RSS Notas de Prensa - Concello de Ourense
O Concello súmase ás actividades organizadas pola asociación Auria polo Día Mundial da Diabetes

O alcalde de Ourense, Gonzalo Pérez Jácome e concelleiras e concelleiros de diferentes grupos municipais asistiron esta mañá á inauguración da carpa conmemorativa instalada pola Asociación Diabética Auria na rúa do Paseo, xunto ao centro cultural Angel Valente, con motivo da celebración do Día Mundial da Diabetes. O lema da celebración é “A diabetes e o benestar: para unha mellor vida con diabetes, miremos máis alá da glucemia".

• Máis información en Asociación Auria

RSS Notas de Prensa - Concello de Ourense
A Xunta de Goberno Local aprobou 8 acordos na súa sesión ordinaria desta semana

A Xunta de Goberno Local do Concello de Ourense aprobou 8 acordos na súa sesión ordinaria desta semana, que se desenvolveu a mediodía de hoxe no salón de plenos do Concello.

Licenzas (5). Conceder 4 licenzas de obra: para a reforma dun local para vivenda na rúa Nova, para a rehabilitación dun local para garaxe nun edificio na rúa Ribeira de Canedo, para a remodelación dunha vivenda na rúa do Paseo e para a reforma dun local para garaxe na rúa Río Támega. Tamén se aprobou estimar unha solicitude e declarar a innecesariedade de segregación dun inmoble na rúa Zanfona.

Patrimonio (1). Desestimar un recurso contra o acordo dunha xunta de goberno anterior que desestimou unha reclamación de responsabilidade patrimonial

Asuntos sociais (1). Aprobar un expediente de liberación de crédito

Alcaldía (1) Denominar oficialmente "Glorieta da Policía Nacional" a rotonda que serve de conexión entre a rúa Curros Enríquez e a Avenida Otero Pedrayo, sita fronte á Comisaría da Policía Nacional de Ourense (Rúa Mestre Vide, 4).

RSS Notas de Prensa - Concello de Ourense
O Concello deixa en suspenso provisionalmente na rúa Sáenz Díez a ORA

O Concello de Ourense deixa en suspenso provisionalmente na rúa Sáenz Díez a ORA (ordenanza reguladora do servizo de ordenación e regulación do aparcamento de vehículos na vía pública).

RSS Notas de Prensa - Concello de Ourense
A Xunta de Goberno aproba un proxecto de modificación orzamentaria de 16 millóns para pagar o diferencial do custo do servizo de transporte en anos pasados

A Xunta de Goberno Local do Concello de Ourense aprobou esta mañá o proxecto de modificación orzamentaria 25P/2024, por importe de 16.661.861,77 euros. A súa finalidade é pagar a diferencia entre o custo do contrato do servizo de autobuses urbanos entre 2005 e 2015 e o custo actualizado do servizo.

Plan de estabilización

Na mesma sesión, e noutra extraordinaria que se celebrou a mediodía de hoxe,  o goberno municipal acordou proceder á aprobación dos trámites necesarios para a continuación do proceso selectivo de estabilización, de acordo cos criterios de selección de persoal que se acordaran previamente cos sindicatos. A principios da próxima semana, publicaranse nos diarios oficiais a oferta de emprego e as bases, o que permitirá a apertura inmediata do prazo de presentación de solicitudes.

• Máis información sobre a Xunta de Goberno na Nota de prensa da XGL 241108

RSS Notas de Prensa - Concello de Ourense A carreira popular do San Martiño requirirá pechar ao tráfico numerosas rúas da cidade o domingo pola mañá A carreira popular do San Martiño requirirá pechar ao tráfico pasado mañá, domingo, 10 de novembro, numerosas…

RSS Notas de Prensa - Concello de Ourense
Un treito da rúa do Progreso estará pechado ao tráfico o luns, desde as 13.30 horas, pola programación do Magosto

A Policía Local do Concello de Ourense informa de que a programación de actividades do Magosto 2024 requirirá pechar ao tráfico rodado rodado un treito da rúa Progreso, desde a baixada á Praza de Abastos ata a rotonda de San Rosendo, o luns, 11 de novembro, desde as 13.30 horas ata a finalización da actuación da orquestra Olympus (de 19 a 22 horas).

