"بينى وبينك هجر وغدر وجرح بقلبي داريته
بينى وبينك ليل وفراق وطريق انتا اللي بديته"
وهي أم كلثوم رجعت تغنيلك.. شكلا هالليلة بتشبه هديك الليلة اللي سهرنا فيها نسمع أم كلثوم بنفس الوقت وبنفس اللحظة بس بيناتنا كانت مسافات كبيرة.. أكيد بتتذكري صح؟ ع كل حال "فات المعاد" ورح يضل يفوت المعاد.. ونحن تاركين الفراق يسرق منا أحلى الأيام.. مابعرف حبيت أكتبلك.. حبيت قلك إنو أنا هون.. ذاكر يا هبلة يا عنيدة يا أم راس يابس.. حبيت قلك كمان اشتقتلك بس عطريقتي.. اشتقت لحتى شوفك وأسمع صوتك بمكالمة فيديو متل هديك المكالمات اللي كنتي تنامي فيها وتتركيني سهران أتأمل ملامحك وأنتي نايمة.. نايمة؟ عم أضحك كيف نقلبت الآية صرتي تنامي بكير متلي وصرت أسهر متلك.. بتعرفي شو.. أوقات كتير بشبه قصتنا بقصة عروة وهناء بمسلسل الندم.. لا تسأليني شو أوجه الشبه لأن مابعرف.. بس بعرف أنا تنيناتنا محكومين بالندم. 🤍🥂

أحبك طبعًا ،
هذا أكثرُ نورٍ يمكنني غزلهُ في وطنٍ
منهوب وحزين.

رُبما غدًا تأتي
فيُشاع في نشرات الأخبار
عودة مُفاجئة وسريعه
لموسِم الربيع.🥂🤍

هالكم سنة شو تغيرت فينا الدنيا ??

ٓ
- ‏"شعور أنك مكتفي بشخص واحد عظيم جداً "♥️

حب كبير ..

للحنونين_دائماً .. للرسائل_اللطيفة
    للرسالة يلي بتخلينا نغير قعدتنا

لـ ريحة_عطر أجت على غفلة .. لـ حديث_عابر
أخدت منو عبرة
لـ شخص_ثابت_بحياتنا ..

لـ ستوري باقتباس بيشبهك .. لـ غنية مسجلّة
مخصوص الك
للوفي_بوعودو و قد كلامو .. لـ كلمة حاضر و
كرمالك .

حُب كبير للبساطة .. للعفوية ♥️?.

مو ضروري أنو تلاقي شغل بعمر العشرين ..
ومو ضروري أنو تتخرج بأربع أو خمس سنين ..
ومو ضروري أنو تتزوج بالعشرينات أو تسافر قبل عمر ال 30

بس الشي الضروري أنو تكون رضيان عن حالك
رضيان بنصيبك من هي الحياة
رضيان عن مستواك يلي أنت فيه هلق ..
عندك ثقة بنفسك أنو كلشي ممكن تغيرو لصالحك
ومتل ما بدك أنت
ولو كنت بعمر الخمسين ♥️?.

‏المبالغة على طول رح تزعلك بالنهاية ..
لهيك تعلم إنه اللي بيمشيلك خطوة ، ‏لازم تمشيله خطوة وحدة بس ..
‏مو مطلوب منك تمشيله بلاد ! ♥

فيكي تكوني بنت عادية بس تمشي بالطريق ماحدا ينتبهلك ،
ترجعي بالميكرو بدل التكسي ..
ماتحتاجي شهادة سواقة بحياتك لأنك عرفانة انك ما رح تشتري سيارة ..
فيكي تنزلي تتسوقي من البالة ومرة كل 3 شهور وماتعرفي شي عن الماركات ولا تهمك أزياء المشاهير

فيكي تدرسي الفرع الجامعي المتعارف عليه يلي مابدو معدل ولا كتير ذكى وجهد بس عاجبك ومقتنعة فيه.

فيكي تتزوجي أول واحد انعجب فيكي وقلك كلمة "بحبك" وهداكي غنية ووصاكي تسمعيها كل ليلة بدون ما تخافي إنو قليل عليكي ، أو لأ بيجيني أحسن.

فيكي تشتغلي بمطرح عادي جداً وبعد الضهر ترجعي تساعدي أمك وتتعاملي مع الموضوع بعادية جداً.

فيكي يكون عندك كتير صديقات بس ولا وحدة بتغار منك أو همها تحسدك.

فيكي تحبي كل الناس وتحبك كل الناس ويكون المديح الوحيد إنك طيبة ، أخلاقك عالية ، مترباية ، حلوة المعشر وما تحسي بالنقص ولا قلة القيمة.

فيكي ترضي بالقليل وفيكي تطلبي الأكتر ..

فيكي تكوني بنت عادية جداً ، بسيطة ، مرتاحة ، وبتشبهي بس حالك ،

و دايما فيكي تصيري جميلة ، خارقة ، مختلفة ،
الكون متاح وقت بدك ?.

الهندسة متل الصديق الوفي
قدام الناس بتعطيك الهيبة
وبينك وبينها ماسحة فيك الأرض?