مسابقة سريعه ✨*.
*اول م يوصل 80 صوت .
ياخد كرت 5 مدار + كرت 5 LTE
+ تمويل 100 عضو .
للاشتراك @xi1lllنوصل عدد مطلوب نبدا .

دز قناتك هنا و نرقيها الف عضو بدون مقابل :
@Cp_p1

دز قناتك هنا و نرقيها الف عضو بدون مقابل :
@Cp_p1

" للعلم المنشور يخوف ولكن يلي بنكتبه حقيقة حيواجهها شخص في يوم من الأيام"

في مرة من المرات الرسول عليه الصلاة والسلام كان جالس مع صحابه فـ اهتزت بيهم الأرض فجأة ودارت صوت قوي كأن حد طاح من مكان عالي استغربو الصحابة فقاللهم الرسول عليه الصلام والسلام هل تدرون ماهذا؟ فقالوله الله ورسوله اعلم شن تتوقعوا الرد ؟؟؟

قاللهم هذا حجر القي به في جهنم منذ 70 عاماً يعني تخايلو الحجر نحذف في النار وقعد 70 عام باش وصل لقعر جهنم ..!

وقاللهم يلي سمعتوه هذا صوت النار لما طاح عليها

شفتو كمية مقدار خلق جهنم به تعالو نحكيلكم على سكانها شن ياكلو وكيف يعيشوا وكيف حياتهم فيها ؟

سكان جهنم من ابرز ملامحهم في النار وجوههم تبدا ظلام زي ظلام الليل كحلة بشكل مخيف كلها كأبة وحزن ومخيفة جدا جدا يقول تعالى : (وَالَّذِينَ كَسَبُوا السَّيِّئَاتِ جَزَاءُ سَيِّئَةٍ بِمِثْلِهَا وَتَرْهَقُهُمْ ذِلَّةٌ ۖ مَّا لَهُم مِّنَ اللَّهِ مِنْ عَاصِمٍ ۖ كَأَنَّمَا أُغْشِيَتْ وُجُوهُهُمْ قِطَعًا مِّنَ اللَّيْلِ مُظْلِمًا)

نجو لأحجامهم احجام الناس في النار مختلفة كلياً عن طبيعتها يلي كانت بيها في الأرض احجامهم حيغيرها الله عز وجل باش تلائم النار وعذابها ابي هريرة رضي الله عنه وصف اشكالهم وصف مخيف جدا وقال مابين كتفين الكافر في جهنم مسيرة سير تلاته ايام للراكب المسرع يعني انت لو بتركب بين كتوف الكافر محتاج مسيرة تلاته ايام باش توصل للكتف التاني وطبعا لو كانت سرعتك عالية ..
يعني تخايلو معاي المنظر والشكل كيف يالطيف ..!

أخرج البخاري في صحيحه عن أبي هريرة
: عن النبي صلى الله عليه و سلم قال ( ما بين منكبي الكافر مسيرة ثلاثة أيام للراكب المسرع )

كذالك لحمهم مش زي اللحم المعتاد يلي كانو بيه بلعكس جلودهم في جهنم غليضة باش تناسب حجم العذاب مع هذا جلودهم مش حتتحمل العذاب وحذوب ويبدلهم الله عز وجل بجلود ثانية واذوب من العذاب وهكذا .. الله يعافينا يارب

يقول تعالى : ( كُلَّمَا نَضِجَتْ جُلُودُهُم بَدَّلْنَاهُمْ جُلُودًا غَيْرَهَا لِيَذُوقُوا الْعَذَابَ ۗ إِنَّ اللَّهَ كَانَ عَزِيزًا حَكِيمًا)

اما بالنسبة لملابسهم مصنوعة من نار متخيلين الألم والعذاب هما في النار وكذالك لبسهم مصنوع من النار يالطيف يارب ..

