تخصصی ترین کانال کسب درآمد دلاری ...
در این کانال مهارت سرمایه گذاری و ترید را یاد خواهید گرفت.
راه ارتباطی با من: @EfiSup
Last updated 1 day, 16 hours ago
ئەو کچەی ئێستا پێی ئەڵێن جوانە
یەکەم پەسەندی دەستەی لاوانە
لەسووچێکا بوو کەس نەی ئەناسی
جار جار دەرئەکەوت زۆر بەکەساسی
خۆی نەیئەزانی کە نرخی چییە
وەی زانی بەشی لە ژینا نییە
دامنا لە دڵما ئەمە یارم بێ
لابەری خەمی ڕۆزگارم بێ
وتم ئەم پەرییە کەس نەی ناسیوە
زوو ڕاوی ئەکەم تا کەس نەیدیوە
بەڵام بەر لەوەی من بیخەمە داو
کەوتە بەر چاوو ناوی کەوتە ناو
ژمارەی عاشق لە حیساب دەرچوو
دەوری ھەژاری وەک من بەسەر چوو
ئێستا ئەو کەسەی دیار نەبێ منم
خۆم خۆم نابینم ئەوەندە ونم
لەشکری پارە دەوری لێداوە
بەدیناری زۆر دەوری گیراوە
🤍 #خەیاڵ
جێگایەکی دوور
خانوێکی بچوک
دەورا دەوری باغ
ئەسپێکی سەرکەش
سەربانی خاوێن
شەوێکی تاریک
ئاسمانێکی ساف
ئەستێرەی گەش گەش
هەوای بەهاری
دیوێکی بۆن خۆش
کەمەری باریک
یارێکی چاو ڕەش
کەلو پەلی ماڵ
ڕایەخ و سەرین
چایەکی داخ و
عیشقێکی بێ خەش
سەیر و سۆحبەت و
گاڵتە له گەڵ یار
خۆشەویستی زۆر
ژینێکی هاوبەش
لێرە خۆ ڕۆحی ڕەوانی، بۆ لەوێی؟
سازی ئاوازی ژیانی، بۆ لەوێی؟
قەت هەوای ناسازی وێت پێ ناکەوێ
ئەی گوڵاڵەی دەوری کانی، بۆ لەوێی؟
تا بە پیریم ڕادەگەی، زوو بێرەوە
کەڵکەڵەی دەورانی جوانی، بۆ لەوێی؟
تۆ کە بەرگەی تینی تاوێ ناگری
یوسفی کەنعانی ژانی، بۆ لەوێی؟
ئەوڕۆ من کەوتووم لەبەر دەردی دڵم
تۆ دەوای دەردی گرانی، بۆ لەوێی؟
هەر بە زار و ئاهی من دەشنایتەوە
ئێستە بێ ئاوازی گیانی، بۆ لەوێی؟
شاعیر و شێعرن دەسووتێن لێرە بۆت
تۆ وشە و ئاوازی جوانی، بۆ لەوێی؟
گەر لەوێ بێڕۆحی سیسی کردبی
لێرە خۆ ڕۆحی ڕەوانی، بۆ لەوێی؟
دڵم تەنگە وەکوو غونچەی دەمی تۆ
سەرم گێژە لە گێژی پەرچەمی تۆ
♡
دڵ و گیانم و ژیانم دا بە ماچێک
وتت پێک نایە زۆری من کەمی تۆ
♡
لە چەشنی ئاگرن کۆلمی گەشی تۆ
لە مار ئەستەمترن پرچی ڕەشی تۆ
♡
بڵێم وەک چی دەچی ، هەر گوڵ دەزانم
لە گۆڵ ناسکترە ناسک لەشی تۆ
♡
لە گوارەی پڕپەرەنگ دڵ پڕپەرەنگم
چەماوی بەژن و باڵای شۆخ و شەنگم
♡
لە سەر سینگی سپی چاوم سپی بوون
لە تاوی زەردە لیمۆت زەردە رەنگم
♡
بۆ حەسانەوەی ڕێی ماندووی ژیان
باوەشت نەبێ هیچ شوێن شك نابەم
وا گومان دەكەم لەگەڵ تۆدابم
ڕێ بەكەناری دەریای خەم نابەم
ئێستا و هەمیشە هەر خۆشم ئەوێی
وەك یەكەم جارت و یەكەم دیدارت
لای من هەر گوڵ و ڕێحانەی جوانە
پێدەشتی وشك و پڕ خۆڵ و خارت
ئیتر ئەو خەڵكە چۆن حاڵی دەبێ
من گوێ نادەمی و بەبێ دەربەربەستم
گرنگ ئەوەیە تۆ پێ بزانی
لە دنیای ڕۆشن تۆی خۆشەوسیتم
دڵم وەك گوڵ و تاجی پاشایی
لەسەرت ئەنێم هەتا بمێنم
قەت لێت تێر نابم گەر سەد هێندەی تر
لەسیما و جوانی تۆ ڕا بمێنم
من عاشقی تۆ و تۆ شەمعی ڕێم بە
با خەڵکی شاریش گشت پێ بزانن
هەتاكو مێژوو بینوسێتەوە
لە سایەی عەشقا دوان کامەرانن
هەوری ئاسمانیش لە جیاتی باران
تۆی بارانۆتە سەر كێڵگەی دڵم
بۆیە بۆ عەشق و دڵداریت گیانە
هێند بێ ئارام و وا لەسەر كوڵم
وەكو كۆرپەلە شەیدای دایكی بێ
من وەها شەیدای دیدار و ژوانم
كاتێ تۆم هەبی بەبێ خەم ئەڕوا
شەمەندەفەری وێستگەی ژیانم
ئەی شەوەزەنگ
وەختە منیش وەک «وەیتەلووس»
لاشەی گەنیوی «ئۆتۆن»یت بۆن بکەم و
بڵێم ئۆخەی.
