غزل

اوسنی ژوند چې پوره توان غواړي
همداسې مرګ درنه ایمان غواړي

تش په خبرو شور او زور نه کیږي
د ننګ ګټل د سر تاوان غواړي

تر یو ارمانه غځیدلې لاره
قربانول د هر ارمان غواړي

چې یې په ګټه او تاوان خبر دي
همدا سړي افغانستان غواړي

د فکري جنګ ښکارزنو ټول ښکار کړي
لویه اصلاح مسلمانان غواړي

وړ د منلو ندي زمونږ وجدان ته
څه چې له مونږ نه دا جهان غواړي

مخبته حق دې ده قلم اداء کړه
درنه قلم د حق بیان غواړي

مخبت وردګ

امربل معروف

دا امرِ بل معروف د شریعت موضوع ده وروڼو
زمونږه د شرف او د عزت موضوع ده وروڼو

د دین او د ایمات او د حیاء مو دی ساتوتکی
د هر چا د اصلاح او د عفت موضوع ده وروڼو

د حق او د باطل توپیر او لار ښایي مخلوق ته
د حقې حقانیت او حقیقت موضوع ده وروڼو

زور ندی ظلم ندی له فحشاؤ نه ده منعه
زمونږه د کلتور او افغانیت موضوع ده وروڼو

دی راز د اتحاد او په پردي مخ ده څپیړه
د خپل امیر د امر د بیعت موضوع ده وروڼو

د جهل جهالت په ورک کیدو کې مؤثر دی
د پوهې او رڼا او انسانیت موضوع ده وروڼو

ټینګار خدای او رسول او اصحابانو دی پرې کړی
راغلي احادیث پرې د رحمت موضوع ده وروڼو

د هر فرمان او امر یې تابع اوسئ ملګرو
مخبت وایي زمونږه د حیثیت موضوع ده وروڼو

مخبت وردګ

سخت سخت مزلونه دي او لارې کږلېچنې دي
پام کړه لارویه د هدف لارې ستونزمنې دي

رسې' به منزل ته بریمن به تر مقصده ځې
تاسره لوی خدای کړې د خپلې مرستې ژمنې دي

ګوټ په ګوټ چې امن دی هیواد چې پرمختګ کوي
دغه نتیجې د قربانۍ او سرښیندنې دي

دم په دم یې غم خوري غمخواران ده دې ملت ډیر دي
چا ویل چې دا خلک بې سړي دي بې پوښتنې دي

ښکار به د کفري فرهنګي جنګ نشي إن شاءَ الله
ځکه چې ځوانان دي باتقوا پیغلې پتمنې دي

پښې تڼاکول غواړي په شور او شعار نه راځې
هو' د آزادۍ لارې پخې ندي اغزنې دي

ځکه کاروي درته مخبت وردګ خواږه توري
وړ د کړنې وړنې د مننې او ستاینې دي

مخبت وردګ

جنسې او طبې معلوماتو لپاره کلیک کړه?

رپیږي سپین بیرغ په هر میدان او هره څنډه
شوه هره بلا شنډه
هیواد چې د حُریت خالونه ووهل په ټنډه
شوه هره بلا شنډه

شروع یې په قرآن وي
کوربه یې عالمان وي
راټول پکې شیخان وي
له خیر برکت څخه وي ډکه هره غونډه
شوه هره بلا شنډه

روان دی مخ پر وړاندې
د خپلو تر لاس لاندې
په کور دی که د باندې
هر کا پرمخ روان دی بې له ستونزې بې له خنډه
شوه هره بلا شنډه

خدمت ته راوتلی
غمخوار مو دی راغلی
زموږ لاس یې نیولی
زمونږه غم او درد ته رسیدنه کړي په منډه
شوه هره بلا شنډه

آرام یې اوس ژوندون دی
راغلی پرې بدلون دی
نظام یې لوی سکون دی
بقاء ته یې دعاء هر یتیم او هره کونډه
شوه هره بلا شنډه

چې خلاص له تور دجال شو
برلاسی پر اشغال شو
له زړه هیواد خوشحال شو
غربي نړۍ چې خپل پلویان ټول سره کړل پنډه
شوه هره بلا شنډه

د خدای چې کې رضا وي
چې اجر پکې ستا وي
او خیر د هر چا وي
مخبته داسې کار ته کړه اقدام بې له کوم ځنډه
شوه هره بلا شنډه

مخبت وردګ

اوس کولای شۍ چې جنسۍ مشکلات مو حل کړۍ?
? https://t.me/GeensyMalomat ✅
? https://t.me/GeensyMalomat ✅
? https://t.me/GeensyMalomat ✅
? https://t.me/GeensyMalomat ✅
? https://t.me/GeensyMalomat ✅

غزل

ستا له لاسه مې په ژوند چې څه تیريږي
یو په یو درپسې هر څه حسابیږي

ته په خپلو نارواؤ کې خوښ اوسه
خو تاوان یې د تر ما پورې رسیږي

چې دا یو زړه مې ورکړی ؤ هر چاته
بس' قصور یې له همدې زړه نه اوس خیږي

خپل که هر څومره پردی شي بیا هم خپل وي
لاس چې مات شي خپلې غاړې ته رالویږي

ده دې وخت بدلون یم داسې مایوس کړی
باور وکړه زړه مې ورځ په ورځ ماتیږي

ژونده'ډیر تریخ یې پرې تیر څه خواږه ورکړه
که دا ښه د اوس په خوار مخبت لوریږي

مخبت وردګ

غزل

خاورې واوښتې زما په ارمانونو
چې تورن شوم په بې ځایه تهمتونو

ما هم ځان ته هم دې خلکو ته ښه غوښتل
خبر نه وم چې ښه سوځي په اورونو

زما لاس د سر په ځای پرې کړه جلاده
ما برباد کړ ځان په دې خپلو لاسونو

پر وجود مې ده ستا مینه داسې لګي
لکه مړ شبنم چې پروت وي په ګلونو

دلته مه ځوروئ هیڅ څوک ښه یې غواړئ
د ډیوو بلول څه وي په قبرونو

بیا هغسې خوږ خوږ وغږیږه یاره
ته یو څو شېبې راووځه له غمونو

چې په زړه زخمي زخمي وي او رنځور وي
هغه نه کوي پروا بیا د دردونو

ده ستا شتون تر ډیره حده قابو کړی
کنه سر به ؤ مخبت یار د په غرونو

مخبت وردګ

جنسې او طبې معلوماتو لپاره کلیک کړه?