أعرفك من خطاوي مشيتك وانت جاي
‏حتى صمتك .. اعرفه واعرف اللي يبيه

على تفاصيلك وعطرك عظيم السلام
‏وعيونك اللي تجيب العيد من غير عيد

‏لو ضمت كفوفي كفوك علي الحرام
‏ماحط في ذمتي غيرك من الغيد غيد

‏يا منتهى كل شي وفيك مسك الختام
‏يا ملهمة كل حرف وكل طرقٍ جديد

‏انا علي القصيد اللي عليه الكلام
وانتي عليك الكلام اللي عليه القصيد

‏يمر الكلام وتستفز الركاب البيد
‏و اشوف انك اعذب من هواي ومشاويري

‏يا ابو ضحكة مسروقة من ليال العيد
‏انا مستحيل أستوعب انك لاحد غيري

عليك مفرغ صبر ومجدد احساس
‏احبك و راضي بك شلون ما كنت

‏و لا تحسب اني حاسب حساب للناس
‏الناس عندي يا حبيبي انا و انت

عن هذيك النواعس ليه شلت القناع؟
‏الحيا وين؟ يا اللي طول عمرك حياوي

‏كن في خدك الطاهر بروق وشعاع
‏اثرها رحمةٍ للناس بعض الغشاوي

‏وش يفيدك عذابي يا غريب الطباع؟
‏ليه دايم على الملتاع سيلك نحاوي؟

"فيك من لطف الفقير وفيك من طبع الاماره
يا الهنوف اللي يعزز زينها.. قوة نسبها

الجمال اللي جمع بين البداوه والحضاره
صبه الله والله اللي في مفاتنها وهبها

العيون تشن غاره، والرموش تشن غاره
وان تفاديت العيون؟ الموت من طعنة هدبها"

الهوى معروف شي لا ايرادي
‏و النتيجة موسفة محد حمدها

‏لو صبر راع الهوى صبر المهادي
‏الجروح تبين لو انه جحدها

لو كان قلبي في الهوى رحّال
‏بيغيّر الوجهة ويتّجْهك

‏لك حسن وجهٍ من يشوفه قال
‏أنا بوجهك من حسن وجهك

‏أنا عليّ السعي والله عليه المصير
‏وان عاش راسي تقوّ و قول يا راس عش

‏تشوف في عيني الدنيا و اشوفك كثير
‏لا طاحت دموعك الثنتين طحت بنعَش

‏ما ودي إن المرض ياخذك كنك أسير
‏قايل له البارحه و الوقت وحده اثنعش

‏وش لك مع واحدٍ يا دوب يقدر يسير
‏طرّاف كبدي مشرّعها تغدّ و تعشّ

من الظروف اللي مضو من الظروف اللي تجيك
‏أنا أهنيا لا يضيق البال وأيامي فداك

‏تذكريّني لا عبس وجه الزمان وضاق فيك
‏وقبل لا تبدين ف مناداي تلقيني معاك