Sen ishonding bu qarsaklarga,
Va kekkayding bamisli xoda.
Sotding, sotib qo’yding o’zingni,
Yana juda arzon bahoda…

Matnazar Abdulhakim

@Chilzarra

STENDAL. “QIZIL🔴VA QORA⚫️”

SYUJETI: Salkam 600 sahifalik kitobni qisqacha syujetini yozaman))
Yosh Juliyen nihoyatda zehni o‘tkir yigit bo‘ladi. U lotin tilini, Injil sahifalarini yoddan o‘qib berishi bilan hammani lol qoldiradi. Kambag‘al va johil otasi uni Verer shaharchasi meri janob de Renalnikiga yuboradi. Juliyen bu yerda de Renal xonimning bolalariga saboq beradi, sekin asta xonim yosh Juliyenga ko‘ngil qo‘yadi. Sevgi o‘yinlari boshlanadi. Janob de Renal noma’lum maktub orqali bu ishq o‘yinlaridan boxabar bo‘ladi. Juliyen bu uydan ketishga majbur bo‘ladi. U seminariyaga o‘qishga kiradi va ustozi Pirarni mehrini qozonadi. Ustozi katta amaldor janob de lya Mol oldiga butkul ketgandan keyin Juliyenni ham oldiga chaqiradi. Juliyen de lya Molga kotib bo‘lib ishga kiradi. U amaldorning qizi Matildani sevib qoladi. Mag‘rur qiz ham sevgisini tan oladi. Qiz homilador bo‘lgandagina otasiga ma’lum qilishadi. Bir qancha ziddiyatlardan so‘ng otasi uni qabul qilgandek ko‘rinadi, ammo qabul qilmaydi. Bunga de lya Molga kelgan xat sabab edi. Xat de Renal xonim tomonidan yozilgan bo‘lib, Juliyen butunlay qoralangan edi. Juliyen yo‘lga chiqadi, yo‘lda to‘pponcha sotib oladi. Ibodatxonaga borib de Renal xonimni otadi. Baxtli tasodif bilan de Renal xonim yelkasidan o‘q yeb tirik qoladi. Juliyen o‘limga hukm qilinadi. Xotini Matilda, sevgilisi de Renal xonim uni o‘lim jazosidan qutqarishga harakat qiladi, ammo Juliyen buni istamaydi… Juliyenning o‘limidan uch kun o‘tib de Renal xonim bolalarini quchoqlagancha hayotdan ko‘z yumadi. Meni ta’sirlantirgan sahna Matilda Juliyenning uzilgan boshidan bo‘sa olish holati bo‘ldi…

XULOSA: Stendal asarlarini avval o‘qimaganman. O‘ziga xos va murakkab ifoda uslubi bor, ayniqsa inson xarakteridagi nozik chizgilarni mahorat bilan tasvirlaydi. Asarni qizil va qoraga nima aloqasi bor ekan, deb bosh qotiribman-ey. Menimcha, qizil deganda yoshlik, qon, g‘ayrat ko‘z oldingizga keladi. Qora esa kimlardir uchun qudrat, ammo ko‘p o‘rinlarda salbiy ma’noda keladi. Juliyenning yuqori martaba, to‘kin hayot orzusi bilan boshlangan maqsadlari tobora ulkanlashib, uni o‘zligini yo‘qotish darajasigacha olib boradi. Yakunini esa o‘qidingiz, o‘lim bilan tugaydi. Qahramonning hayoti qizilllik (g‘ayrat, navjuvonlik) bilan boshlanib, qora (tushkunlik, ruhiy azob, o‘lim) bilan tugaydi. Asarda davr muhiti, sinfiy chigalliklar, chirigan jamiyat, hukumat tizimining buzuqligi mohirona tasvirlangan. Sabrli insonlarga o‘qishni tavsiya qilaman))

Ma’lumot o‘rnida, “Qizil va qora” asari turli davrlarda Rossiya, Vatikan va Ispaniyada o‘qish ta’qiqlangan kitoblar ro‘yxatida bo‘lgan.

Iqtiboslar ham keltiraqolay))

Yo‘q, barchaning hurmat-e’tiboriga sazovor bo‘lgan odamlar, bu shunchaki jinoyat ustida qo‘lga tushmagan firibgarlardir.

Bir ingliz sayohatchisi yo‘lbars bilan qanday do‘stlashgani haqida gapirib beradi; u yo‘lbarsni yaxshi parvarishlagan, erkalagan, lekin u har doim stolida o‘qotar to‘pponcha saqlar edi…

So‘zlar odamga o‘z fikrlarini yashirish uchun beriladi…

Qayg‘u ongni susaytiradi.

I.Rahmonaliyeva

@Chilzarra

Bugun ko’pchilik shu qo’shiq kayfiyatida bo’ladi. Bolalik ajoyib-a? Qanday pok davrlardan o’tib ketibmiz… Qo’shiqni eshitib, barini eslab ichimda bir titroqni o’tkazib oldim. Sizlarga ham shu titroqni ilindim)) 🎊

@Chilzarra

Yuzing kim bilan kulsa, qalbing o’sha insonga tegishlidir…

@Chilzarra

Mangu uxlay tushim bo’ling…

@Chilzarra

Faqat uni sevar edim, shubhasiz
Bu hayotda yana qayta tug’ilsam…

@Chilzarra

Odamzodga ikkita ko’z, ikkita quloq faqat bitta til berilgan. Bir marta so’zlamoqdan oldin ikki marta ko'rmoq va ikki marta eshitmoq kerak.

“Mening Dog’istonim”
✍🏻Rasul Hamzatov

@Chilzarra