‏رغم الوداع المرّ والواقع الشين
‏وذنوبي اللي كل ليـل اقترفها

‏ودي أشوف شلون ضحكتك هالحين
‏تغيّرت؟ ولّا مثل ما اعرفها؟

‏"يارب تعرفني .. وتعرف نواياي
‏وتعرف جميع ظروفي المُستبده

‏أحيان أصيب الرأي و أضيّع الرأي
‏و احيانًا أفتح باب، و أحيان أسده

‏أحاول أمشي بإتجاهك يا مولاي
‏وتسرقني الأيام في خضم شِده

‏عاملني بلُطفك وعطفك و رجواي
‏ليا انحرف قلبي عن الحق .. رده"

‏"يارب انا عبدك وفي قلبي خشوع
‏و التجي بك كل ما ضاقت وساع السبل

‏كيف يلحقني من الوقت والأيام روع ؟
‏و أنت مدّاتك سحابة، وفزعاتك وَبـل"

‏"تمادت ليلة الفرقى وأنا قلبي ركيك أوتاد
‏تتله لوعة الفرقى وأناجي الصبح ياتيني

‏أنا وشلون أبي أسلى وأعن من السرور جياد
‏ليا شفت المدى هوّد ظلامه بينك وبيني

‏من أوجاع المنافي ماقدرت أجفل ولا أعتاد
‏تبعتك لين ماتهت الطريق وضعت من حيني

‏إذا عتادي وجع غربه، تخيرت القصيد بلاد
‏حبيبي والبلاد اللي بدونك ماتبي عيني

‏تعبت أخالف ظنوني وأشوف الظن بي روّاد
‏تعبت أسأل ورا الدنيا ولا أخذ غير تخميني

‏مشيت ولا معي غير القصايد لا أنجرحت ضماد
‏ورغم أني مشيت بميسم الهجران تكويني

‏وأنا لليوم أبي غفوه مثل غفوة طفل بمهاد
‏قبل يوم الوداع يمرني، والصبح ياتيني"
‏-محمد منيف

‏عودت نفسي ما أتحسف على شي
‏لأن العمر ما يحتمل للحسايف

‏بعيش لحظات الفرح دامني حي
‏وبزرع الضحكه بجرد الشفايف

‏ولا ألحق الشرهات شي ماهو لي
‏ولا عدت اجزع من فراق الولايف

‏إن غاب غالي فالحزن باخذ شوي
‏أيام .. وتروح علومه طرايف

‏موصي قلبي لا شفت الخطا عيّ
‏ اما تعدلها .. أو تصد عايف

‏يا وجودي بس يوم وجيهنا ضحّاكه
‏قبل تطلق هالحياه ظروفها المنفلته

اللي تحط القمر في كفها فـ الظلام
‏تحرق كروت العذارى لابسات العبي

‏والله ما تحتاج حبة خال ولا .. زمام
‏العين تاسع بلد والباقي من الظبي

‏فيه نوع من المراضاة، يبتكرها الشاعر حتّى يطيح الحطب، مطفئًا تأجّج الحزن، وتلألؤ الدمع السيّال. يقول جمال بندر:" ما يليق بخدّك الغضّ دمع الانكسار— دمعك أول دمع يمشي على سطح القمر" ويقول ناصر مناحي أيضًا:" يا بعد من حط في قلبي هداياه وصورّه—وش تبي في الضيق وعيونك خلقها الله وسيعة؟"

العام ذاق القراح من القراهيد
واليوم ضاقت عليه أربع جهاته

‏ياغياث الضوامي والثمام وجرهدي البيد
‏اعذني من جهنم والحشر والموت وكروبه

‏-نايف صقر