РАМАДАН

Мархий бутт Дала беркате болба. Вай иман-ислам чӀоагӀдолда Цо, вай Ӏибадаташ совдаха нидз лолба, воча хӀамаех лорадолда!

ХОАМ Тоабан доалахочо доашхамаш (комментареш) хьадийллад. Шоашка гӀалгӀай меттах, къамах, е вай къаманца дувзаденна дола хӀамах лаьца хаттар хуле — хьада. Марша доагӀалда, машарца дукха дахалда вай дерригаш!

ГӀалгӀай Мехка Конституци. Цу чу фу дувца ха аьнна цкъа мукъагӀа йийшича новкъа яц шоана.

ДАЬЛА ХЬОАХОР

Вайна бусалба дин довзийтарца, вай даьша имдилларца боккха къахетам баьб вайна АллахӀа. Вай бусалба гӀалгӀай долаш кхеллача Далла ба хоастам.
ГӀалгӀай мотт - маьлехьа мотт а ба, Даьла хьоахора мотт а ба. Вай из бувцаш хилча АллахӀ хьоахавеш дукха маьл баккха аьттув ба вайга. ХӀара дийнахьа бӀаьзза оалаш дола аларашкахьа массанахьа Даьла цӀи йоаккх вай, цига денз Из дага а вох вайна.

Кастта оалаш дола алараш:
• Дала аьттув боаккхалба
• Дала гештдолда
• Дала къахетам болба
• Дала къоабалдолда
• Дала маьлехьа долда
• Дала дикача наькъа тӀа долда
• Дала бийса даькъала йойла
• Даьла раьза хилва
• Дала моаршал лолда
• Дала аьннадале
• хоастам ба Далла
• моаршал лолда Дала
• Дала дукха доахадолда
• Дала (диканца) бекхам болба
• Дала иман-сабар лолда

Кхы а шортта да цу тайпара алараш, “Дала” ца оалаш “АллахӀ” оалаш. Ишта а, вешта а аьлча башхало яц. Вай даим бувцаш бола меттаца тӀехьа АллахӀа вайна къахетам баьбале, вай ца зувш кхы мел дукханахьа баь хургба Цо вайна из?
Ер да шоана эггара цӀенагӀдола зикар.

Даьла виц ма велаш, Цо а дергдац вай диц!

ЦӀИ КХАБАР

Вайна ма-харра, цкъаза сага цӀи ца йоаккхаш, цун "цӀи кхоаб" вай. Масала, вай ханара волча новкъостах "воша" оал вай (е, мехкараша, шоайла "йиша" оал).

Хаттар отт: саг воккха вале, цох "воти/даьци" алар нийса дий?
Тахан каст-каста хоза вайна из гӀалат долга оалаш.
Бакъда, вай даьша-ноаноша шоай ханара болча нахах воша/йиша оалаш хилча, вайна даь-наьна вежарий-йижарий хилаций уж?
Цундухьа гӀалат дац хийрача нахах воти е даьци алар. Цул совгӀа, вай гӀалгӀай багахбувцамга диллача - беррига гӀалгӀай вӀаший гаргара ба.

Цундаьра:
• нийсархочунга — воша/йиша
• воккхагӀчунга — воти/даьци
• ха яьнначунга — дади/нани
• зӀамагӀчунга — кӀаьнк/йиӀиг

Дагалаца, вежарий, йижарий.

*? INGUSH-ENGLISH AND ENGLISH-INGUSH DICTIONARY*

Johanna Nichols

Америкерча метта Ӏилманхочо ДжохӀанна Никольса яздаь гӀалгӀай-ингалсий дошлорг. Дика пайда болаш болх ба шоана.