ГЕЛДИ БЕРДИ ИЗТИРОБИ

Қуйгил тилло шаробдан, тўйгунимча ичайин,
Эс-ҳушимни йўқотиб қўйгунимча ичайин.
Майли, расво бўлайин, бўлай элнинг ёмони,
Борлиғим ила майга ғарқ бўлайин тамоми.
Тўкилмасин қултум май, майли, обрў тўкилсин,
Иродамнинг занжири чок-чокидан сўкилсин.
Йилтировчи қурт мисол бу шонларни нетарман.
Сиполикни хуш кўргич нодонларни нетарман.
Тўлиб кетдим най мисол, бўзламоққа на имкон,
Ким ҳам тинглар, дардимни сўзламоққа на имкон,
Унутайин бир лаҳза бу мунофиқ замонни,
Алишайин бир қултум майга тавфиқ, иймонни.
Қуйгил! Жомдаги шароб мисол бу дам кўпирдим,
Дунёсин қўйиб қўйдим, “тақво”сига тупурдим.
Кошки эди кар бўлсам, кўр бўлсам, соқов бўлсам,
Ҳеч нарсанинг фаҳмига етмаган меров бўлсам.
Олифта давралардан зада бўлди юрагим,
Ўзимга ҳам ўзимнинг бугун йўқдир керагим.
Азалий бир савдодир: замон доим зўрники!
«Не учун бундай?» – деган савол биздай шўрники.
Қуйгил! Парво қилмайман бўлса-да аччиқ, тахир.
Биламан, бу май эмас, алам ва кўз ёш ахир...

1989 й.

**Қачонки икки киши ўртасида сукут ҳукмрон бўлса, демак, у ерда қайсидир йўл билан синдирилган қалб бор!

Жуброн ХАЛИЛ**

ҚАДРИНГИЗ ЎТЯПТИ

(Фидойи инсон, оташнафас шоир, Қашқадарё фарзанди Исмоил Тўхтамишев хотирасига)

Тушимга кирасиз гоҳида бот-бот,
Дейсиз: "Яратгандан ягона нажот!"
Ҳеч кимда йўқ эди сиздаги сабот,
Қадрингиз ўтяпти, Исмоил ака!

Ловуллаб турарди қалбингизда ўт,
Тилардингиз юртга баракаю қут,
Ҳеч қачон бўлмагай номингиз унут,
Қадрингиз ўтяпти, Исмоил ака!

Қўлида зўр ялов, туғли эдингиз,
Мард, танти, юраги чўғли эдингиз,
Ватаннинг энг сара ўғли эдингиз,
Қадрингиз ўтяпти, Исмоил ака!

Дердингиз: "Қадрла, бебаҳодир вақт!
Ғаниматдир умр, омонатдир бахт.
Эй, укам, сўнмасин кўнглингдаги шаҳд!"
Қадрингиз ўтяпти, Исмоил ака!

Хом сут эмган касмиз, йўқотгач ўрнин
Билурмиз, тирик чоғ тан олмай зўрни.
Кўрдик кўзи очиқ қанчалаб кўрни,
Қадрингиз ўтяпти, Исмоил ака!

Бир ён Сиз, бир ёнда Абдулла Ориф,
Устозлар эдингиз, чин дўст , чин ориф.
Бугун шеър айтяпман бор дардим ёриб,
Қадрингиз ўтяпти, Исмоил ака!

Қарши буюкларнинг маскани доим!
Азалдан барака берган худойим.
Ватан хизматига ҳамиша қоим,
Қадрингиз ўтяпти, Исмоил ака!

Ёш шоир укангиз бугун олтмишга
Кириб ҳам қўйибди, ўхшайди тушга.
У кунлар айланди энди ўтмишга,
Қадрингиз ўтяпти, Исмоил ака!

Сизни тонгда туриб этмоқдаман ёд,
Сирли экан очун, сирли бу ҳаёт.
Манзилингиз этсин яратган обод,
Қадрингиз ўтяпти, Исмоил ака!

Муаллиф: @AmirXudoyberdiyev,

ҲОЗИРГАЧА РУСЛАР ЯШИРИБ КЕЛГАН МАҲФИЙ ТАРИХИЙ СИР.
Русларнинг  ҳақиқий тарихи бўйича    Иван Грозний қиет уруғидан бўлиб хон МАМАЙнинг авлодидан..  Асли исми Саид, кейинчалик православия динини қабул  қилиб  отини ИВАНга ўзгартирган. Бу видеони кўриб бошқа маълумотлардан ҳам боҳабар бўлишингиз мумкин.

