А ці зможаш укласьці квадраты так, каб кожны колер пасаваў з колерам на суседнім квадраце?😏

Класіка жанра, проста і лаканічна 😎

Для наймлодшых, падрыхтоўка да кубіка Рубіка. Малюнкі с абодвух старон

Не спяшайцеся фыркаць і казаць "гоп", бо, даю слова, нават і з шостага разу не пройдзеш да канца😂

🔥 Фонд TUTAKA запрашае ўсіх беларусаў свету адсвяткаваць разам Дзень роднай мовы 2024 і абвяшчае 🗣ІІІ Міжнародны дэкламатарскі конкурс.

Не мае значэння, жывеш ты на Тэнэрыфэ, у Чыкага ці ў Мінску, - ты можаш прыняць у ім удзел! Камера мабільнага тэлефона і выхад у Інтэрнэт - усё, што для гэтага патрабуецца. Ну, хіба яшчэ крыху любові да роднага слова.

Запішы на відэа 🤳 сваю дэкламацыю ўлюбёнага твора на беларускай мове (не больш за 3,5 хвіліны) і дашлі яго на пошту 📩 konkurs@tutaka.org да 31 студзеня 2024. Найлепшыя выканаўцы сустрэнуцца ва ўрачыстым фінале на тэатральнай сцэне Беластока 21 лютага 2024 і пазмагаюцца за перамогу і грашовыя ўзнагароды💰Для тых, хто не зможа прыехаць, прадугледжана магчымасць удзелу ў фінале анлайн.

📽Маеш рэжысёрскія здольнасці, навыкі мантажу? Ведаеш, як візуалізаваць твор беларускай літаратуры праз відэа ці папросту хочаш паўдзельнічаць у конкурсе ананімна? - Для цябе ёсць адмысловая катэгорыя „Мастацкае відэа”.

Падрабязнасці, рэгламент конкурсу і анкету ўдзельніка шукай на сайце tutaka.org

💬 Маеш дадатковыя пытанні - задай іх падчас прамога эфіру ў Instagram камандзе TUTAKA 19 снежня ў 20.00 паводле беларускага часу.**

#сучаснасць
"Хлопчык і сьнег❄️", 2023, Альгерд Бахарэвіч
Тут вам і сяброўскія анкеты з пытаннямі пра любімае жаночае імя і любімы колер, і першыя а-эм, дэ-эм 🎶на гітары, і "определение" на металюгу 🎸 ці не, і першыя "папа - стакан портвейна🥃", і адкрыццё ў сабе Беларуса.
Карацей, гэта кніга расказвае пра жыццё звычайнага дзіцяці з 1975 па 1991 гады.
Пакаленню 80-х раю прачытаць, каб успомніць сябе і зразумець, што цяперашняя моладзь зусім неблагая.
А пакаленню 00-х - каб бліжэй пазнаёміцца з дзяцінствам бацькоў.

Пчала і шыба(пераклаў з польскай Андрэй Хадановіч)

Пчолка трапіла ў замкнёны
майскі краявід-турму
скамянеў абшар зялёны
неба плоскае чаму

Мы тут - нубажыхарамі
ведаем дабро і шкло
створым цуд, каб не было
вязніцы ў аконнай раме

Б'ецца ўпарта галавою
у люстраны іншасьвет
не дрыжаць лісьцё з травою
не махне пялёсткам квет
дрэва быццам нежывое

Як трагічна - кажа бог
а багіня кажа: сьмешна
бо яны заўсёды ўдвох
боль і сьмех, арол і рэшка

Б'ецца і гудзе як вулей
ператвораны ў таран
у атацы кожнай гіне
ды жыве стралой і куляй
болем ад сьмяротных ран

Досыць мовіла багіня,
адчыні акно ёй, божа...
І пчала - нарэшце можа -
адлятае ў далячыні

Воля! мовіла багіня
Шчасьце! адгукнуўся бог...
І глядзяць з нябёсаў сініх
кожны ў супрацьлеглы бог

Віслава Шымборска

#паэзія #замежн
"Партрэт памяці", 2023, Віслава Шымборска - гэта 665 старонак вершаў на мове арыгінала і ў перакладзе на беларускую.
Віслава Шымборска (1923-2012)- польская паэтаса, узнагароджаная Нобелеўскай прэміяй 🏆 "за лірыку" ў 1996 г. У сваіх вершах яна з іроніяй апісае законы біялогіі і гістарычныя з'явы, якія чалавек сустракае ў сваім паўсядзённым жыці. Гэта кніга падрыхтаваная да 100-годздзя аўтаркі.