‏اصحاب کرام رضي الله تعالي عنهم به یې په دیدن نه مړيدل. ﷴﷺ

درود مو هیر نه شي ګلانو

نوی غـــزل

ما کړې نه د دومره مینه له خپل ځانه سره
څومره چې وکړه ما له بې وفـا جانانه سره

یمه ترې ستړی کړه مې لري ترې اې پاکه ربه
قسمت مې ختم کړه له درد او له خفګانه سره

په وچو شونډو او ډک زړه په تنهایی کې مدام
کوم خبرې له روڼ ستورو او آسمانه سره

د مرګ غوښتل ګناه د خدایه کړه روا یې ماته
رشته مې پرې کړه نور له دې فاني جهانه سره

لاره یې جوړه د جرګې یې سار ماښام ور درومي
تړون دی کړی زما اوښکو له ګرېوانه سره

غمجن دی دومره عبیده ظهیر چې حد نلري
ژاړي قلم او کتابچه یې له داستانه سره

الخالد خپرندويه اداري لخوا وړاندي کیږي

زړه دې د خــدای د مینې کور جوړ کړه
د اولس ورور شه اولس ورور جوړ کړه

ترنم عبیده ظهیر لوګری
شاعر مبهم

#الخالدنشريات
https://t.me/Al_Khalid_com

غــزل

زخمي په زړه یم، روغ نه یم خوږه یاره
ټـوټـه  ټــوټـه یم، روغ نه یم خوږه یاره

ستا تصویرونو، او ستا یادونو سره
په غږېده یم، روغ نه یم خوږه یاره

لکه ګلاب او، لکه ریحان لالیه
پیکه پیکه یم، روغ نه یم خوږه یاره

داچې ګرځېږم، یک تنها څیري ګرېوان
خفه خفه یم، روغ نه یم خوږه یاره

تلی نه شم ګوره، اخ زه له شور لوېدلئ
په ژوندانه یم، روغ نه یم خوږه یاره

لکه غمی پروت، پر مځکه دانه وانه
همدغه زه یم، روغ نه یم خوږه یاره

ستړئ ستومان یم، داستا عبیده ظهیر
تېر له هر څه یم، روغ نه یم خوږه یاره

درته ناست یمه تنها کړم انتظاره
چـېرته لاړلې ای زما د زړه قراره

ته چې لاړلې په ملا مات شومه نیم شوم
ورک اشنا زه نن د خپل زړه له حریم شوم
یووړم باد لري منزل مې نادرک شو
ګوره زه په څو ټوټو باندې تقسیم شوم
تنهایي او جدایي دي یاره سخته
تل ګیله کومه زه له خپله بخته
ولې داسې کړم خراب داسې ناچاره

بې له ما به کله ستا ژوندون تا ښاد کې
تا به هم خاص لکه ما داسې برباد کې
تا به ورک کړي له خپل کلي له وطنه
تاته تېر وختونه ټول به در په یاد کې
ستا خندا به شي بدله په ژړاؤ
چې دي کړم د مجنون پشان د صحراؤ
درته کړئ دئ دا زما زړګي ازاره

عاشقان به ژړېدل نه نیمه شپه کې
که یې نوم د خوږ جانان نه وای په خوله کې
په سکون او په آرامه به ویده وو
که یادونه د یو چا یې نه وای زړه کې
سرې یې سترګې وچې شونډې تنها ژاړي
ورک دلبر له خدایه هر لمانځه کې غواړي
سر ببر څیري ګرېوان ویښ تر سهاره

وم به ښکلئ که ستا ظالم هجران نه وای
راته ګران له هر چا یا مې جانان نه وای
عبیده ظهیر به ومه ډېر بې غمه
که په لاره د مجنون زه روان نه وای
د ګلاب په څېر به تل تروتازه وم
که غمجن دردمن په دې ماشوم زړه نه وم
ښکارېدمه به زه خاص لکه چیناره

نظم

دئ په مخ روان ګوره
ګران افغانستان ګوره
دښتې غرونه یې سمسور
ښکلئ ګلستان ګوره

هر وګړئ یې غازي
دي اتلان مېړني
ازبک، تاجک، هزاره
بلوڅ ګلان د سپرلي
پښتانه او پَشَیان
ستوري د آسمان ګوره

نن دي واکداران شکر
ښکلي عالمان شکر
کړي په شریعت عمل
زمونږ حکمرانان شکر
لاره یې سپېڅلې د
د نبي سلطان ګوره

اخلي هر قدم دا ټول
په لاره ځي سم دا ټول
لمانځي خپل ملت سره
خوشحالي او غم دا ټول
ځکه بریالي دي دا
قانون یې قرآن ګوره

نن ورته اَړه نړۍ
دا سپینه غوَړه نړۍ
ځان یې ډېر غټ غټ ښودئ
کړله یې وَړه نړۍ
نه منل هیچا دغه
خړ پړ طالبان ګوره

یو ملت یو تن یو مونږ
فوځ د دې وطن یو مونږ
نه کړو له هیچا وېره
مرګ د هر دښمن یو مونږ
ستاییم عبیده ظهیر
په هر یوه میدان ګوره

کوم چینلونه چی 500 میمبر وي
لیست کي ورته داخله وو إن شاء الله

@Ashuofsus_732