بالذبح حان نتصاره  نتصاره
وصار  للعالم مناره مناره

يا سعيد بن جبير ياسعيد ابن جبير

شما اسولف عن قضيتك ابقة بحروفك بعيد
ياشهيدٌ يا شهيدٌ يا شهيدٌ يا شهيد
حاول  يضيع وجودك ما كدر خلفت يزيد
عالم وصاحب جلاله ثورة مولاي ونشيد

ثبتت ثورة بوجودك
ونته وفيت بوعودك

يا سعيدبن جبير ياسعيد ابن جبير

حارب شكم والي دمك وطيحت حكم  الطغات
ونته ثابت رغم ضلمك ما تهمك نايبات
خضرت يابن المراجع والسوالف شاهدات
انته عايش بين ناسك وابن يوسف هوه مات

ياشهيد   المانعوفه مانعوفه
كل سنه نزور ونطوفه ونطوفه

ياسعيد ابن جبير ياسعيد ابن جبير  

الحاربك ماظل مكانه ونته تشبه للامام
كبه مبنيه ومناره يعجز وياها الكلام
هواي اسولف يابن هاشم وبعث برجل الحمام
وية ريح الهاب اودي  الك من عندي السلام

مقصر وياك بكلامي بكلامي
يالمتت بالسيف ظامي ضامي

ياسعيد ابن جبير ياسعيد ابن جبير

يعله صيتك بالمنابر شما تمر بيك السنين
وين هسه عداك صارت  يابن هاشم ونته وين
كلمن يظحي بركبته يرفعه رب العالمين
موش بالطف طاح نحرك بس لجن ويه الحسين

يشهد الله على الحجيته الحجيته
بيك متواجد لكيته لكيته

ياسعيد ابن جبير ياسعيد ابن جبير

دوريت هواي وآدم مثل شخصك ما لكيت
ومن دنت ساعت مصابك دنكت لجلك بجيت
بالدمع ولهم يغالي والهموم تحزميت
جيت ازورك يا موالي وانا ليك تعودت

من اجيك عيوني تجري تجري
اتمنه كون انطيك نحري نحري

ياسعيد ابن جبير ياسعيد ابن جبير

نسئلكم الدعاء
ابو هاجر المجراوي
0780780842`

اجينه وتهمل العين
دخلنه لصحن الحسين
عزانا على الهواشم
وبجينه على الفواطم
دخلنه لصحن الحسين **بشر مهظوم اجالك يبجي ياحسين
وعلى ظعون الهواشم تهمل العين
نحصل يابو سكينه مثلك منين
ظحه بدمه وبنه لنصرة الدين

للحي انته والمات
صدك تكظي المهمات

خيرك لينه دايم
وغرامك بينه هايم
شكثر عدك محبين
اجينه لصحن الحسين ***عليكم يبو ليمه كصدت الناس
ومن ظيم الليالي شيب الراس
اذا قسمو عليك براس عباس
أعرف ما تردهم كلك حساس

يحسين انته وفاي
وفظلك زايد هواي

بكل شده انته موجود
وعظيدك شايل الجود
يحظر ماكو جفين
اجينه لصحن الحسين ***الك ياحسين هاي الناس خدام
ويكصدون لضريحك كل سنه وعام
اجم واحد يغالي بحضرتك هام
ما ننساك ساعه يابن ابو لثام

عليك معوده الروح
تزورك ونته مذبوح

بالذر ونته محبوب
وعليك تذوب الكلوب
دمك ثبت الدين
اجينه لصحن الحسين ***الك ما عطلتنه دروب البعاد
على بوابك وكفنه نطلب مراد
نعرفك ما تردنه يابن الجواد
وحته العده خير بحضرتك زاد

مشهودتلك بهاي
تنطي الراح ولجاي

سفرتك بيها مولاي
علاج يطيب الداي
جا طالبهن منين
دخلنه لصحن الحسين **عليك تعودينه تنطي حاجات
وذا مهموم عدنه يمك يبات
من ناس التكصدك تجفي هيهات
الك يبن البتول هواي وكفات

نطلبك عدنه مو عيب
المريض ابابك يطيب

يجيلك ونته تطيه
مريضك ما تخليه
علينه ترادف البين
واجينه لصحن الحسين ***
الك عالم يجيك بيوم عاشور
وحجاج على صحنك كامت ادور
اجت شرجي وشمال وفرغت الدور
وملائكت الله بأمره نزلت تزور

يالكاظي المهمات
الك تبجي السماوات

عراقك موكب يصير
وعزانه يصير تطبير

الك صارو موالين
اجينه لصحن الحسين ***
ابو هاجر المجراوي

**مادام ابوجن عالرمل نام
من صدره خلي نجر السهام
خلي نلمه ===حته نشمه
////////////////////////
متعوب وايده فوك الصفاح
مخيطات ضهرة خياط الرماح
شوج وحجر جواه من طاح
نص كلب ابوجن بالسحك راح

