طالما دي قضية تخص إسلامي ، إذاً دي عبودية لله ، إذاً هتسأل عنه

_الأقصي عقيدة.

كانت من وصايا أسماء بن خارجة لأبنته هند ليلة زفافها:

"وإياكِ وكثرة المعاتبة فإنها قطيعة للود، وإياك والغيرة فإنها مفتاح الطلاق، يا بُنيّة ( كوني لزوجك أَمَةً يكُن لكِ عبدًا )".

لو بتسال نفسك ازاي احسن من نفسي في الصلاه؟
محتاج تسال نفسك الاول ايه اللي بعمله قبل الصلاة؟
من اول ما المؤذن يقول الله اكبر لحد مانت تقول الله اكبر،
الفتره دي بيتحدد علي اساسها جزء كبير من حالتك في الصلاه.
فمحتاج في الفتره دي تتخفف من حاجتين
١/من الدنيا
٢/من الذنوب
من الدنيا:_
اول ماتسمع المؤذن بيقول الله اكبر ابعد اي تفاعل ليك مع الدنيا توجه تفكيرك وكلامك ناحيه الصلاه والذكر،
وعشان تتخفف من الذنوب محتاج تراجع السنه
وتكرر ورا المؤذن
وبعدين جه ف صحيح مسلم ان اللي يقول بعد الاذان
اشهد ان لله اله الا الله، واشهد ان محمد رسول الله
رضيت بالله ربا وبالاسلام دينا وبمحمد صلي الله عليه وسلم نبيا ورسولا غفر الله ذنبه..
فتتخفف اكتر واكتر

وبعدين تروح تتوضأ وتستشعر انك بتوقع ذنوبك مع الوضوء
فتتخفف اكتر واكتر
وبعدين تروح كل خطوه وانت رايح تصلي
خطوه ترفعك درجه وخطوه تحط عنك خطئيه
فتتخفف اكتر واكتر

وبعدين نقف ونقول دعاء الاستفتاح
اللهم باعد بيني وبين خطاياي كما بعدت بين المشرق والمغرب

وبعدين تدخل الصلاه وانت بعيد تماما عن الدنيا
وعن الذنوب

ذكر غيرك الدال علي الخير كفاعله

‎
‏صلاة الفجر..

فريضتها : تجعلك في ذمة الله
و سنتها : خير من الدنيا ومافيها
وقرآنها : ﴿ إنّ قُرآن الفٓجْرِ كٓانٓ مٓشْهُودًا ﴾

فهنيئاً لمن أدركها ♥️

#صلاة_الفجر
‎

"يُعطي دون أن يُسأل فـ كيف به إذا سُئِل.!

-نسألك ألّا تتُوه الأفئدة بعد هُداها ، وألّا نضلّ الطريق بعد عناء المشقه..."

السلام عليكم ورحمة الله وبركاته
اذكر نفسي وإياكم هل يا تري المصحف بتاعنا نضيف و مفيش عليه تراب زى ما موبيلاتنا نضيفه كدة!
هل مصحفنا عليه بصمات إيدينا زى ما شاشة موبايلنا مليان ببصمات إيدينا !

عايزين نخلينا فاكرين إن اللي هينور قبرنا كلام الله عز وجل .. القرآن الكريم ♥️.

اللي هيسيب القرآن فترة طويلة..هيبقى تقيل عليه لما ييجي يرجع.
ارجع..استحمل التقل الوهمي..لا تتراجع.
اسمع كلامي.

هل لين القلب يؤخَذ عليه أجر ؟ إن عيني تدمّع أو قلبي يوجعني على شخص أو حيوان أو موقف حصل ؟

رد عليه رد جميل أوي، قالها: "دي صفات أهل الجنة ، يدخلون الجنة بغير حساب قلوبهم مثل أفئدة الطير ، الناس اللي قلبها حنيّن ودمعتها قريبة ، سيدنا عُثمان في غزوة بدر كل الجيش طلع وهو فضل جنب السيدة رُقية زوجته لأنها كانت تعبانه فَقعد يخدمها ويطببها فَدعاله النبي ﷺ لأنه إنسان حنيّن ، فَالقلب الرقيق ده إن شاء الله يدخل الجنة بغير حساب"

الطيّب مش عبيـط واللي دمعته قريبة مش ضعيف ، إنك تكون إنسان حسّاس وحنيّن وقلبك رقيق دي أعظم حاجه ممكن تبقى عند إنسان في الدنيا ، أه ممكن تتعب شوية بسبب تصرفات بعض البشر لكن كفاية إنك تكون ضمن اللي وصفهم سيدنا النبي ﷺ وقال (قلوبهم مثل أفئدة الطير) وتدخل الجنة بغير حساب والسبب بس رِقة قلبك ♥️

‏اللهُمَّ أنت القريب وأنت الصاحِب والحبيب وأنت الوحيدُ المُجيب وأنت الشافي والطبيب وأنت الذي تعلم ما نريد، اللهُمَّ ارحم ضعفَنا وآمِن روعَنا، وأسعِد قلوبَنا، وفَرِّج همومنا واصرِف عنا ما يُقلقنا ويُعكِّر صفوَنا.

‏لما تيجي تستنكر حاجة حرام عملها فلان أبقي ردد وسط كلامك " ربنا يهديه ويعافيني ويثبتني " ومتتغرش عشان متلاقيش نفسك تاني يوم بتعمل نفس الحاجة الحرام؛ أصل اللي عاصمك ربنا ..

أنت ولا حاجة ..