لەگەڵم بدوێ
بەرلەوەی زستان
کلوو کلوو دابارێتە تەنیایی
پێش ئەوەی شەقام
مات و بێ‌دەنگ لە قیژەیەکدا کەسیرە بێ
لەگەڵم بدوێ
مەم‌وزینانە
دەستەملان سروودی گڕکانی نەورۆز و
گۆڤەندی هەتاو دەچڕینەوە

#هەرمان_وەتمانی

☀️ @wetman

لە سەمای هێش و خاکدا
ورینگەی جوتیار
حیکایەتەکانی زەوی
دەنووسێتەوە

✍🏼 #هەرمان_وەتمانی

☀️ @wetmani

لەو ڕۆژەدا
تەنیاییمان
کلوو کلوو
لە خەفەت و ئازار تەنی...
لەو ڕۆژەدا
تەژی زوقم و
پڕی شەختە و
بەستەڵەک بووین...
لەو کاتەوە ئێمەی تەنیا و
زەوی سارد و
بوومەلێڵی بەری بەیان...

✍? #هەرمان_وەتمانی

☀️ @wetmani

کە شلێرە نوقمی خوێن، عاشق دەبێ
کە پێدەشت و شاخ چاوەڕوانی بەهار
ورشە دەدەن
کە مانگ لە چاوانتدا دەخووسێ و
کارمامزێک سەرمەستی بەیبوون
نێچیر دەبێ،
من بیر لە تۆ دەکەمەوە
ئەی نیشتمانی دڵ بەخەمی پڕ حەسرەت و قەت نەحەساوە...

☀️ @wetmani

ڕەزبەر بوو
بەکاتی ڕەوەز،
ئەو دەمەی چاوەکانم بڵیسەی خەونێکی تاهەتاییان داگیرساند...
من بووم و مەهاباد و
کوردستانێکی بێ‌ئۆقرە لە ناخمدا...

☀️ @wetmani

باران، ئەی ناسک‌سواری ڕێگە دوور
دڵم کێلگەی حزوورێکە
پاک و بێگەرد
پڕ لە سێحر و ڕەمزی خووسان...

☀️ @wetmani

تۆ سەردێڕی گرینگترین هەواڵەکانی جیهانی،
منیش هەروا لە لاپەڕەی ڕووداوەکان
دەمێ زامدار،
جارێ کوشتە و
ڕۆژێ سووتاوتم ئەی نیشتمان...

☀️ @wetmani