Pushaymon 2 Yurib kecha kunduzi sayoq Gohi pand yeb gohida tayoq Qoʻlim sindi baʼzida oyoq Mendan odam chiqmadi Ona Pul odamni uzgartdi rostan Bosh aylanib utdim-ku mastdan Lekin buni qilmadim qasddan Mendan odam chiqmadi Ona Yoshligimda sodda bolaydim…

Pushaymon 2

Yurib kecha kunduzi sayoq
Gohi pand yeb gohida tayoq
Qoʻlim sindi baʼzida oyoq
Mendan odam chiqmadi Ona

Pul odamni uzgartdi rostan
Bosh aylanib utdim-ku mastdan
Lekin buni qilmadim qasddan
Mendan odam chiqmadi Ona

Yoshligimda sodda bolaydim
Gapirsanggiz quloq solaydim
Bugun alam tirnaydi ichim
Mendan odam chiqmadi Ona

Yaxshilardan olmadim oʻrnak
Oʻqimadim aybim shu jindak
Bulganidek gurujda kurmak
Mendan odam chiqmadi Ona

Na bir qizni baxtli qiloldim
Na bir yaxshi oʻgʻil boʻloldim
Shu yoshgacha sizdan pul oldim
Mendan odam chiqmadi Ona

Musofir ham boʻlib oʻymadim
Nafsimga qul boʻlib tuymadim
Topganimni ichdim oʻynadim
Mendan odam chiqmadi Ona

Yana eski ishim boshladim
Moshinni ham urib tashladim
Otamning ham dilin gʻashladim
Mendan odam chiqmadi Ona

✍ Sardor Nazarov

Sardor Nazarov so‘zi
Ulug'bek Karimov musiqasi

SEVAR EDIM SINFDOSHIM

Yetgan edi yoshim go'yo sevgi yoshga ,
Kecha-kunduz hajrida zor kuyar edim .
Ko'nglim tushdi parisifat qalamqoshga ,
Sevar edim sinfdoshim sevar edim .

Yurak yutib yuragimni yorolmasdan ,
Tuyib-tuyib ko'zlariga qarolmasdan .
Tanaffusda yoniga ham borolmasdan ,
Sevar edim sinfdoshim sevar edim .

Go'zallashib borar edi kundan kunga ,
Yigitlarning bari oshiq edi unga .
Javob xati yozar edi bitta menga ,
Sevar edim sinfdoshim sevar edim .

Taqdir ekan ayro tushdi yo'llarimiz ,
Gullamasdan so'ldi sevgi gullarimiz.
Yoshligimiz qumsar hamon dillarimiz ,
Sevar edim sinfdoshim sevar edim .

✍Sardor Nazarov

Oʻgʻli shaharda yashaydigan qishloqdagi Onalarimizni nomidan yozilgan sheʼr

Jonim bolam joning sogʻmi ?
Rasming koʻrdim ozib qobsan,
Ishing qanday, koʻngling chogʻmi?
Tabriklayman moshin opsan!

Oʻzingni ham oʻyla biroz ,
Qorningga ham yeb tur bolam.
Jindakkina bor eʼtiroz ,
Qishloqqa ham keb tur bolam.

Ishga ketib har kun sahar,
Charchatmasin seni shahar .
Tashvish joning siqsa agar ,
Qishloqqa ham keb tur bolam.

Yoshman dunyo kezay deysan,
Goh qarzimni uzay deysan.
Qachon sogʻliq gʻamin yeysan,
Qishloqqa ham keb tur bolam.

Boray desam yoʻl horitar ,
Sogʻinch yomon tez qaritar .
Dildagi darding aritar ,
Qishloqqa ham keb tur bolam .

Mayli ishdan ,,aptiska" ol,
-,,Oʻgʻling qayda"? deyabdi. Chol,
Otangga ham bir quloq sol ,
Qishloqqa ham keb tur bolam.

Umr ham tez utmoqda boq,
Mehmoningmiz kuni sanoq .
Sim qoqmagin darvoza qoq,
Qishloqqa ham keb tur bolam.

Oʻgʻil qizing yayrab ketsin ,
Mazza qilib oʻynab ketsin .
Bu diydorga nima yetsin !?
Qishloqqa ham keb tur bolam.

Kelinni ham sogʻinganmiz,
Ovora boʻp olma jiz-biz.
Uy huvillab qolgan sizsiz,
Qishloqqa ham keb tur bolam.

Opang, singling, ining toʻplay,
Silarni bir oʻzim yoʻqlay.
Oh, boʻylaringdan urgilay,
Qishloqqa ham keb tur bolam.

✍ Sardor Nazarov

✍ Sardor Nazarov
?Goʻzal Yusupova

DOʻST
? Sulaymon Yangiboyev
✍ Sardor Nazarov

✍ Sardor Nazarov she'ri

New premyera ???
GʻIYBATIMNI QILIB YURGANLAR
✍ Sardor Nazarov she'ri

MASHHUR BOʻLIB KETDI

✍? Sardor Nazarov