Ayol qalbidek yumshoq, har narsani oson kechiradigan qalb boʻlmaydi.

Inson bolasi ne kunlarni koʻrmaydi?!

Har bir odam oʻz gʻami bilan boʻlsa, hayotdan koʻz yumib ketganlarga umr boʻyi motam tutib oʻtsa, bu moddiy olam shu kunlarga yetolarmidi?

Hayot toʻlqini ojizlarni qirgʻoqqa irgʻitib tashlaydi. Oqimga qarshi suza olganlar, toʻlqinni egarlaganlargina ertangi kunga yetib keladi.

Yer kurrasida chumolidek mehnat qilayotganlardan koʻra, tuproq tagida yotganlar koʻp. Yer qatlami odam suyaklariga toʻlib ketgan.

Ammo hech bir inson oyoq tagiga qarab yashamaydi. Olis ufqlarni moʻljalga olib yoʻl yuradi. Uni hamisha ertangi kun, yashash, yosharish, yaratish ishtiyoqi oyoqqa turgʻizgan.

Inson koʻzidan oqqan yoshlarni jamlasa, ummonlar paydo boʻlardi. Bu ummonlar jahonni gʻarq qilardi.

Yerni koʻz yoshi emas, peshana teri yashnatgan.

Insonlarning hayotdan ilinji koʻp. Noumid shayton, deydilar. Koʻngilga tasalli beruvchi, odamni hamisha oyoqqa turgʻizuvchi, oʻylatuvchi, kurashga chorlovchi chigil jumboqlar koʻp bu olamda.

Nima boʻldi? Nahotki, oʻlgan boʻlsa? Endi uning holi nima kechadi? Endi unga kim ovqat olib keladi?

Ona unga faqat kiydirish, yedirish uchun ona edi, xolos. Ona uning firoqida, dardida ado boʻldi. Bolasi esa bu toʻgʻrida oʻylamasdi.

Ona, qazoyim yetib olamdan oʻtsam, bolam oʻz qoʻli bilan qabrga qoʻyadi, deb umid qilardi.

Bolasi qabrga yaqin kelmay, boʻriga oʻxshab toʻqaydan xunuk qarab turardi.

Ona, bolam orqamda qoladi, chirogʻimni yoqadi, deb niyat qilardi.

Bolasi bunday oʻylarni boshiga keltirmasdi. U tugʻib katta qilgan onasining jasadini begonalar yelkada tabarruk qilib koʻtarib ketayotganlarini koʻra turib ham bir qadam oldinga jilmasdi.

Hurmatli kitobxonlar. Sizga Mutolaa ilovasida kitob oʻqiganingiz uchun, maʼlum bir hududdan har oy bir necha kitobxonga stipendiya berilsa, bunga munosabatingiz qanday boʻladi. Kitobxonlikni shu yoʻl bilan ham targʻib qila olamizmi?

Bizni boshqa ishlar kutyabti Dinara

Har bir ishda xayr bor. Nasib yaqinda siz kitobxonlar uchun katta yangilik aytaman va bu yangilik albatta barchamiz uchun manfaatli boʻladi.

Assalomu alaykum. Hurmatli kitobxonlar. Mutolaa ilovasiga quiz testlar joylash uchun jamoamga bir nafar kitobxon kerak. Ish davomiyligi 1 oy. Noutbuk yoki kompyuter kerak boʻladi. Ish haqini kelishamiz. Eng muhimi sifatli testlar tuza olishi kerak.

Ushbu koʻrsatuvda Mutolaa ilovasi haqida oʻzingiz bilmagan, toʻliq maʼlumotlarni olishingiz mumkin.

Odatda qizning goʻzalligini, aqlini hurmat qilib sevish qiyin emas, lekin shaxsini ham chinakam hurmat qilib sevish qiyinroq.

Bilim xuddi imon kabidir, imonning qanotidir. Imonli kishi imoni ziyoda boʻlishini istab pirga, shayxga, olimga intiladi, bilim istovchi kishi ham bilimining ziyoda boʻlishini istab oʻzini har yonga yoʻllaydi. Bu xuddi tashna kishi suv izlagani kabidir. Bilim turli maxfiy dargohlarda oʻzining sohibini kutadi va chorlab turadi. Buning ziddini oʻylab koʻrsang, yanada oson anglab olasan: johil kishi jaholatini orttiradigan narsalarga mehr qoʻyadi. Fosiq kishi qabihliklar ortidan yuguradi.