**بلغت الروح التراقي
كلشي مات و شوگي باقي
عالهجر ما من معين   يا حُسين
ـــــــــــــــــــــــــــــــــــــــــــــــــــــــــــــــــ
آنه وعيني بالسكتة   التحيط بداري يامولاي
نرسم صرنه عالحيطان   ليلية ضعنكم جاي
يفززنا الجفا و نبچيك   بچية ضايع بلا راي
انتَ هناك بس يحسين   حدر ضلعي غربتك هاي

وَ ما هذا عِتابٌ إنَّما أشكي
أليكَ وَ مِن مَرارِ فِراقكُم أَبكي

موعتب بس هذا دمعي
يحجي الك يابوية وضعي
يا مغيثاً يا مُعين   ياحُسين
ـــــــــــــــــــــــــــــــــــــــــــــــــــــــــــــــــ
يا كون الوجع يحسين   يتودالك بمرسال
چا هسه گطعت ممشاك  و تودي عليّ خيال
الحجيته من الجروح هواي بس الماحجيته جبال
صرت اتچّه عالحيطان   لا ضل حيل لا ضل بال

حَنانيكَ بِقلبٍ يشتكي الحُزنا
حنانيك بجفنٍ ما لقى جَفنا

ارحم عيوني و سهرها
العين هم يعطش نظرها
و للعطش انت المعين   ياحُسين
ـــــــــــــــــــــــــــــــــــــــــــــــــــــــــــــــــ
وحقك من گطع ضعنك   يبوية بقيت بين البين
بين شلون بين الليش   بين اليمتى بين الوين
أصد لكل وجه وياك   اخذته ويه الضعن يحسين
وكل واحد دمعته تطيح   چنها تكلي ما ترحين

أَلا يا ضاعِناً بِالعيسِ لا أَدري
أَداري قد خَلت أَم قَد خلى صَدري

آنه ودياري الغريبة
ثننينا نعيش المصيبة
يارحيماً يا حنين    ياحُسين
ـــــــــــــــــــــــــــــــــــــــــــــــــــــــــــــــــ
غربة و دارك بلا صوت  وخوف بكل كتر ممتد
يبوية و الصغير يخاف  لو ليل المصايب هد
صحت بصوت بوية حسين بوية حسين صوتي رد
ينعد العمر وياك    و بلياك ما ينعد

أَلا يا والدي في مَدمعي أُنْسَي
اذا ما شَرقّت او غَربّت شَمسٍي

ظلمة من دونك نهاري
و گبر يصبح ليَّ داري
بحالي ما ترضى يقين   يا حُسين
ـــــــــــــــــــــــــــــــــــــــــــــــــــــــــــــــــ
وحد كلشي صار وياك   طيوفك حيرة وحدها
انا الما تدري يمتى تنام   وطيفك ما يكعدها
ليا حد بالحلم عطشان   وخيامك ماي ماعدها
ليا حد زينبك بالخوف   تلوذ اطفالك بسدها

أَما واللّٰهِ إِنَّ القَلب مَكمودُ
رُقيتي خولتي يا عَمتي عودوا

هذا داري الكم فرشته
ردوا خل ترد بسمته
يهلي ليش مغربين !!   يا حُسين
ـــــــــــــــــــــــــــــــــــــــــــــــــــــــــــــــــ
- بلغت الروح التراقي
- الرادود : محمد الباقر الخاقاني
- الشاعر : ميرزا عادل الاشكناني**

@MuhammadBaqerAlKhaqani

أسـعد الله أيامكم بذكرى مولد الإمام الحجة ابن الحسن الولي الصالح والخلف المنتظر صاحب الامر والزمان المهدي عجل الله تعالى فرجه الشريف .."

**الحُبُّ أنتَ و لو لا   أنتَ ما الحُبُّ
لكُل قَلبٍ حُسينٌ   أنكَ القلبُ
مالي سِواكَ فرفقاً   حاجة القربُ
واللّٰهِ وحدكَ صدقٌ   غيرُكَ الكِذبُ

مَعَ الهِلالِ تراني   يا أبىٰ الأكبر
بين المأتِمِ أسَعىٰ   خادِماً أصغر
أهل الهِيامِ بِوَهمٍ  حُبَهم يسخَر
أما حَقيقةُ عِشقي   لَكنَةُ المَنبر

وَقِع لِألبسَ حُسناً   ثَوبيَ الأَسوَد
كما العَليلةِ قلبي    خُذهُ كَيّ يَشهَد
لَو لَمحةً صِرتُ فِيها   للقَنىٰ تُقصَد
لِكَربلائِكَ رُوحي    عٌندَها تَصعَد

