@IBRATLY

ТАРБИЯ БЕРГИН! *Қизингга бахт бермас тилло тақинчоқ,
Бу тақдир мураккаб эмас ўйинчоқ,
Ёт ерда бўлмасин десанг қўғирчоқ,
Қизингга тарбия бергин бошидан.

Бешикдан сепини ғамин қиласан,
Сандиғинг тўлганин  кўриб куласан,
Сепларинг бахт бермас кейин биласан,
Қизингга тарбия бергин бошидан.

Бир жойга борганда айтишиб турса,
Ўзида ҳато-ю ўзгадан кўрса,
Кеч бўлгач надомат қиласан роса,
Қизингга тарбия бергин бошидан.

Эрини устидан тенгсамай кулса,
Таълими бўлмагач уйи бузулса,
Бошингга болодир гар қайтиб келса,
Қизингга тарбия бергин бошидан.

Ҳаттоки қушнинг ҳам уйи тўзмасин,
Қизинг ўз уйини ўзи бузмасин,
Дардини дастурхон қилиб ёзмасин,
Қизингга тарбия бергин бошидан.

Қудангни ҳовлиси шодликка тўлсин,
Келинмас бу менга қизим деб суйсин,
Қизинг бахт топсину ўзидан тинсин,
Қизингга тарбия бергин бошидан.

✍ Лутфуллоҳ  Хўжаев.*T.me/+FRVxLY3C7mg5ZmMy
T.me/+FRVxLY3C7mg5ZmMy

• Кимдир декабрнинг сўнгги кунини интизор кутади, кимдир Рамазоннинг илк кунларини.
• Кимдир инсонлар томонидан белгиланган кунларни байрам қилади, кимдир Аллоҳ байрам қилиб берган кунларни.
• Кимдир янги йил кечаси тонггача хурсандчилик қилади, кимдир Қадр кечаси тонггача ибодат.
• Кимдир ўтган йил қанчалик омадли келганини сарҳисоб қилади, кимдир ўтган умр қанчалик тўғри яшаганини.
• Кимдир келгуси йилдаги орзулари ушалишини сўрайди, кимдир қолган умрида хайрни.
• Кимдир арча атрофида айланиш билан завқланади, кимдир Каъба атрофида айланиш билан.
• Кимдир фарзандига қорбобога айтиб бериши учун шеър ёдлатади, кимдир Аллоҳ розилиги учун Қуръонни ўргатади.
• Бир-биридан тубдан фарқли икки жиҳат бир инсонда жамланмайди.
• Қалбдаги икки хилликдан бири, албатта, иккинчисини сиқиб чиқаради!

@IBRATLY

Намознинг кўзга фойдасиГерманияда бир кўз шифокори қабулига келган мусулмон йигитни текширади. Текшириб бўлиб унга савол беради:
— Сен намоз ўқийсанми?
— Менинг кўзимдаги дард билан намознинг қандай алоқаси бор. Мендан намоз ўқиш-ўқимаслигимни сўраяпсиз?
— Агар сен намоз ўқисанг, ўқиб бўлиб, икки томонга салом бераётгандаги ҳаракатни қилганингда бу касаллик сенда бўлмасди...

Изоҳ: Яъни, салом бераётганда икки елкамизга салом берамиз, шунда кўзимиз ҳаракатланади. Кўз ҳаракатланиши кўзнинг саломатлиги ва нури учун фойдали. Кўз машқларида бу бор. Субҳаналлоҳ, намоз ибодатимизда кўзимиз учун ҳам сиҳат бор экан. Шу ўринда Расулуллоҳ соллаллоҳу алайҳи васалламнинг "Намоз - кўзимнинг нури", деган маънодаги ҳадислари ёдга тушади. Роббимиз биздан талаб қилган ибодатлар ҳам руҳимиз, ҳам танамиз учун шифодир. Роббимиз бизнинг ибодатларимизга муҳтож эмас, аксинча, биз уларга муҳтожмиз.

