مالي عادة أسرد بالعامية هيك، بس معلش لو كل فترة وفترة عملت هيك..
ووبس، غدًا صباحًا أقرأ آراءكم، تصبحون على خير ☁️.

"اليوم مع ذكرى ميلاد "السّت فيروز"، بحب قول أنه أنا معجبة جدًا بأغانيها وفنّها، بس مو بشكل واضح أو صارخ متل كل المعجبين..
اليوم مابس بصادف ذكرى ميلادها، بصادف ذكرى مرور سنة كاملة على منولوج داخلي ظريف حدث بيني وبين نفسي بالباص بطريقي للبيت،
وقتها كنت عم أسمع أغنية مشغلها السائق ماعدت أذكرها هلأ، بس كنت عم أستمتع بالجو الدافي الي بتعمله، وقلت لحالي "يمكن من علامات النضج انه الواحد يصير يحب أغاني فيروز بعدما كان مايتقبلها!"
وقت رجعت وفتحت نت اكتشفت أنه يومها كان يصادف ذكرى ميلادها، شقدد فرحتتت وحسيت أنها إشارة حتمية، حتّى لو ماعرفت فسّرها تمامًا، بس هي إشارة أكيد! 💗

ويب أنا معجبة غريبة جدًا، مابسمعها ع طول كل صبح ومالي محملة كل أغانيها، بحب تحديدًا أسمعها بطريقي للجامعة، بشكل عشوائي من السرفيس، وأشوف شو حظي من غنية اليوم، وبصير ركّز بالكلمات متل كأنها رسالة الي..
بحس انه وجودها كل صبح، بالسرافيس و ع بسطات باب جنين، وعند القلعة كمان، هيه جزء ثابت لايتجزّأ مابقدر أتخيّله بدونها، مهما كنت تشوفها حلوة أو لأ، بس هي الحقيقة.. فكرة انه الناس لسا مشغلة فيروز وعم تحاول تقضّي الصبح برواق رغم كل الأزمات والفقر، معناها لسا في أمل ⭐️."

- غرَّاء | ياشيرو 🤎
#كتاباتي

استحملوني هالفترة معلش؟
كتيرر حاسة في مواضيع وكتابات براسي بدي فرّغها هون، وهادا هوه هدف القناة بالأساس، ف لابأس لو صارت شوي الرسائل كثيرة في بعض الأحيان 👈🏻👉🏻
-خلص جد رح أكتب هلأ آخر منشور وبروح بنام-

"ينضجُ المرء"
لدرجةِ أنّه عندما يصيبُه الحزن
يرضى به، فيتجرّعه كالدّواء،
تُزعجه مرارته لكنّه يوقن
التّعافي بعده..
- آلاء الغفير. ?

بغض النظر عن انطباعي عنها، كنت سعيدة أثناء قراءتي لها، لأنني كنت أستريح بها قليلًا من الامتحانات، وهي نسخة ورقية حصلت عليها هدية من صديقة مقرّبة في عيد ميلادي الماضي في الفترة التي كنت أرغب حقًا بقراءتها ?✨

"أجمل مافي الأفلام التي توثّق الحرب، أنها تبيّن مدى تشابه الطبيعة البشرية مهما اختلفت الأعراق والأزمان، كلهم دماء تُهدر، كلهم تعرّضوا لرعب القصف والقنابل، بالتأكيد مستوى الرعب يتفاوت من حرب لأخرى، لكن أفكار اليأس التي تنتاب الانسان في وضع كهذا شبه موحّدة؛ رغبته بالموت مع الجميع، رغبته في أن تنتهي الحرب بأي شكل كان، والشعور بالعجز تجاه كل شيء موحّدٌ أيضًا." ?
- ياشيرو.
#كتاباتي

المشاهد تخلي الواحد ينام ويفيق وهوه عم يدعي على هالحقيرين ? لاتستهونوا بالدعاء، بالمقاطعة، بالنشر، وحتى بالصدقات والدعم، الله يحميهم وينصرهم بقدرته..

ألطف شيء قرأته الصبح، رغم أنه القناة ماعادت إيجابية بالكامل ولاعاد نشري منتظم، بس سعيدة أنه لسا الها هالأثر ولو على شخص واحد، الحمد لله !????