وەختە شووشەی عومرت بشکێ
هێندەی نەماوە ببمە گڕ
چڕستانی پڕ لە کینەت بسووتێنم
ببمە لافاو، جەڵغەی دەروونت ڕاماڵم
زۆر لەمێژە
دەروونی من لە عاستی تۆ پڕ لە قینە
هەناسەی من ئاگرینە
هێندەی نەماوە، وەک هەڵۆ
قەلەڕەشکەی نامۆییی تۆ
لە دارستان بتارێنم
☆☆☆
وەیتەلووس قەراڵێکی ڕۆم بوو کاتێ لە مەیدانی شەڕدا لاشەی «ئۆتۆن»ی ڕەقیبی خۆی بینی کە بۆ گەنی کردبوو بۆنی پێوە کرد و وتی: بۆنخۆشترین بۆنی دنیا بۆنی لاشەی گەنیوی ڕەقیبە.
☆☆☆
تۆ وەک نیشتمانی ئازاد
پڕ لە شکۆ و شادی و جوانی
من وەک خاکی داگیر کراو
پڕاوپڕم لە وێرانی!
دووبەیتی(دوو قۆڵی_دوو برا)
لە کازیوەی بەیاناندا، نەبوو جوانتر لە ڕوخسارت
نەخێر نابێ چلۆن دەکرێ، کە من نەبمە گرفتارت
وڵاتان زۆر گەڕاوم شار و دێهاتان، یەقین وایە
نەبوو شیرین شکەرتر بێ، لە لێو و خەندەکەی زارت
#خۆشناو
گوڵم تاکەی بناڵێنم، لە دووری چاوی بێ غەوشت
پەرێشانم لە هیجرانت، بە دوو لێوی شەکەر بارت
قیامەت ڕادەبێ دڵبەر، ئەگەر مەیلت لە سەر مابێ
وەرە و چارەی کە دەردی من، نەچی لادەی لە بڕیارت
#قەلەندەر
لە کاروانی ئەشقدا من، گەلێکم دین بە داوێوە
هەموو مەست و کەساسی ئەو، چ ناخۆشە شەوی تارت
شەوی ئەشق و وەفای یارێ، ئەگەر کەوتە درەنگانێ
بە یەکجاری دەسووتێنێ، دڵ و دڵبەر لە بازاڕت
#خۆشناو
خەبەریان دا بە کۆخی دڵ، کە وا دڵبەر بەرەو کاخە
چلۆن چاوم هەڵەی کردوو ئەمن بوومە خەتابارت
بەرەو ڕێگەی ئەشق ڕۆیی جەماڵی نازەنینی تۆ
لەمە بە دوا نەهێڵم کەس، کە وا بتدا پەلامارت
#قەلەندەر
کە جارێکی لە جاران بێیە سەردانم، گوڵی هیوا
بە بۆنی عەتر و شەهدی لێو، دەکەی چار ئەمنی بیمارت
تریفەی چاوەکانت بوونە ئەستێرە، لە بەختی من
مسۆگەر بە کە شەو ناگا، بە زوڵفی چەشنی ڕەشمارت
#خۆشناو
ئەزیرەی دڵ، ئەوینی من، لە سەر تا پێ ڕەوا بوو شەو
دەبێ عومرم لە سەر دانێم، لە سەر جوانی قەڵەمکارت
ئەگەر بێتوو دڵاواییت، پەرێشانی دڵم لابا
بە شەرتی ئاشقانی زوو، دەبێ هەر بم وەفادارت
#قەلەندەر
تخصصی ترین کانال کسب درآمد دلاری ...
در این کانال مهارت سرمایه گذاری و ترید را یاد خواهید گرفت.
راه ارتباطی با من: @EfiSup
Last updated 1 day, 16 hours ago