دايماً جنت أفضل اتقرب من الأشخاص على حسب اهتماماتهم والجوانب الي مؤثرة بشخصياتهم مثل شنو يحبون يسون بوقت فراغهم؟ شنو افكارهم للمستقبل؟ شنو نوع الكتب والاشياء الي يشوفوها؟ وغيرها… لأن جنت اعتبر هلشي حيخليني اميز اختار ناس صح دايماً، بأعتبار مثلاً لو جان قاري…

دايماً جنت أفضل اتقرب من الأشخاص على حسب اهتماماتهم والجوانب الي مؤثرة بشخصياتهم مثل شنو يحبون يسون بوقت فراغهم؟ شنو افكارهم للمستقبل؟ شنو نوع الكتب والاشياء الي يشوفوها؟ وغيرها…

لأن جنت اعتبر هلشي حيخليني اميز اختار ناس صح دايماً، بأعتبار مثلاً لو جان قاري فلان كتاب اكيد يكون اثر بي بطريقة الي اني تأثرت بيها يعني بالمختصر اكيد حفضل اتعرف لهل شخص اكثر من الشخص الي مقاري هل كتاب الي اني اثر بيه مثلاً

بس وية الوقت بديت استوعب انو هلشي غلط لأن مو كل الناس تتأثر بالاشياء مثل ما احنه نتأثر ويعني اكو وحدة قريبة عليه بس مملتقين سنين وهي دايماً تشاركني حلقات البودكاست،والكتب، والمؤتمرات الي تحضرها بحيث اني هيج متحمسة شوكت هي ترجع واشوفها لأن كلت بداخلي هيج شخص سامع هاي الحلقة وقاري هذا الكتاب اكيد تأثر بطريقة تجنن!

ومن رجعت صار فترة اني دخلت مرحلة صدمة طريقة الكلام والتعامل واسلوب التقليل والعادات السيئة مع محيطها، لحد الآن اتذكر كاعدين واحد الموجودين حجه بموضوع انو محتاج يروح طبيب نفسي هي ردت بأسلوب وقح وانو هو شنو مخبل؟
فأني صفنت شلون احد يكون حاضر مؤتمرات ويتحدث بيها عن اهميه الجانب النفسي ويقره كتب ويسمع بودكاست بيها هل جوانب يرد بهل اسلوب!

ومن بقيت افكر فترة استوعبت انو المفروض اغير من سؤال شنو تقره وتسمع؟الى شلون تأثير هل اشياء عليك؟وشلون طبقتها بالواقع؟ لأن مو كل الأشخاص حيكونون فعلاً يتقبلون يخوضون مرحلة التغيير بحياتهم.

ادعولي السيم ما شادته غلط
لان حنسى النصيحة واروح اهجم العيادة

رحت دابدل السيم مال تقويم
الدكتور وياه دكتورة مساعدة صغيرة ومبينة جديدة خلاها تبدلي السيم بمكانه
كلسع تضب بالسيم وتفلت ايدها وتضرب وجهي صراحة اني ضجت فكرت اصيح الدكتور يسويه ابدالها بس بعدين اذكرت كل الشغل المشتغله اني وشلون جانت بدايتي بيه وشكد جفصت بالبداية يلا كدرت بعدين اتعلم
فغلست وسويت نفسي اصلا مداتأذة خلصت جان اشكرها
فأتمنى من الراح يشوف هاي الرسالة يكون لطيف وية هيج ناس لان البدايات صعبة فحاولوا تهونون عليهم صعوبتها لان كلنا حنصير بهذا الموقف

هاي كلت الواحد اذا قبلوني بالرماية الا اخذ الاول على العالم
المشكلة اليوم قبلوني وتورطت هسة
زين ميصير نسويها الاول على الرصافة ؟

عبدالله وحسين
اكثر ثنين احب اسولف وياهم بالقسم الحلو ان تكدر تتناقش بأي شي وياهم وتلكي عدهم معلومات كافية تخلي النقاش ممتع يمكن لان ثنينهم تسعينات فتجاربهم هواي
او يجوز هاي الثقافة و الكاريزما هبة ..

اذكر من جانوا يخيرونا اذا عدكم القدرة تمتلكون قوة خارقة شتختارون ؟
هواي جانوا يكولون نقرأ افكار العالم علمود نعرف شيضمون
-بيوم من الايام صارت محادثة بيني وبين صديق مختص بالامن السيبراني (هكر ) وما شاءالله عليه الولد ذكي جداً
كلتله ما متأذي ؟
كلي من شنو
كلتله موضوع ان تكدر تعرف كلشي كلش مؤذي المواضيع المضمومة في بعض الاحيان تكون مضمومة افضل الك
نظرات الولد حسيت ان اول مرة واحد يركز على هاي النقطة بيه ويسئلة هذا السؤال
جاوبني بوكتها كلي بالبداية كلش حتتاذة بس بعدين راح تتعود حتتوقع كلشي بس راح تخسر ثقتك بالناس الحولك كلهم على الشغلات الراح تشوفها   
اجة سؤال براسي زين شكد راح اتاذة الحدما اوصل لدرجة التعود ؟
شكد ناس احبهم راح انخذل منهم بعدما اعرف حقيقتهم ؟
بهاي اللحظة راح تدرك ان الحقيقة في بعض الاحيان مريحة ان تكون مضمومة
فضولك وذكائك الراح يوصلك للحقيقة راح يخليك تخسر نفسك
"خلي حدود لكلشي اذا تريد ترتاح"

تختلف من كل شخص وشخص طريقته بأخذ راحه عن مسؤولياته ومشاغل حياته
بنسبه اليه اني اصدقائي اكثر من كونهم مجرد صداقه وخوه
اصدقائي همه هروبي من الواقع لمه الدنيا تسود وتشوف ماكو حل
فه يمهم حتلكه الحل
الله يحفظكم ويبقينه سويه طول العمر