Սիրելի համայնք,

Ցավով հայտարարում ենք, որ Poligraf-ը վերջնականապես փակվում է։ Հունվար ամսվա ծրագիրը չեղարկելուց հետո մենք ժամանակ ենք ունեցել գնահատելու ոլորտի էկոհամակարգը և հասկացել, որ այն այլևս չի համապատասխանում մեր համոզմունքներին։ Այս որոշման վրա ազդեցություն են ունեցել տարատեսակ մարտահրավերները, մասնավորապես՝ քաղաքային իշխանությունների հետ երկարատև իրավական պայքարն ու ներսի կոռուպցիան:

Տարիներ շարունակ Poligraf-ը եղել է միասնության, ինքնարտահայտման ու բազմազանության խորհրդանիշ՝ հետխորհրդային և հետպատերազմյան Հայաստանի սոցիալ-քաղաքական դժվարին պայմաններում։

Չնայած այս մարտահրավերներին, մեզ ոգևորել է համայնքի սերն ու աջակցությունը, հատկապես, վերջին մեկ տարում: Ազատ Հայաստան ունենալու համայնքի ջանքերը եղել են մեր շարժիչ ուժը։ Շնորհակալ ենք այն հիշողությունների համար, որոնք ստեղծել ենք միասին: Հետհայաց գցելով այն պահերին, որոնք կիսել ենք միմյանց հետ, կարող ենք վստահ ասել՝ Poligraf-ի պատերի ներսում անցկացրած յուրաքանչյուր գիշերն ու ստեղծած յուրաքանչյուր կապը հավերժ կմնան մեր սրտերում։ Poligraf-ը կփակի իր դռները, բայց այս տարածքը խորհրդանշող ոգին կշարունակի գոյություն ունենալ մեր հիշողություններում։

Հրաժեշտ տալով Poligraf-ին՝ ուզում ենք վերջին անգամ անցկացնել վիքենդը միասին։ Այս ուրբաթ և շաբաթ օրերի միջոցառումների մանրամասները շուտով կհայտարարենք մեր էջում։

Մեծ երախտագիտությամբ ու սիրով,

Poligraf-ի ղեկավարություն։