Baʼzan soʻrab qolishadi qaysi sohani oʻqigan maʼqul, qaysi kasblar dolzarb va kelajagi boshqalarnikiga qaraganda porloq deb. Albatta har bir sohaning oʻziga yarasha imkoniyatlari va qiyinchiliklari mavjud. Lekin Sunʼiy idrokning jadal suratlarda rivojlanib borishi va uning inson kapitaliga sezilarli taʼsir koʻrsatayotganligini inobatga olsak, yaqin kelajakda ayrim sohalarda jiddiy oʻzgarishlar boʻlishi mumkin. McKinsey Global Institute bu borada oʻz hisobotini nashr qilgan va unda 2030-yilga kelib AQSh va Yevropa mintaqasida koʻrsatilgan sohalar boʻyicha 2022-yilga nisbatan quyidagi oʻzgarishlar kuzatilishini taxmin qilingan.

Oʻzgarishlar sohalar kesimida (1-ustun), Yevropa hamda AQSh mintaqasida 2022-yilga nisbatan million sonli koʻrsatgichlarda oʻzgarish (2- va 4-ustun) va ushbu oʻzgarishlarning foiz koʻrsatgichlarda taqsimi(3-va 5-ustun) berilgan.

Hisobot va uning tadqiqot metodi haqida batafsil oʻqish uchun ushbu manbadan oʻqib olishingiz mumkin.

Tez orada Buyuk Britaniyada magistratura oʻqish uchun xarajatlari toʻliq qoplanadigan Chevening dasturi eʼlon qilinadi. Chevening faqat moliyaviy grant dasturi boʻlib, magistratura oʻqishiga alohida hujjat topshirish kerak boʻladi. Cheveningni yutish uchun umumiy qoidalar bilan yaxshilab tanishib, hujjatlarni sifatli toʻldirish uchun koʻproq oʻqib izlanish kerak boʻladi. Bu uchun internetda koʻplab maʼlumotlar bor.

Aynan Buyuk Britaniya universitetlariga keladigan boʻlsak, quyida siz bilan foydali vositani ulashsam. Keltirilgan xaritada Buyuk Britaniyaning deyarli barcha oliygohlari joylashuvi keltirilgan.

Yashil rangda – Russell Group assosiatsiyasiga aʼzo universitetlar roʻyxati. Bu universitetlar odatda oʻta nufuzli oliygohlar sanaladi.

Sariq rangda – QS 2025 reytingidan joy olgan universitetlar (Russell Groupning barcha aʼzolari QS tizimida mavjud)

Koʻk rangda – QS reytingidan joy olmagan oliygohlar. Bular odatda hali yangi tashkil qilingan yoki tor mutaxassislikka asoslangan oliygohlar boʻlishi mumkin.

Pastda biriktirilgan faylni ochsangiz telefonda xarita ko'rinishida ochishi kerak.

Eslatma: QS reytingini muqarrar fakt deb qabul qilishdan ehtiyot boʻlish kerak. Albatta, reytingdan joy olish oliygoh uchun katta nufuz anglatadi va buni marketing uchun qurol-vosita sifatida ishlatadi. Lekin shunday oliygohlar ham borki, taʼlim sifati yuqori lekin universitetlar maʼmuriyati prinsipial ravishda unda ishtirok etmagan.

Hurmatli Obunachilar, Oliygohlar reytingi (QS-2025/24/23) Telegram boti yangilandi — 2025-yil uchun maʼlumotlar ham kiritildi. Garchi 2025-yil hali kirib kelmagan boʻlmasa ham reyting tizimlari uchun boʻlajak talabalarga kelajakdagi akademik maqsadlarini rejalashtirishlari uchun bunday maʼlumotlarni taqdim etishlari odatiy amaliyotdir. 2025-yilgi reytingda Oʻzbekiston oliygohlari ham ishtirok etgan.

? Exciting News! The FLEX 2025-2026 application Process opens in August! ?✨

Ready to embark on a life-changing journey of cultural exchange and personal growth? Head over to discoverflex.org to learn more and get all the details. Complete the interest form at ais.americancouncils.org/flex to be the first to know when the application opens.

? Stay tuned for updates and detailed application instructions for the FLEX 2025-2026 program! ?

#FLEXProgram #CulturalExchange #PersonalGrowth #StudyAbroad #DiscoverFLEX

Soʻnggi bir necha kun davomida Telegram Bot yaratish ustida ishlayotgan edim. Ishga tushdi. Bu Bot orqali siz dunyoning Top OTMlari haqida maʼlumot: ularning QS reytingi tizimi boʻyicha 2023 va 2024-yillarda tutgan oʻrni hamda mamlakatlar kesimida ularning roʻyxati haqida maʼlumot topsangiz boʻladi. Ushbu Botda faqat QS reyting tizimida ishtirok etgan mamlakatlar – 104ta hududdan salkam 1,500ta oliygoh joy olgan.

