة باش جرب تقعد تكتب اربع ساعات مثلا في العلوم . مليحة بزاف علابالي بلي أغلب النظاميين ما جربوش من قبل يحلو موضوع كامل علوم
✅️ حاجة اخرى ولي هي ماكلاه تخليو هذا الامتحان شغل يحددلكم نقاطكم تاع الباك . لانو المعروف انو الباك يجي اسهل بكثيير و الأساتذة عادة يتعمدو يصعبو .يعني كي ما تعرفوش راهي عادي و اكيد الباك يجي اسهل و اسهل
✅️ الهدف من هذه التجربة تتعلم التحكم في الوقت لا اكثر ولا اقل و تتعلم تكتب لمدة طويلة باش ما يكونش الباك هو اول مرة تاعك
✅️بالنسبة لتجربتي أنا فيه كانت سيئة 😂 بصح عادي رحت جاوبت وش نعرف و النقاط كانو كارثية بصح في الباك ديت نقاط اعلى بكثيير عليها نقلكم الهدف منو التحكم في الوقت و ليس تحديد المستوى
✅️ وفقكم الله . ما تخافو ما والو و اقراو مليح هذي السمانة ما تقولوش بعدو و نراجعو . هو راه هكا وسيلة باش تضغط روحك و تقرا مليح و تنحي عليك اكبر عدد من الدروس .مدلو حقو و ما ديرش هذه الأيام كباقي الأيام العادية . دير روحك راك تحضر صح للباك جرب هذاك الشعور
✅️ وفقكم الله و ان شاء الله نشوفكم في أعلى المراتب ✨️*💕***

رانا خلصنا الجلسة 7 و بدات 8 ما تولهتش مع الوقت

الجلسة7

وفقكم الله جميعا و سدد خطاكم 🥺*💕
*علابالي راكم تحسو بالارهاق و التعب و كلش بصح قاوموا من أجل تلك الفرحة في الأخير 💖
والله تستاهل و تستاهل بزااف
و ما تنساوش علاقتكم مع ربي . ما تقولوش بلي حنا مش ملاح و خلي ما نصليش وخلي ما نديرش و منا لاا .. ان الله غفور رحيم . لا تنس صلاتك و الأذكار تاعك ديما و خلي فمك معطر بالحوقلة " لا حول ولا قوة الا بالله "
كونو ديما على يقين بلي ابواب التوبة و الرحمة تاع ربي مفتوحة . كونو اقوياء و على يقين بلي التعب تاعكم ما يروحش باطل و بلي راح تنجحو و تتفوقو كامل ان شاء الله و توصلو للتخصصات تاعكم 💕*✨️***