O tráfico procedente de Tras Alameda poderá circular pola rúa Parada Justel, cara á rúa Xoán XXIII, ata as 18.00 horas, cando se procederá ao corte desta vía.

Tamén se prohíbe o estacionamento dos vehículos nas rúas Baixada á Praza de Abastos e Parada Justel desde as 13.00 horas ata a finalización dos actos previstos.

RSS Notas de Prensa - Concello de Ourense
O Concello presenta a programación do Magosto 2024, con  obradoiros infantís e as actuacións de Brañas Folk e a orquestra Olympus

O Concello de Ourense presenta a programación de actividades organizadas pola Concellería de Artes e Festexos para celebrar o luns, día 11 de novembro, a festa do Magosto 2024. Ruada de gaiteiros, obradoiros infantís, magosto tradicional (en Bispo Cesáreo), agasallo de castañas, food-trucks, concerto de Brañas Folk e o baile coa orquestra Olympus son as propostas de lecer que se sucederán ao longo da xornada na cidade nesta tradicional cita do calendario festivo.

LUNS, 11 DE NOVEMBRO

12.00 h Ruada de gaiteiros con xigantes e cabezudos

17.15 h Obradoiros infantís. Confecciona o teu cornete de Magosto e Pintado de caras.

Lugar: Praza Maior.

18.00 h Magosto tradicional: Chourizo recén asado con bolo de masa nai, auga ou viño por 3 €.

Lugar: Bispo Cesáreo.

Castañas gratuítas

Lugar: Praza Maior e Bispo Cesáreo

Food Trucks: Burguer Bágoa Gastrobar, Tráiler Coren e Crepes

18.00-19.30 h Concerto “Brañas Folk”  con Lucía Pérez e Pancho Álvarez

Lugar: Praza Maior

19.00-22:00 h Baile coa orquestra “Olympus”

Lugar: Rúa do Progreso
Feira da Chinita 2024

O Campo da Feira acollerá o domingo, día 10 de novembro, desde as 12.00 horas unha nova edición da Feira da Chinita, unha tradicional celebración da comunidade venezolana, na que colabora o Concello de Ourense.

A festa está dedicada á Virxe de Chiquinquirá, propia da rexión de Maracaibo (Venezuela), e conmemora unha milagre atribuída á dita virxe naquel lugar no século XVIII. Cos anos, esta celebración estendeuse até converterse nunha festividade nacional venezolana e tamén internacional.

Nesta versión ourensá, o público que se achegue ao campo da feira atopará todos os ingredientes característicos da festa: gaitas do Zulia, un xénero musical autóctono tocado co furruco, o catro, as maracas e a tambora; comida típica venezolana, a elección da Raíña da Feira, e moita diversión cos grupos que tocarán en directo, como Os Coleguitas, Yamil Quijada, Misael Sánchez, Maira Show, ademais dun DJ que amenizará o evento.

RSS Notas de Prensa - Concello de Ourense
O goberno municipal destaca o “éxito total” da programación do Halloween, que encheu de público as rúas da cidade

A Noite de Medo – Halloween de Ourense 2024 rematou cun balance moi positivo para o goberno municipal, que destaca o “éxito total” das actividades programadas na cidade. A edición de 2024, subliña, foi “a máis populosa e participativa” dunha celebración que o goberno local vén impulsando desde o ano 2019 (e continuando desde 2021 até 2024) cunha ampla programación de actividades.

As diferentes propostas lúdicas e festivas organizadas ao longo da xornada encheron de público pola tarde e pola noite as rúas da cidade, principalmente a Praza Maior, a Praza de Bispo Cesáreo e a zona dos viños.

A programación festiva comezou ás 5 da tarde cun obradoiro infantil de cabazas e maquillaxe, no Parque de San Lázaro, e continuou co espectacular Desfile do Medo, con Pablo Méndez, que avanzou pola rúa do Paseo até rematar na Praza Maior, onde se levou a cabo o concerto infantil. Got Pop – Un musical doutra galaxia.

