🎵@ShpolDarya

🎼 #حەسەن_زیرەک 🎼

🎼 #ڕەش_ئەسمەر 🎼

🎵@ShpolDarya

✌️ @ShpolDarya

?#خاڵە_پیرۆت

خاڵە پیرۆت، خاڵە پیرۆت!
بەسە، مەگری، بۆ بەختی خۆت،

کاروانەکەمان نەبەزە،
کۆڵەکەی پشتی ڕەگەزە،

زڕەی زەنگی پێشکەوتنە،
پەیامبەری سەرکەوتنە،

قەت ناچەمێ و نەچەمیوە،
لە کۆڕی ژین زۆری دیوە،

وەکوو گوڵی وەرزی بەهار
ڕوا لەسەر زبڵی ئازار،

ڕەگی داکوتا زۆر بەتین،
هەڵچوو بەرەو ئاسمانی شین،

خاڵە، باوەڕمان شەپۆلە،
شەپۆلی پڕ قین و تۆڵە،

پەیامی ڕاستیی ژیانە
دژی فرمێسکی گریانە،

لە سەرچاوەی ئازارەوە،
لە هیوای لادێ و شارەوە،

له قوڵپی خوێنی زامەوە،
لە حیبری نووکی خامەوە

پەیتاپەیتا هەڵقوڵاوە،
لەگەڵ ژیان تێکەڵاوە.

جموجۆڵی ئەو شەپۆلە
تێر ئاو دەکا هەردی تۆڵە

هێزی زۆردار با گەورەش بێ،
جڵەوگری ئەم دەورەش بێ،

بڕوای ئێمە تێی دەئاڵێ،
بەرەو نەمان ڕایدەماڵێ!

چونکە هێزی مێژووی دوورە
شۆرشە، دژی سنوورە!

?#عەبدوڵڵا_پەشێو

✌️ @ShpolDarya

?@ShpolDarya

#بێ_پارەیی

ئەو کچەی ئێستا پێی ئەڵێن جوانە
یەکەم پەسەندی دەستەی لاوانە

لەسووچێکا بوو کەس نەی ئەناسی
جار جار دەرئەکەوت زۆر بەکەساسی

خۆی نەیئەزانی کە نرخی چییە
وەی زانی بەشی لە ژینا نییە

دامنا لە دڵما ئەمە یارم بێ
لابەری خەمی ڕۆزگارم بێ

وتم ئەم پەرییە کەس نەی ناسیوە
زوو ڕاوی ئەکەم تا کەس نەیدیوە

بەڵام بەر لەوەی من بیخەمە داو
کەوتە بەر چاوو ناوی کەوتە ناو

ژمارەی عاشق لە حیساب دەرچوو
دەوری ھەژاری وەک من بەسەر چوو

ئێستا ئەو کەسەی دیار نەبێ منم
خۆم خۆم نابینم ئەوەندە ونم

لەشکری پارە دەوری لێداوە
بەدیناری زۆر دەوری گیراوە

?#مەدهۆش

?@ShpolDarya

?@ShpolDarya

? #خەیاڵ

جێگایەکی دوور
خانوێکی بچوک
دەورا دەوری باغ
ئەسپێکی سەرکەش

سەربانی خاوێن
شەوێکی تاریک
ئاسمانێکی ساف
ئەستێرەی گەش گەش

هەوای بەهاری
دیوێکی بۆن خۆش
کەمەری باریک
یارێکی چاو ڕەش

کەلو پەلی ماڵ
ڕایەخ و سەرین
چایەکی داخ و
عیشقێکی بێ خەش

سەیر و سۆحبەت و
گاڵتە له گەڵ یار
خۆشەویستی زۆر
ژینێکی هاوبەش

?#خۆشناو
?#سەنا_سەنایی

?@ShpolDarya

?@ShpolDarya

?#شلێر_میرەکی

لێرە خۆ ڕۆحی ڕەوانی، بۆ لەوێی؟
سازی ئاوازی ژیانی، بۆ لەوێی؟

قەت هەوای ناسازی وێت پێ ناکەوێ
ئەی گوڵاڵەی دەوری کانی، بۆ لەوێی؟

تا بە پیریم ڕادەگەی، زوو بێرەوە
کەڵکەڵەی دەورانی جوانی، بۆ لەوێی؟

تۆ کە بەرگەی تینی تاوێ ناگری
یوسفی کەنعانی ژانی، بۆ لەوێی؟

ئەوڕۆ من کەوتووم لەبەر دەردی دڵم
تۆ دەوای دەردی گرانی، بۆ لەوێی؟

هەر بە زار و ئاهی من دەشنایتەوە
ئێستە بێ ئاوازی گیانی، بۆ لەوێی؟

شاعیر و شێعرن دەسووتێن لێرە بۆت
تۆ وشە و ئاوازی جوانی، بۆ لەوێی؟

گەر لەوێ بێ‌ڕۆحی سیسی کردبی
لێرە خۆ ڕۆحی ڕەوانی، بۆ لەوێی؟

?#شێخە_ڕەسووڵ
?#شلێر_میرەکی

?@ShpolDarya

?@ShpolDarya

?#شەیدای_ژوانم

بۆ حەسانەوەی ڕێی ماندووی ژیان
باوەشت نەبێ هیچ شوێن شك نابەم
وا گومان دەكەم لەگەڵ تۆدابم
ڕێ بەكەناری دەریای خەم نابەم

ئێستا و هەمیشە هەر خۆشم ئەوێی
وەك یەكەم جارت و یەكەم دیدارت
لای من هەر گوڵ و ڕێحانەی جوانە
پێدەشتی وشك و پڕ خۆڵ و خارت

ئیتر ئەو خەڵكە چۆن حاڵی دەبێ
من گوێ نادەمی و بەبێ دەربەربەستم
گرنگ ئەوەیە تۆ پێ بزانی
لە دنیای ڕۆشن تۆی خۆشەوسیتم

دڵم وەك گوڵ و تاجی پاشایی
لەسەرت ئەنێم هەتا بمێنم
قەت لێت تێر نابم گەر سەد هێندەی تر
لەسیما و جوانی تۆ ڕا بمێنم

من عاشقی تۆ و تۆ شەمعی ڕێم بە
با خەڵکی شاریش گشت پێ بزانن
هەتاكو مێژوو بینوسێتەوە
لە سایەی عەشقا دوان کامەرانن

هەوری ئاسمانیش لە جیاتی باران
تۆی بارانۆتە سەر كێڵگەی دڵم
بۆیە بۆ عەشق و دڵداریت گیانە
هێند بێ ئارام و وا لەسەر كوڵم

وەكو كۆرپەلە شەیدای دایكی بێ
من وەها شەیدای دیدار و ژوانم
كاتێ تۆم هەبی بەبێ خەم ئەڕوا
شەمەندەفەری وێستگەی ژیانم

?#سامان_سەنگاوی

?@ShpolDarya