Яқиндан бери ўзбек тилининг асосчиси Навоий деган янглиш фикрлар айтилмоқда, тарихни билмаган, унга лоқайд, биров айтганни илиб олиб чайнайдиганлар кўпайди.
Маҳмуд Қошғарий, ундан аввал мўғул истилосидан кейиноқ яшаб ижод қилган Носируддин Рабғузий, Аҳмад Югнакий, Саккокий, Лутфий ва Ясса вийларни чеккага суриб Навоийга нисбат берилиши тарихий кўрликдан бошқа нарса эмас, анашу, биринчи бўлиб бу сўзни айтган ва ишлатган одам аслан ўзбек тилининг хоинидир.
Чунки илдизи Ўрхўнга бориб тақаладиган, яъни тарихи бир ярим минг йилга борадиган тилни бешюз эллик йилга олиб келиб қўйиш ўта саводсизликдан бошқа нарса эмас.
Миллатни оломонга айлантириш унинг тили, тарихи, урф-одатини йўқ қилишдан бошланади, руслар динимизни, одатларимизни йўқ қилиш учун мадрасаларимиз, масжидларимиз, тарихий ёдгорликларимизни бузишдан, халққа ичкиликни тарғиб қилишдан тўхтамади, имлоимиз 20-аср давомида уч марта ислох қилинди,миллат ёзувига тажовуз аслан кўрлик,грузин,арман ёзувлари минг йиллардан бери яшаб келмоқдаку!Биз эса натижада тарихни таржимонсиз ўқиёлмайдиган даражага келдик. Тарихи буюк халқнинг келажаги буюк бўлиши учун бугунги авлодга тарихимиз ва маданиятимизни аслият қандай бўлса ўшандай ўқитишимиз, ўргатишимиз керак.
Ўшандагина биз келажакда етук авлодга эга бўламиз.

Мўмин САТТОР

Тонг отади,
Яна ташвиш бошланар.
Айқириб оқади ҳаёт дарёси.
Одатий ҳол... Яна кўнгил ғашланар,
Ёнимдан одамлар ўтар парвосиз.
Тентийман шовқинли шаҳарда беун,
Кўчалар негадир мендан безмайди.
Бир ёлқин туғилди қалбимда бугун.
Одамлар бепарво ўтар – сезмайди.
Йиғлагим келади, «Биродарлар, ахир
Тушунинг бу ёлқин сизга аталган!»
Аммо бирдан санчиб юрагим оғрир,
Нимадир кўксимга қаттиқ қадалгай.
Биламан: қайдадир шу лаҳза, шу он
Кимдир шеърларимни қақшаб ўқийди.
Уч-тўртта ғаламис бурчакда пинҳон
Мен ҳақимда иғво гаплар тўқийди.
Кўзимга кўринар ғийбатхонада
Суяк ғажиётган бир мешқорин кас.
У – менинг суягим...
Яна онадан
Қайта туғилгандай бўладирман, бас!
Улар-ла не ишим бордур, уларни
Уриб қўйибди-ку Худо қўш қўллаб.
Мен умрим борича севган гулларни
Юрагим бағрига босар авайлаб.
«Бу гулларни сизга бераман, дейман,
Одамлар сизларни севаман ахир!»
Ҳеч кимса тингламас мени, панд ейман,
Тошга урилгандек пешонам оғрир.
Сўқир бир дарёнинг гирдобига ғарқ
Бўлганча кечади бугунги кун ҳам.
Ўйлайман: қайдадир мен излаган халқ
Ва мен ахтарганим – биргина одам?!
Тун кўрпасин ёпар, босади уйқу,
Тушимга киради аллабалолар:
Издиҳом ичидан чиқиб келар у
Оёғим остига сочиб тиллолар.
Дер аста: «Мен келдим, қабул айла, дўст!
Сенга яратгандан келган нажотман.
Ҳеч ким англамаган қалбингни бесўз
Якка-ю ягона тушунган зотман!»
У билан тонггача суҳбат кечар соз,
Дийдорига боқиб кўзим ёшланар.
Менга таскин берар илоҳий овоз,
Мен учун янги бир ҳаёт бошланар...

1987 й.

АЁЛГА ИЛМ БЕРИШ - ЖАМИЯТГА ИЛМ БЕРИШДИР

Дунёнинг ярми аёллар, қолган ярми  уларнинг тарбияланувчисидир.

Аёллар мардикор бозори бор юртнинг хотин-қизлар кунини нишонлашга ҳаққи йўқ.

Жаҳолатнинг ягона қўрқуви - аёлдир. Чунки аёл ўрганса фарзандларига ҳам ўргатади.

Аёлга илм бериш - жамиятга илм беришдир.

Кимда бир қиз бўлса оила дафтарига 10 ўғлим бор деб ёзиб қўйсин.

Шайх Али Тантовий

"Душманнинг совғаси ичига ғаразли ўй яширинган бўлади"
Немис мақоли

ҲАЁТНИНГ 3 МУҲИМ ҚОИДАСИ!

1. Агар хоҳлаган нарсангни ортидан бормасанг, унга ҳеч қачон эриша олмайсан.

2. Агар сўрамасанг, оладиган жавобинг ҳамиша "ЙўҚ" бўлади.

3. Агар олдинга қадам ташламасанг, ҳамиша бир хил жойда бўласaн.

Узоқлашсанг узоқлашурман,
Яқинлашсанг яқин турурман.
Суҳбатимни соғинсанг агар,
Сенинг билан суҳбат қурурман!