يقول تعالى فَٱلَّذِينَ كَفَرُواْ قُطِّعَتْ لَهُمْ ثِيَابٌ مِّن نَّارٍۢ يُصَبُّ مِن فَوْقِ رُءُوسِهِمُ ٱلْحَمِيمُ)

اما بالنسبة لمقومات الحياة الأكل والشرب تعرفو شن حيكونو عندهم؟

شوفو اول شي خلو في بالكم ان زي ما الجنة منازل كذالك جهنم منازل مش الكل حيتعذبو بنفس العذاب يعني كل واحد علي حسب اعماله المهم في شجرة في جهنم اسمها شجرة الزقوم تعرفو شن قال عليها الرسول عليه الصلاة والسلام ؟

قال "لو نزلت قطرة قطرت من الزقوم في الأرض لأفسدت عليهم معيشتهم فكيف بمن هوا طعامه ولا طعام لهم غيره " رواه الترمذي

متخيلين كلام الرسول عليه الصلاة والسلام الرسول بنفسه قال لو قطرة بس لو قطرة نزلت على الارض لافسدت معيشتهم يعني ما بالك للناس يلي الزقوم ماكلتهم وشرابهم يومياً ..

تحسابو هذا بس ؟

لا برضو عندهم ماكلة اسمها ضريع الضريع هذا يبدو ياكلو فيه هلبا يحسابو انهم بيسدو بيه جوعهم لكن كل ماياكلو ينزل على امعائهم وي.قطعها ..

يقول تعالى : (لَّيْسَ لَهُمْ طَعَامٌ إِلَّا مِن ضَرِيعٍۢ)

وللأسف مش الضريع بس يلي حي.قطع امعائهم كذالك الماء الحميم

يقول تعالى : ( وَسُقُوا مَاءً حَمِيمًا فَقَطَّعَ أَمْعَاءَهُمْ )

وفي آية قرانية كذالك تقول عن اوصاف جهنم : ( إِنَّا أَعْتَدْنَا لِلظَّالِمِينَ نَارًا أَحَاطَ بِهِمْ سُرَادِقُهَا ۚ وَإِن يَسْتَغِيثُوا يُغَاثُوا بِمَاءٍ كَالْمُهْلِ يَشْوِي الْوُجُوهَ ۚ بِئْسَ الشَّرَابُ وَسَاءَتْ مُرْتَفَقًا )

ابن عباس قال عن " المهل " زيت من كتر ما اشتدت عليه الحرارة اصبح اسود يعني من كتر ماغلي تحت النار ولا لونه اسود

به متخيلين انتو ان المهل هذا يستغاثو بيه اهل النار
يالطيف يارب يالطيف

خلي نعطيكم اخر حاجة متخيلين ان كل هالعذاب هذا حيتعذبه الكافر وهوا مقيد بسلاسل يعني مربوط في رقبته ورجليه وايديه ويسحبوا فيه في جهنم ..

يقول تعالى : (إِذِ ٱلْأَغْلَٰلُ فِىٓ أَعْنَٰقِهِمْ وَٱلسَّلَٰسِلُ يُسْحَبُونَ)

لاحول ولا قوة الا بالله العلي العظيم

اللَّهمَّ اني اعوذ بكَ منَ النَّارِ وما قرَّبَ إليها من قولٍ أو عملٍ اللهم إني أعوذ بك من عذاب جهنم

والله العظيم نحتاجو نقرو مناشير زي هادي لإنها توقض فينا من غفلتنا نحتاجو مناشير تخلينا نفيقوا راهو في يوم حساب كلنا بنوقفوا فيه وبنتحاسبوا ..

والأهم المناشير هادي تخلينا نديرو الف حساب لكل ذنب قبل مانديروه ..!

مع العلم ان اغلبية العذاب المذكور فوق للكافر الخارج عن الملة

فالحمدلله على نعمة الاسلام ?

#منقول

صباح الخيررررررر

تجهزوا من توا وجاهدوا نفسكم عشان لما يجي شهر الخير تأدوا فيه أفضل أداء

وصلاة الفجر