Наўздагон нашаму першаму выпуску пра Купалу (дарэчы, будзем вельмі ўдзячныя за падабайкі і каментары на YouTube 😉) прапануем вам невялічкі тэст, прысвечаны біяграфіі галоўнага модніка беларускай літаратуры.

Ці праўда, што малады Купала варыў піва? А ці верыце вы, што яго сваяком быў Гіём Апалінэр? Пераходзьце па спасылцы і даведайцеся праўду 👇

Тэст пра (не)вядомага Купалу

wir.by

Тэст: Ці ведаеш ты біяграфію Янкі Купалы?

Усе мы ведаем, што Купала нарадзіўся ў Вязынцы ў 1882 годзе, а пасля стаў вялікім помнікам у парку свайго імя. А ці добра ты ўяўляеш сабе тое, што адбывалася паміж? Ці верыш ты ўсім 10 фактам (або не), якія мы сабралі ў гэтым тэсце?

Гэты і новыя выпускі можна будзе знайсці па спасылцы на нашым сайце:

Падкаст «Спіс на лета»

Перачытваем і пераасэнсоўваем знаёмыя са школы творы у прыемнай кампаніі. Вы ўсё яшчэ лічыце, што белліт — гэта толькі бясконцая журба, партызаны і сяляне? Тады гэты падкаст для вас!

P.S. Канешне, мы рыхтуем для вас не толькі падкаст, а таксама і іншыя матэрыялы, таму падпісвайцеся, каб не прапусціць нашыя навіны 😉

wir.by

Спіс на лета

Класічныя творы белліта, пра якія ўсе чулі ці павінныя былі чуць

Каханенькія-родненькія, мы да вас з добрымі навінамі!

Wir вяртаецца з падкастам пра кананічныя творы беларускай літаратуры — «Спіс на лета». У першым выпуску выкладчыца Марына Казлоўская і паэтка Даша Бялькевіч абмяркоўваюць самыя важныя п'есы Янкі Купалы, які паказаў усім, як трэба пісаць камедыі і як смяяцца падчас катастроф.

Таксама ў выпуску: сетачка для вусаў, псіхатэрапія для герояў Купалы, першы беларускі фанфік і «Паўлінка» як крыніца мемаў.

Слухаць на розных платформах

wir.by

Янка Купала як стваральнік беларускага тэатра

Каханенькія-родненькія, пачынаем наш падкаст «Спіс на лета» выпускам пра Янку Купалу! Выкладчыца Марына Казлоўская і паэтка Даша Бялькевіч абмяркоўваюць самыя важныя п'есы Купалы, які паказаў усім, як трэба пісаць вусцішныя камедыі і як смяяцца падчас катастроф…

калі кашляеш
і адкашліваешся прадуктыўна
добра што ні кажы

як цябе абнялі
і пацалавалі ў шчаку
цэлы дзень можна жыць

калі вольны рабіць што хочаш
на волі
таго і даволі

калі любіш
і можаш дазволіць сабе любавацца
хочаш застацца

Гэта верш Аляксея Стрэльнікава. Аляксей дапамагаў нам рабіць wir, зрабіў класныя лекцыі пра тэатр, здорава падтрымліваў.

Аляксея не стала. Слоў няма.

Светлая памяць.

https://wir.by/be/topic/authors/tag/strelnikau

wir.by

Аляксей Стрэльнікаў

Аўтарскія матэрыялы на Wir.by

Падпісвайцеся, калі ласка, на канал з тэкстамі Алеся Разанава, калі хочаце атрымліваць штодзень каліўца прыгажосці і гармоніі.

Гэтымі днямі мы дадалі туды больш тэкстаў: яшчэ крыху пункціраў, а таксама вершаказы і квантэмы.

https://t.me/razanau_wir_by

Telegram

Razanau

Тэкст Алеся Разанава кожны дзень. Створана @wir\_by

Прэзентуем нешта незвычайнае да 130-годдзя Максіма Багдановіча!

Разам з Андрусём Такіндангам мы стварылі мультфільм па матывах вершаў вечна маладога паэта. Мы імкнуліся нагадаць не толькі пра самыя вядомыя, праграмныя вершы (Пагоня, Раманс, Слуцкія ткачыхі), але і паказаць схаваныя дыяменты творчасці Багдановіча.