طاح اعله وجهه وبعد ماكام
وظل رافع ايده لصوب الخيام
خلي نلمه ===حته نشمه
////////////////////////
نيشان صاير صدره نيشان
وينلاح كام امنين ماجان
والصعبه حيل انذبح عطشان
يولونه وليه الفاكد اخوان

بهيده ويه نحره توه مذبوح
اموتات حيله اهواي الجروح
خلي نلمه ===حته نشمه
////////////////////////
الله واكبر جسمه بالكاع
من الحوافر نازل اذراع
مابي مجان الشمة اوداع
سلبو قميصه منه شبساع

عمله ومصيبه تنحجي شلون
مشلعه الحوافر جلد المتون
خلي نلمه ===حته نشمه
////////////////////////
خل اعله جسم احسين نندار
ونشيل عنه كل الحجار
فوكاه تل امن الحجر صار
عريان ابووجن والرمل حار

ويلاه ابوجن مات ويلاه
مامش حصيره نمدهه جواه
خلي نلمه ===حته نشمه
////////////////////////
عالكاع دوسن عمه بهداي
توني لكيته اظلوعه جواي
خلي نلمه كومن اوياي
يعطلنه خاف اسهامه الهواي

من غبشه عنه الليله ماشين
فرصتنه هاي انلم الحسين
خلي نلمه ===حته نشمه
////////////////////////
أسم الله محد كله من مال
من ظهره طالع رمح جتال
موذرين جسمه صعبه ينشال
ظلت تشم بنحره الاطفال

الباجر يضل بعازت افياي
كلله نركض جنه حفاي
خلي نلمه ===حته نشمه
////////////////////////
تمت ____ علاء الزيدي**

حنه وبخور .. زفه وعرس
بأرض الطفوف أعظم درس
----------------------

بالطفوف اعظم درس كونك تسجله
هذا موقف للوفه ولازم تحصله
بسيفك انته والعلم شايلته رمله
كون اريدك من تهد مثل ابو الحمله

بيهم تصول .. صولة فرس
بأرض الطفوف أعظم درس
-----------------------
انزل اعليهم غضب واكطع دربهم
وكون اريدن سيفك ايطشر ركبهم
لايهمونك تره بكثرة عددهم
اتذكر اوصية الحسن واتقدملهم

عرسك قريب .. بالجنه احس
بأرض الطفوف أعظم درس
---------------------------
لاتعز روحك على حسينك حبيبك
كون اريدك بالدمه تاخذ نصيبك
البيتي جانت امنيه وعريس اجيبك
وخل يجرحونك تره حسينك طبيبك

انطاك الحياة .. انطيه نفس
بأرض الطفوف أعظم درس
-------------------------
يبني وصاني الحسن اعظم وصيه
ربي جاسم بالفخر للغاضريه
باجر اعلى حسين تلتم ال اميه
فوك جسمه تسحك خيول اعوجيه

خيل وطغاة لمة رجس
بأرض الطفوف أعظم درس
----------------------
انقيم عرسك باجر بارض الملاحم
اجفوفك من ادماك حنيهن يجاسم
خلي موقف للصبر يوليدي حاسم
لاتهاب الموت يبني وانته عالم

واضح تكون مثل الشمس
بأرض الطفوف أعظم درس

-------------------------------
لخادم أهل البيت ع
كرار عبد الحسن المحمداوي

اخوتي على حب سيد الشهداء ع الحسين ع الاشتراك بالقناة وتفعيل الجرس

خادمكم واحد واحد اخوتي - الملا محمد الحر

نفتخر يالانصار...من يمر طاريكم

يالبطولتكم عظيمه ودگت الساس
يوم ناده حسينكم صرتوله عباس
إنتم ابحلگ المنايه وصحتو ياناس
كل وكت بس المواقف ترفع الراس
والله فعلن يحرار...هالنسولف بيكم
نفتخر يالانصار...من يمر طاريكم

صدگ واحدكم نشوفه چنه حيدر
واليلاگيكم يضوگ الموت الاحمر
ياعساكر شو وجهه صاير اصفر
انوب زينب حشمتكم الله يستر
چنه حماي الجار...ابكربله ايناديكم
نفتخر يالانصار...من يمر طاريكم

يالنصرتو المصطفى وحامي الحميه
يالنصرتو فاطمه الزهره الزچيه
يالقضيتكم فخر واشرف قضيه
ولحد الآن تحيا الغاضريه
هذا معناهه اصرار...فنه اليعاديكم
نفتخر يالانصار....من يمر طاريكم

وين ذيچ الناس ماتت وانتصرتو
يالربحتو الجنه كلشي ماخسرتو
لان مابعتو القضيه ولا نكرتو
حسين دنيه وآخره جيرانه صرتو
عله ذاك الإيثار...ربكم امجازيكم
نفتخر يالانصار...من يمر طاريكم

ياسلام الله عليكم يالنشامه
ماتلوگ الغيركم هاي الكرامه
باچر امن انشوفكم يوم القيامه
انصيح من عدكم تعلمنه الخدامه
يالفديتو الاعمار....والله مانوفيكم
نفتخر يالانصار....من يمر طاريكم