Quyida 20ta davlatga talaba vizasini olish uchun bir yilga yoki har oyga talab qilinadigan pul mablagʻ miqdori talablari (proof of funds) keltirilgan.
Eslatma: bu summalar oʻqish-kontrakt puli, tibbiy sugʻurta, aviachipta, qoʻshimcha oila aʼzolari yoki boshqa xarajatlarni inobatga olmaydi, balkim talabalar maʼlum vaqt davomida oʻzlari foydalanishlari mumkin boʻlgan mablagʻni nazarda tutadi. Odatda ushbu qiymatlar talabaning yoki unga homiy boʻlgan shaxsning bank hisobida koʻrsatilishi kerak. Ayrim mamlakatlar Oʻzbekistonliklar uchun biroz yuqori yoki qoʻshimcha talablar ham oʻrnatgan boʻlishi mumkin. Masalan, J.Koreya va Germaniya uchun koʻrsatilgan summalar, faqat ushbu mamlakatlar bilan bogʻliq boʻlgan banklarda koʻrsatilishi kerak.

1. AQSh — oliygoh joylashgan hududiga qarab 35,000dan 70,000 AQSh dollariga chiqishi mumkin.
2. Avstraliya — 29,710 AUD (19 537 AQSh dollari).
3. BAA — Universitetga bogʻliq, Abu Dabi universiteti uchun mablagʻni tasdiqlovchi hujjat 15,000 AQSh dollarini tashkil qiladi.
4. Buyuk Britaniya — har oy uchun 1,100 funt sterling (oʻquv oyi uchun faqat).
5. Finlyandiya – har oy uchun 560 yevro.
6. Fransiya – har oy uchun 615 yevro.
7. Germaniya — har oy uchun 934 yevro.
8. Irlandiya – bir yil uchun 10,000 yevro, bir yildan qisqaroq muddatli dasturlar uchun oyiga 700 yevro.
9. Ispaniya – har oy uchun 600 yevro.
10. Italiya — har oy uchun 470 yevro.
11. Janubiy Koreya – 20,000 AQSh dollari.
12. Kanada — 20,635 CDN (14,930 AQSh dollari).
13. Niderlandiya – har oy uchun 900 yevro.
14. Portugaliya — oyiga 820 yevro.
15. Singapur – 8,400 AQSh dollari.
16. Shveysariya – bir yil uchun 21,000 CHF (23,070 AQSh dollari).
17. Xitoy – yiliga 2,500 AQSh dollari.
18. Yangi Zelandiya — yiliga 20,000 NZD (11,840 AQSh dollari)
19. Yaponiya — bir yil uchun 2 million yapon iyeni (12,970 AQSh dollari).
20. Chexiya — oyiga 3,130 CZK (133 AQSH dollari).

Oliy taʼlimga chet ellik talabalarni jalb qilish boʻyicha foiz koʻrsatkichlarda ayni damda Yangi Zelandiya yetakchilik qilmoqda. Keltirilgan manbada aytilishicha 2023-yilda Yangi Zelandiyaga chetdan kelgan talabalar soni 67 foizga oʻsgan. Covid-19 davrida mamlakat ancha payt bu borada asosan yopiq siyosat olib borganini hisobga olish kerak.

Yangi Zelandiya hukumati 2022-yilda mamlakatda xalqaro taʼlimni rivojlantirish maqsadida International Education Strategy 2022 – 2030 strategiyasini qabul qilgan. Ushbu hujjatning 3ta asosiy maqsadidan biri Xalqaro taʼlim barqarorligini taʼminlashdir. Ushbu maqsad doirasida xorijiy talaba viza arizalarini qabul qilish va koʻrib chiqish tizimini yengillashtirish nazarda tutilgan.

Avstraliya hamda Kanada chet ellik talabalarni qabul qilish soni uchun chegara oʻrnatayotgan bir paytda (international student cap), Yangi Zelandiya xalqaro talabalarga ancha mehmondoʻst siyosat olib boryapti.

Bu borada AQSh esa son jihatdan dunyo mamlakatlari orasida eng koʻp chet ellik talabalarni qabul qilgan mamlakat https://opendoorsdata.org/annual-release/international-students/ : 2022/23-yil uchun — 1 057 188ta talaba. Dunyoda hozirgi kunda qoʻpol taxminlarga koʻra 6 million talaba chet mamlatlarda oliy maʼlumotga oʻqishini hisobga olsak, ularning taxminan 6/1 AQShga toʻgʻri keladi. Bu ketishda AQShda 2034-gacha chet ellik talabalar soni 1.3 — 2.9 millionga yetishi bashorat qilingan.

https://www.enz.govt.nz/news-and-research/ed-news/69000-international-student-enrolments-in-2023

Avstraliya hukumati 1-iyuldan boshlab Avstraliya oliygohlariga oʻqishga kelayotgan xalqaro talabalar uchun yangi talablarni joriy etdi. Asosiy oʻzgarish, xalqaro talabalar Avstraliya vizasini olish uchun endi 710 Avstraliya dollari (=477 AQSh dollari) emas 1,600 (=1078 AQSh dollari) toʻlashlari kerak boʻladi. Bunda hali viza olish kafolati yoʻq. Soʻnggi paytlarda xalqaro talabalarga Avstraliya vizasi uchun rad olish darajasi oshgan:

2023/24 yilining birinchi yarmida 19 foizi rad etilgan
2022/23 da 14%
2021/22 da 8,5%

Batafsil maʼlumot maqolada.

University World News

Australia more than doubles international student visa fee

Visa fees for foreign students seeking to study in Australia have more than doubled. The move, announced on 1 July, is likely to have a significant im...