​​#review

Tomas Xarris. Qo’zichoqlar sukunati

Asar o’zining ko’p qirrali personajlari, murakkab syujeti va chuqur psixologik izohlari bilan o’ziga torta oladi. Hikoya psixiatr va seriyali qotil Gannibal Lekterdan intervyu olish vazifasi yuklangan FQB xodimi Klarisa Starling atrofida qurilgan. Klarisaning maqsadi ayollarni doimiy ravishda o'ldirib kelayotgan boshqa bir seriyali qotil Buffalo Billning motivlarini tushunishdir.

Yozuvchi Starling va Lekter, FQB va Buffalo Bill o'rtasidagi qo'shaloq mushuk-sichqon o'yinlari orqali keskin burilishlarga boy syujetni taklif qiladi. Menga ko’proq Xarrisning axloq tushunchasining murakkabligini, yaxshilik va yomonlik o’rtasidagi nozik pardani tasvirlay olgani yoqdi.

Lekterning harakatlari shubhasiz dahshatli, ammo u intellektual qobiliyati va madaniyatli xulq-atvori orqali an’anaviy axloq qoidalariga qarshi chiqadi, demakki, yovuzlik ham madaniyat va nafosatga ega bo’lishi mumkin. Men Gannibalni eng xarizmatik antiqahramonlar qatoriga qo’shgan bo’lardim.

Qo’zichoqlar sukunati Xarris repertuaridan o’qigan birinchi kitobim bo’ldi. Uslubi o’tkir, yozuvlari ta’sirli hamda hayajon uyg’ota oladi. Tavsiya qilaman.

@shisha_bino

@edmondclub - Aqliy jinoyatchining kundaligi.

Bilgan yaxshiroq

Bolalikdan turli versiyalarini ko’rib katta bo’lganimiz, Kollodining Pinokkiosi, dastlab baxtli ertak yakunidan ancha yiroq bo’lgan. Asl nusxaga ko’ra, Pinokkio o’zining son-sanoqsiz xatolari tufayli kitobning 15-bobida osib o’diriladi. Bu orqali muallif ko’p yolg’on gapiradigan, oqsoqollarga bo’yin egmaydigan bolakaylarga noma yo’llagan edi.

Ammo, o’z muharririning iltimosiga ko’ra fikrini o’zgartiradi va yakunda ertak Pari yog’och qo’g’irchoqni haqiqiy bolaga aylantirishi bilan yakun topadi. Shunaqa gaplar.

@shisha_bino

Valar Morghulis

@shisha_bino

Qisqa taqriz

Jon Steynbek. Sichqonlar va odamlar

Sichqonlar ozuqa izlab inidan uzoqlarga ketadi, omadi kelsa o’lja bilan qaytadi, kelmasa biror mashinaning g’ildiragi ostida qoladi yoki qopqonga tushadi, boring ana mushukka yem bo’ladi. Biz odamlar ular bilan shu tarafdan o’xshab ketamiz, ozularimiz ba’zan ushaladi, ba’zan bizni tubsizlikka tortib ketadi. Biror yaxshi narsani o’ylasak, uni amalga oshish ehtimolidan oshmasligining toshi og’irroq, sizga aytsam.

Nima bo’lishini oldindan ko’rish imkonsiz, Karl. Hayotimiz juda mo’rt. Yaxshi qissa.

@shisha_bino