As propostas festivas e de animación incluíron tamén un flash mob, un túnel e unha pasaxe do terror, unha batucada, o espectáculo Chaioso Medo e a Procesión da Santa compaña (Paseo e zona vella). A parte musical completouse coa actuación da orquestra Panorama e de DJ A Gramola.

RSS Notas de Prensa - Concello de Ourense
O Concello organiza 31 de outubro a Noite de Medo – Halloween cunha morea de propostas festivas para todos os públicos

O Concello de Ourense organiza mañá, xoves, 31 de outubro, a Noite de Medo – Halloween 2024, cunha morea de actividades festivas e de lecer para todos os públicos. As propostas comezarán ás 5 da tarde cun obradoiro infantil de cabazas e maquillaxe, que este ano se desenvolverá no Parque de San Lázaro. Desde alí partirá, ás 19.00 horas, o Desfile do Medo, con Pablo Méndez, que avanzará polo Paseo até a Praza Maior, onde ás 20.00 horas haberá un concerto infantil.

Un flash mob, un túnel e unha pasaxe do terror, unha batucada, o espectáculo Chaioso Medo e a Procesión da Santa compaña (Paseo e zona vella) son outras das propostas dunha xornada que tamén incluirá a actuación da orquestra Panorama (ás 22.30, na Alameda) e de DJ A Gramola (ás 0.00 h, na Praza Maior).

PROGRAMACIÓN DE ACTIVIDADES

17.00 a 19.00 h Obradoiro infantil de cabazas e maquillaxe, no Parque de San Lázaro.

19.00 horas. Desfile de Medo. Con Pablo Méndez, Momias do Afastado Exipto, precedido de desfile infantil de cabazas con batucada e Hagrid co seu sidecar (Harry Potter). Desde o Parque San Lázaro até a Praza Maior, pola rúa do Paseo

19.00 Flash mob de Thriller (Escola Estilo Libre). Rúa Padre Feijoo.

19.00 a 22.30 h Túnel do terror na Alameda (pase nocturno de 01.30 a 3.00 h)

19.00 a 3.00 h Pasaxe de Medo na Alameda.

19.45 h Animación con diaños, camiñantes brancos, árbores, ollos de terror e gran dragón, na Praza Maior e zona vella.

20.00 h Concerto infantil. Got Pop – Un musical doutra galaxia, na Praza Maior.

20.45 Batucada e lenda. Praza do Ferro e zona vella.

21.00 a 0.00 h Chaioso de Medo. Praza Maior e Santa Eufemia.

22.30 a 01.30 Orquestra Panorama, Especial Halloween. Alameda.

00.00 a 3.00 h DJ A Gramola, na Praza Maior.

00.30 a 2.00 h Procesión da Santa Compaña. Paseo e zona vella.

RSS Notas de Prensa - Concello de Ourense
O Concello fixa os servizos mínimos nos autobuses urbanos para a folga estatal do sector de transporte que comeza o luns

O Concello de Ourense fixou os servizos mínimos no servizo de autobuses urbanos ante a folga de ámbito estatal do sector de transporte, que prevé paros os días 28 de outubro, 11 de novembro, 28 e 29 de novembro, 5 de decembro e 9 de decembro, e con duración indefinida a partir do 23 de decembro.

O decreto asinado polo alcalde, Gonzalo Pérez Jácome, establece que durante os paros prestarase servizo por 1 vehículo en cada unha das liñas do servizo municipal 1-2-3-4-5-9- 10-11A-11B-12-13A-13B-14-15-16-C17-18-21-22-26-27-33 e 1 vehículo tamén para a liña 20, e por 2 vehículos nas liñas 6-7. A liña 19 interromperá o servizo.

Engade o decreto que se deberá garantir o último e o primeiro horario de cada servizo e que os traxectos dos servizos mínimos deberán realizarse de forma completa.

Para o resto de persoal da empresa concesionaria, en inspección o servizo mínimo será do 100%, en taller de polo menos o 75%, tanto mecánicos como lavacoches, e en administración do 75%.