صَيَّرتَها بالرُوحَ روُحْ
مُذ شِئتَ للطَفِ أَروحْ
نادَيتُ بَينَ الحَرَمينْ
إَنِي دَخيلُكَ يا حُسَينْ ... (٢)
ـــــــــــــــــــــــــــــــــــــــــــــــــــــــــــــــــ

يا عُمدَتيِ و أعتِماديِ   موإلي ذُخري
يا عِصمَتي و إَعتِصامي   عَزمَتي صَبري
يا نَصرَتي و إنتِصاري   سؤدَدِي قَدرِي
شَعائِري وَ شعُوري    أنتَ يا شِعرِي

أُم البَنينَ دَعتنِي  في ضُحىٰ العاشِر
قُمْ للوَراءِ كَبِشرٍ   ناعِياً شاعِر
وَالصَدرَ مِنكَ سَقتهُ  رَكلةُ الحافِرْ

كَمُسلِم إبنَ عَقيلٍ   بِتُ في غُربَه
مالي أنيسٌ سوىٰ من   كَربَلاء تُربَه
وَ فيِ ضُلوعِي حَبيبٌ   مُغرِمٌ حُبَه
يَبكِي لَبنتِ عَليٍ         تَنزِلُ الخِربَه 💔

آهٌ مَليكاتُ السَماء
تُدعَىٰ مَمالِكَ السِباء
أُعميَ عَليهَا المُقلَتَين
إَنِي دَخيلُكَ يا حُسَينْ ... (٢)
ـــــــــــــــــــــــــــــــــــــــــــــــــــــــــــــــــ

يا مالِكً مُلكَ جُرحِي   أنتَ مَنْ يَدري
خُذنِي ذَبيحَ النَواعِي  يا أَبىٰ النَحرِ
لو لا لَيالِيكَ ضاعَتْ    سورةَ الفَجرِ
عَشرٌ ولكِن أَراها        عِشرةَ العُمرِ

عَباسُ يَكسُر ظَهرِي   لَيلَةَ السابِعْ
أراكَ أبيضَ شَعرً       لِلخِبىٰ راجِع
و قاسِمُ القَلبِ مُلقاً   للرَدىٰ جارِعْ
فأقبِل عُيونِيَ شَمعاً   ذائِباً دامِعْ

أُشدد عِناقَ قَصيدٍ  عَنكِ لَم يَجنَح
عَليَّ عادَ عَليٍ       فِي الدِماء يَطفَح
أَرفَع بِكَفيَ رَضيعَاً   للسَماء لَوَّحْ
مِن بَعدهِ سوفَ تَعلو   حُمرةَ المَذبَـح

يا حُمرَةٌ فَوقَ الغُروبْ
في حُزنِها الدَهرُ يَذُوبْ
هَذا هتافُ الخافِقيَن
إَنِي دَخيلُكَ يا حُسَينْ ... (٢)**
ـــــــــــــــــــــــــــــــــــــــــــــــــــــــــــــــــ

- الحُبُّ أَنت || المُلا محمد الباقر الخاقاني
علي عسيلي العاملي
هيئة غريب طوس / البصرة

@MuhammadBaqerAlKhaqani

كُل عام ونحن وإياكم الى الحُسين "ع" أقرب و أقرب أللهم أجعلنا من المخلصين لهُ والثابتين على نهجة ..