Германиялик шифокор сўзида давом этиб:
— Арабларда кўзойнак ишлатилиши камдан-кам. Сабаби эса, улар ўнгдан чапга қараб тўғри ўқийдилар. Биз европаликлар эса, лотинчани чапдан ўнгга қараб ўқиймиз. Холбуки, яратилишга кўра, кўз ўнгдан чапга қараб ўқишга мослаштирилган.

Шифокор кейинчалик Исломни қабул қилиб мусулмон бўлади.

Абдуллоҳ Раҳимбоев таржимаси ва изоҳи

@IBRATLY

Садақа
Бир аёл ҳар сафар ўғилларидан биронтасини хулқида ёмон ўзгаришни кўрса, дарров садақа қилиб, таом тарқатар ва ушбу: “Уларнинг молларидан садақа ол. Бу билан уларни поклайсан, тозалайсан ва уларнинг ҳаққига дуо қил...” Тавба сураси, 103 -оятни ўқиб дуо қиларкан: “Аллоҳим, ушбу садақам фарзандимнинг ахлоқи покланиши учундир, чунки унинг бу ҳоли менга у касал бўлиб, хасталанганидан кўпроқ таъсир қилади, безовта қилади” дер экан.

Яна бир аёл бўлса, камбағал эди, кунлик топганларига кифоя қиларли кун кечиришарди. Шу сабаб садақа қилишга ҳеч нарса тополмасди. Эри ёки ўғли бирон айб, гуноҳ содир қилишса, кечаси туриб Бақара сурасини зам қилиб намоз ўқир ва: “Аллоҳим, бу менинг садақамдир, уни мендан қабул эт. Уни менга ислоҳ қилиб бергин”, дея дуо қиларди.

Нима учун вафот этган инсон дунёга қайтиш имкони берилса, садақани танлайди? Бу ҳақда Қуръони каримда: “Ва бирингизга ўлим келиб: «Эй Роббим, агар менинг ўлимимни яқин муддатга орқага сурсанг, бас, садақа қилиб солиҳлардан бўлсам», демасдан аввал Биз сизларга ризқ қилиб берган нарсалардан нафақа қилинг” (Мунофиқун сураси, 10- оят), деб айтилган.

Нима учун “Умра қиламан” демайди, “намоз ўқийман” демайди, “рўза тутаман” демайди, балки “садақа қиламан” дейди.
Илм аҳли дейишди: Вафот этган киши ўлимидан кейин садақани қай даражада фойдаси, асари улкан бўлишини кўргани учун ҳам шундай дейди.

Садақани кўпайтиринглар, албатта мўмин қиёмат кунида садақасининг сояси остида бўлади. Айни дамда сиз қилишингиз мумкин бўлган энг афзал садақа - ушбу ўқиганингизни садақа ниятида бошқага улашишингиздир.

Анвар Аҳмад таржимаси

@IBRATLY

**Yolg'iz eshiting!
Oilaviy eshiting!

Shamchiroqdan eslatma :

"Har hafta bir martta eshitib turing shu maruzani .**.."

https://t.me/IBRATLY

КЎРИНГ ВА БУ СИЗНИ БЕФАРҚ ҚОЛДИРМАЙДИ.

👉 @IBRATLY

​​❗️

—Кўчада ёмғир ёғяпти! Юр айланиб келамиз!
—Қўйсангизчи! Aхир кўчада ёмғир ёғяпти!

Aржумандбегим

👉@IBRATLY

Мусибатимиз шундаки:
Турмуш қурамиз, севмаймиз.
Фарзанд кўпайтирамиз, тарбия бермаймиз.
Бино қурамиз, таълим бермаймиз.
Намоз ўқиймиз, тақво қилмаймиз.
Ишлаймиз, мукаммал амалга оширмаймиз.
Гапирамиз, рост сўзламаймиз.

Жуброн Халил Жуброн

@IBRATLY