КОНСТИТУЦИЯ ҲУҚУҚ ВА ЭРКИНЛИГИМИЗ КАФОЛАТИ

(Суратли лавҳа)

28-болалар мусиқа ва санъат мактабида Ўзбекистон Республикаси Конституциясининг 32 йиллик байрами муносабати билан “Конституция ҳуқуқ ва эркинлигимиз кафолати” шиори остида тантанали тадбир бўлиб ўтди.

Тадбирда туман секторлари раҳбарлари, давлат ва жамоат ташкилотлари, МФЙлар ҳамда кенг жамоатчилик вакиллари иштирок этдилар.

Туман ҳокими Дилшоджон Джалилов тантанали тадбирни очиб, байрам табригини ўқиб эшиттирди. Давлатимизнинг бош қонуни –Конституциямизнинг ҳаётимиздаги тутган ўрни, жамиятимизнинг сиёсий-ҳуқуқий ва ижтимоий-иқтисодий қиёфаси, одамларимизнинг дунёқараши бутунлай ўзгаргани, ҳар бир юртдошимиз мамлакатимизнинг тараққиётига муносиб ҳисса қўшаётгани ҳақида гапириб ўтди. Шундан сўнг, давлат мадҳияси янгради.

Туман прокурори, адлия маслаҳатчиси Жаҳонгир Акбаров Конституция мазмун-моҳиятига тўхталиб, байрам билан барчани табриклади.

Туманнинг ижтимоий-иқтисодий ривожланишга қўшган ҳиссалари учун бир гуруҳ юртдошларимиз ҳокимлик фахрий ёрлиғи ва қимматбаҳо совғалари билан тақдирландилар. 6 нафар 18 ёшга тўлган ёшларга ID карталари тантанали топширилди.

Туман ҳокими ўринбосарлари, секторлар, корхона, ташкилот, муассаса раҳбарлари, мактаб ва МТТлар директорлари, МФЙ раислари, жамоат ташкилотлари, ОАВ вакиллари катта байрам концерт дастурини томоша қилдилар. Туман маданият бўлими хонандаларининг қўшиқлари, ихтисослаштирилган мактаб ўқувчиларининг Конституция моддаларини ёд айтишлари ҳамда 28-болалар мусиқа ва санъат мактаби раққоса қизларининг чиқишлари иштирокчиларга манзур бўлди. Барча олқшилар билан кутиб олиб, маза қилди.

#Яшил_макон

КЎРГАЗМАЛИ СЕМИНАР

Куни кеча Президентимиз Шавкат Мирзиёев раислигида мева-сабзавот маҳсулотларини етиштириш, қайта ишлаш ва экспорт қилишни кўпайтириш чора-тадбирлари юзасидан видеоселектор йиғилиши ўтказилди. Унда қатор асосий вазифалар белгилаб берилди.

Йиғилишда дала четларидан самарали фойдаланишга алоҳида эътибор қаратилди. Бу бўйича имтиёзлар берилиши айтиб ўтилди.

Бугун туманимизда “Яшил макон”, дала четларидан самарали фойдаланишга бағишланган амалий семинар бўлиб ўтди. Унда вилоят ҳокими ўринбосари Алибек Турсунов иштирок этди.

Туман ҳокими Дилшоджон Джалилов бошчилигида сектор раҳбарлари, қишлоқ хўжалиги ходимлари иштирокида ўтган амалий семинарда Президентимиз томонидан ўтказилган видеоселектор йиғилишида белгилаб берилган вазифалар, имтиёзлар йиғилганларга батафсил тушунтириб ўтилди.

Хонобод ММТП ҳудудидаги "Ҳамкор намуна" фермер хўжалигида ўтказилган тадбирда "Яшил макон" умуммиллий лойиҳаси доирасида 1000 тупдан зиёд терак, ток, тут кўчатлари дала четларига экилди.

Суперлиганинг 25-тури давом этди.

Навбатдаги баҳсда "Нефтчи" ва "Насаф" жамоалари тўқнаш келди. Ҳисоб- 2:0.

Беллашувдаги голлар 58-дақиқада Билолхон Тошмирзаев ва 90+5-дақиқада Ҳусаин Норчаев томонидан киритилди.

Шу тариқа, "Нефтчи" жамоамиз навбатдаги 3 очкони қўлга киритди ва турнир жадвалининг 5-поғонасига кўтарилди.

Fergana.uz|Facebook|Instagram|Youtube|X

Ҳафталик доирасида

ТУМАН ҲОКИМИ ҲИСОБОТ БЕРДИ

Яқинда Президентимиз Шавкат Мирзиёев томонидан Олий Мажлис Қонунчилик палаталарининг қўшма йиғилишидаги нутқида маҳалла еттилиги ходимларига юксак ишонч билдириб, бир қатор вазифалар тўғрисида таъкидлаб ўтганди.

Президентимизнинг 2023 йил 21 декабрдаги ПФ-209-сон фармони ҳамда ПҚ-402-сон қарорида ҳам маҳаллаларда жамоатчилик назоратини ташкил этиш вазифаси белгилаб қўйилган.

Юқоридагиларга асосан, Ўзбекистон маҳаллалари уюшмаси томонидан жорий йилнинг 18-23 ноябрь кунлари намунавий тарзда жойларда “Жамоатчилик назорати” ҳафталигини ўтказиш белгиланган.

Шу муносабат билан 40-мактабда туман ҳокими Дилшоджон Джалиловнинг 2024 йил ўн ойи давомида Юқори Сойбўйи маҳалла фуқаролар йиғинида бажариган ишлар ва келгусидаги режалар юзасидан ҳисоботи эшитилди.

Йиғилишда сектор раҳбарлари, туман ҳокими ўринбосарлари, ташкилот, корхона раҳбарлари, маҳалла раислари, кенг жамоатчилик ҳамда ОАВ вакиллари иштирок этишди. Туман ҳокими Юқори Сойбўйи МФЙ инфратузилмасини яхшилаш бўйича бажарилган ишларни йиғилганларга батафсил баён қилди.

–Юқори Сойбўйи МФЙда қолган маҳаллаларга нисбатан ижобий ишлар кўпроқ амалга оширилди, – деди туман ҳокими. – Бунда маҳалла еттилигининг бирдамлиги ҳам муҳим ўрин тутди. “Ташаббусли бюджет”, дастурлар доирасида кўплаб ишлар амалга оширилди. Бундан буён ҳам маҳалла ободлиги, халқ фаровонлиги йўлида ишлаймиз.

Ҳисобот якунида иштирокчилар ўзларининг саволларини йўллашиб, батафсил жавоб олишди.

Бундай ҳисобот йиғилишлари қолган маҳаллаларда ҳам давом этади.

*✅Telegram | ✅Facebook | 🌍***Web sayt