حاجة برك شفت بزاف ناس يغلطو فيها حبيت نبه عليها:
نقولو إن شاء الله ✅ (إن شرطية)
و ليس إنشاء الله ❌
(إنشاء بمعنى بناء او صنع)

ليكيب من الغد كيما تفاهمنا بداية جديدة ننساو الماضي الحزن على الماضي و التفكير فيه راح يديرلك مشاكل في الحاضر و المستقبل برك لذلك شوف قدامك و انسى الفصل الاول
توكل على الله
اجتهد
و دك تشوف( انت) واش تقدر دير 💪

ليكيب راكم مقبلين على الفصل الثاني اعتبروها بداية جديدة صدقوني و لست أجامل أي معدل حاب تجيبو كون تبدا درك تجيبو بصح تقرا تقرا
رب يوفقكم جميعا ♥️

و في يوم الجمعة أكثروا الصلاة على رسول الله عليه أفضل الصلاة و السلام و أكثرو الدعاء ما بين العصر و المغرب لعلها تكون ساعة إجابة ❤️****

🥀 محور الدوال العددية
من منصة عقبة بن نافع

? ورولنا واش درتو في التخصصات و شحال المعدل لي درتو بيه اذا كاينة ملاحظات نقلكم ! و ممكن الزميل يفيد زميلو بحاجة يعرفها
ملاحظة:
لي يحب يبدل حاجة يقدر في التأكيد تسمى ما تخافوش

? جماعة كنقلكم نفس الديبلوم ما رانيش نقلك ما ديرهاش! يبقى تكوينها افضل و كون تماجوري فيها كاين شركات يهزو سوايع لي ماجور ديراكت
و المعلومات لي راني نمدلكم فيها ماش من راسي! عندي صاحبي في البوليتيكنيك و صاحبي في الايزي و صاحبي في المدرسة العليا للطاقات المتجددة وانا قريت في ENS تسمى عندي خلفية في مجال التخصصات الجامعية راني نشارك فيها معاكم

? **سلام رفاق حاب نفهمكم حاجة نتم بلاك فاهمينها غالطة
عندما تجد مدرسة "عليا" هذا لا يعني ان الدراسة فيها تعني منصب عمل مضمون بعد التخرج !!
و عندما اقول لا تضمن التوظيف لا يعني انو تكمل منها ما تخدمش! تعني انو كتكمل منها انت لي تروح تبحث على الخدمة و تخدم عادي جدا باذن الله
الامر الثالث لي اغلب الناس فاهمتو غالط مكانش فرق بين المدرسة العليا و الجامعة العادية في الديبلوم!
يعني تقرا مدرسة عليا اعلام آلي لي معدلها 18 ولا تقرا اعلام الي في الجامعة ب 11 سي كيف كيف الفرق الوحيد انو تكوين الاولى احسن من الثانية و بالعكس الأولى فيها سلبيات منها لاشارج تاع البروقرام باطل يقريوهم حوايج ما عندها حتى علاقة بلانفورماتيك
يعني انت اذا دخلت اعلام الي و طورت نفسك ما عتمدتش غير على واش يقريوك صدقني تروح بعيد خلاص خاصة انو التخصص هذا عندو افاق و ابواب ما تفضش و كلش في وقتنا ماشي بالاعلام الآلي

لي ما فهمش حاجة يسأل في التعليقات و تفاعلوا مع المنشورات هادو اذا راكم تستفادو منها ??✅**