З вялікай любоўю і пашанай да паэта мы хочам яшчэ раз даказаць, што творчасць Максіма Багдановіча дагэтуль актуальная, а значыць, пазачасавая і пазапрасторавая. Вандруйце разам з паэтам ад Старажытнага Егіпта да сучаснага Мінска:

https://wir.by/be/article/da-zor

wir.by

Да зор! Мультфільм пра Максіма Багдановіча

Максім Багдановіч — паэт пазачасавы, пазапрасторавы і вечна малады. Перад вамі мультфільм, дзе ажываюць ягоныя вершы ў прасторах ад Старажытнага Егіпта да сучаснага Мінска. Мультфільм намаляваны Андрусём Такідангам па вершах Максіма Багдановіча.

Сёння дзень народзінаў Уладзіміра Караткевіча!

Прапануем вам прайсці невялікі тэсцік і даведацца, хто вы з герояў ягоных твораў.

Давайце насіць сваё неба з сабою і выігрываць, нават калі цяжка, як героі нашага заўжды маладога і любімага пісьменніка.

https://wir.by/be/article/karatkiewich-test

Сёння Дзяды, дзень згадвання продкаў. Паслухайце ці пачытайце пра душы беларусаў.

Што агульнага паміж нашымі прапрадзядулямі ды хатнікам, якое дачыненне мае цяжарнасць да столі, чаму на Дзяды выганялі з лазні і як гэта ўсё тычыцца душ беларусаў.
https://wir.by/be/article/dzie-zhyvuc-dushy-belarusau

wir.by

Дзе жывуць душы беларусаў

Што агульнага паміж нашымі прапрадзядулямі ды хатнікам, якое дачыненне мае цяжарнасць да столі, чаму на Дзяды выганялі з лазні і як гэта ўсё тычыцца душ беларусаў.

Пра каго з лінгвістаў і паэтаў можна здымаць першы беларускі блакбастар? Лічыцца навучэнцам якой установы было небяспечна і ганарова? Чаму першы пераклад Анегіна праляжаў 80 гадоў у забыцці? Навошта перакладаць Пушкіна на беларускую і пры чым тут Купала?

Глядзіце дзесяціхвілінныя лекцыі Ганны Севярынец пра літаратуру 20-х гадоў па спасылцы: https://wir.by/be/topic/times/tag/1930s

У ноч з 29 на 30 кастрычніка 1937 года гісторыя гэтых людзей мусіла скончыцца. Але яна працягваецца, пакуль ёсць мы, і ёсць памяць, нават у жорсткія часы.

132 дзеячы беларускай культуры і навукі, знішчаныя за адну ноч. Роўна 84 гады таму адбылася самая «чорная ноч» Беларусі.
Сёння мы аддаём даніну павагі расстралянаму пакаленню беларускай культуры.

Мы паспрабавалі іх «ажывіць» дзякуючы тэхналогіі Deep Nostalgia, каб памяць пра іх зрабілася яшчэ больш эмацыйнай.

Паглядзіце, як выглядалі Міхась Зарэцкі, Юлі Таўбін, Алесь Дудар, Тодар Кляшторны, Маісей Кульбак, Зяма Півавараў, Анатоль Вольны, Уладзіслаў Галубок, Міхась Чарот, Юрка Лявонны, Ізі Харык, Валер Маракоў.

https://wir.by/be/article/paety20

Больш пра гэтых пісьменнікаў можна даведацца на старонцы праекта (Не)расстраляныя.
Спасылка: https://tuzinfm.by/nierasstralianyja/

wir.by

«Жывыя партрэты» паэтаў 20-х

(Не)расстраляныя паэты 20-ых «ажылі» дзякуючы тэхналогіі Deep Nostalgia. Паглядзіце, як выглядалі Міхась Зарэцкі, Юлі Таўбін, Алесь Дудар, Тодар Кляшторны, Маісей Кульбак, Зяма Півавараў, Анатоль Вольны, Уладзіслаў Галубок, Міхась Чарот, Юрка Лявонны, Ізі…