سيد علي الموسوي

يالتلوموني اعله هذا اجنوني
هوه چم حسين وتلومونــــي

ــــــــــــــــــــــــــــــــــــــــــ
لو تعيشون الأعيشــه ماتلومــــــون
لكن انتم بالعشاگـــــه ماتفهمــــــون
انتم اتحبون مو مثـــــل اليحبـــــون
احنه حبنه وصلانه الحد الاجنـــون

ابگلبي اشوفه مو شرط بعيوني
هوه چم حسين وتلومونـــــــــي

ــــــــــــــــــــــــــــــــــــــــــ
گلبي مايترك حبيبـه ابكل ضروفــــــه
هو چم حسين عندي حتــــى اعوفــــه
روحي تمشي الحظرته وگبلي تطوفـه
واضح المحبوب واعمه المايشوفـــــه

ألف مره وضحت مضموني
هوه چم حسين واتلومونـي

ــــــــــــــــــــــــــــــــــــــــــ
لاتخلصون العمر نزوه وسخافـــــه
يامن اتوصفون عشگي بالخرافــــه
انتم اعله اعماركم أقرو الحسافــــه
والله حب حسين بس هو الثقافــــــه
ابهذا حبه ماتخيب اضنوني
هوه چم حسين وتلومونــي

ــــــــــــــــــــــــــــــــــــــــــ
لا تلوموني العشگ طيبلي ذاتــــــي
حسين من دونه أشك حتى ابصلاتي
ابغير هاي الخدمه ماتسوه حياتـــــي
عمري فدوه ايروح للضامن نجاتـي
لون عدكم مثله بلله انطوني
هوه چم حسين واتلومونــي

ــــــــــــــــــــــــــــــــــــــــــ
حسين عدنه انفاس ماعشنه بدونه
وانتو ضلو ابلومكم متغيرونــــــه
هالمجالس نعتبرهه مثل ابونـــــه
حسين النه حسين ماتستاهلونـــــه
عن طريق الخدمه متغيروني
هوه چم حسين وتلومونــــي

سيد علي الموسوي

■ محرم ٢٠٢٤ (قصيده سريعه الامام العباس ) رقم (10)
---------------------------
فدوه النظرات اعيونه - اوكافل خدري ايسمونه - اوتاج اعله الراس
اوبيه اتوصي البدويه ----- ابروحك ضم العلويه ---- او وفه العباس

---------------------
1) اهواي العباس انطاني ----- ابجفه الكافل رواني-
اويحميني ابجفه الثاني -- اونعم الوفاي
دك الخيمه ابجفينه --- اوشايلني صوره ابعينه -
اويتلكه ابحضنه اسكينه - لو رادت ماي

■ جايبلي الجربه ابجفه - اودرب المشرعه ايعرفه - وبجدامه انداس
اوبيه اتوصي البدويه --- ابروحك ضم العلويه -- او وفه العباس

------------------------
2) أنه ابزغره الباريته --- - وبصوتي اشكد ناغيته -
اوبالشده أنه اتنخيته -- اوبالخدمه ايصيح
عباس اليهوه الملكه ---- اوما يهوه الجلمة فركه -
او لمتوني صاير دركه -- اولا خيمه اتطيح

■ ظهظب عباس ابغيره -- اوظلت عدوانه ابحيره - وتشوف الناس
اوبيه اتوصي البدويه -- ابروحك ضم العلويه -- او وفه العباس
------------------------
3) حلفته ابهاي الخوه -- اوشفت العباس اشسوه --
سيفه ابعدوانه اتروه - من طب للماي
ذل الجيش بخزراته ----- اوما واحد منهم فاته --
الا او ضاك الطبراته -- اوكدها الوفاي

■ اليتلاكه اوياه ايطبره -- اويحفر بجفوفه الكبره -- باخر انفاس
اوبيه اتوصي البدويه - ابروحك ضم العلويه -- او وفه العباس

-------------------------

4) رووس ابرووس ايلاكيها ----- اوياخذها ويرد بيها --
اوفوك الغبره ايذريها -- او راواها الموت
والعايش بالطف منهم ------- رد الصحبانه ايكلهم --
ايكول العباس ادفنهم -- او ما يطلع صوت

■ حتى الماجان ابالي -- بجفوفه ايجيبه اكبالي - راعي النوماس
اوبيه اتوصي البدويه -- ابروحك ضم العلويه - او وفه العباس

------------------------

5) بيهم يتخير شفته -- واليحجي ابسيفه ايسكته --
اوسادات الكل طايفته --- وتفاخر بيه
الطاير بالجو ايلوحه ----- واليخطف ياخذ روحه --
والهارب رد بجروحه -- اوياهو ايلاكيه

■ هذا العباس ايقاتل --- صاحو لو حيدر نازل -- نفس الاحساس
اوبيه اتوصي البدويه -- ابروحك ضم العلويه -- او وفه العباس

-----------------------
لخادم اهل البيت ع / أبو أحمد المجراوي 07805007942
قصيده سريعه بحق الامام العباس ع