ـــــــــــــــــــــــــــــــــــــــــــــــــــــــــ
? القصيدة:كَربلا
? أداء:محمّدبَاقِر الخَاقانيّ
? كلمات: ابو محمّد الزبيدي
ـــــــــــــــــــــــــــــــــــــــــــــــــــــــــ
كَربله.. چان إسمها بساق عَرش الله الجَليل
كَربله.. بيها زينب شَايلة الصبر الجَميل
بين عَرش الله ودمع زينب مَقام
ما يُعرفه المّا فِهم حرگ الخِيام !
ـــــــــــــــــــــــــــــــــــــــــــــــــــــــــ
هَاي صورة تِعلّم الناس الصَبر
بلوح تَكوين الزَمن خطها القَلم
بيها بِيض سيوف وسِهام وسُمر
بيها نار وعُطش واطفال وخِيم
كَربله توزّع عَلىٰ الوادم عُمر
حُصّة ياخذ كِلمن لـ طَفّها إفتهم
لَسّه مِن عيون زينب تعتذر
لإن قِبلت يِفطر النعمة السَهم
كَربله.. مِن بخت زينب صُفت گاع النعيم
كَربله.. حافي طبّها بِلا نعل مُوسىٰ الكليم
بيها مُوسىٰ نَاجىٰ رَبّه والكلام
ما يُعرفه المّا فِهم حرگ الخِيام  !
ـــــــــــــــــــــــــــــــــــــــــــــــــــــــــ
مو عَجيبة عيون وادي الطَف بچن
دموع سَاق العرش ع الطَف تِنهمل
ما وراء الحِزن والهَم والمِحن
إنسان مذبوح وزِمانه يِضلّ عَدل
حسين بالدَم حوّل الغُربة وطن !
والدَليل هِناك مِن جَابوا هِزل
إحساس ماي تشيل جَمرات الظعن
وطِفل بالطف واگف يشجّع طِفل
كَربله.. طِفلة بين دِموعها دَمع اُمهات
كَربله.. العُطش بيها تِروّه مِن ماي الحَياة
طِفل حَب عمّه وصُبح حُب العَمام
ما يُعرفه المّا فِهم حرگ الخِيام  !
ـــــــــــــــــــــــــــــــــــــــــــــــــــــــــ
بين دَمعة زينب ودَمعة الكُون
نُعرف إحنا تشيل زينب يا صَبر
وگفت شِلون الهَوا المّا عنده لون
النار هدّت حِيلها ومَا تنكسر
لبست إعله ثيابها ثياب المَنون
يِموت ثُوب الستر هَم يطلع ستر
شَالت الخيمة صور فوگ المتون
حَتّىٰ فَيّ تصير بدروب اليُسر
كَربله.. شربت مِن دموع زينب واليريد
كَربله.. خَل يُقرّ گبالها إقرار العَبيد
نسلّم إعليها ونحس هَـٰذا السَلام
ما يُعرفه المّا فِهم حرگ الخِيام  !
ـــــــــــــــــــــــــــــــــــــــــــــــــــــــــ
چان بالطَف مو نَحِس ماي الفُرات !
غيم يُرفع لو عُطش وَجه السِمه
لَچن ما حَن عَ الشِفاه الذابلات
وخَلّه بصمة بچبد مُهجة فَاطِمة
حسين يعطش والنَهر ضاگ الممات
والزَمن ضَم سيرته بجرف الضِمه
يَعني زينب بالعطش تشرب حَياة
مِن يشوف الظَعن بيها مخيّمه
ـــــــــــــــــــــــــــــــــــــــــــــــــــــــــ
@MuhammadBaqerAlKhaqani

ــــــــــــــــــــــــــــــــــــــــــــــــــــــــ
? القَصيدة: نِعمَ الاخ المُواسي
? أداء:مُحمّد بَاقِر الخَاقانيّ
? كلمات:ميرزا عَادِل اشكناني
ــــــــــــــــــــــــــــــــــــــــــــــــــــــــ
اشهدُ أنّك قد بذَلتَ غايةَ المجهود
ــــــــــــــــــــــــــــــــــــــــــــــــــــــــ
مِنهو إلي مِثلك يا عَضيد مأدّي دوره؟
وإعله الشَمس مِن غيرته يوزّع حروره
يا نُور عين الي إخسفوا بالعَمد نوره
وبليلة الجُمعة تجي الزَهرة تزوره
لا شَك تِجي الوِديعة.. مِن طيبة للشريعة
تشهد الزَهرة وقبلها گلّك ربّك المعبود
اشهدُ أنّك قد بذَلتَ غايةَ المجهود
ــــــــــــــــــــــــــــــــــــــــــــــــــــــــ
مَضرب مَثل للخوّة صرت بكل الازمان
والقُصّة ب إسمك تبدي گبل الكان ما كان
غيرك إذا ينطيني إصبع تِنطي ذرعان
الإخوان لو مو هيچي ما تنراد الاخوان
عَفية الاخو المُحامي.. بيّض وجه عَمامي
الله منطيك الشَفاعة يا مَن مِنطي الله زنود
اشهدُ أنّك قد بذَلتَ غايةَ المجهود
ــــــــــــــــــــــــــــــــــــــــــــــــــــــــ
نهر الفُرات بفِعلك احتار وتعجّب
يابو البَصيرة الميّز الواجب والاوجب
عِند البشر قانون كِلمَن يِضمه يشرب
وقانون جُودك ترتوي مِن تروي زينب
بمُخيّمك عُطاشىٰ.. تشرب يخوية حَاشه !
حَتّىٰ يُوم إلي تبدّه جُودك ضَل يصيح الجُود
اشهدُ أنّك قد بذَلتَ غايةَ المجهود
ــــــــــــــــــــــــــــــــــــــــــــــــــــــــ
يَـ الوگفتك دُون الخِيم سَد الاسكندر
وبخزرتك خَطّيت عدها الخط الاحمر
بزودك ابونا المُرتضىٰ عَ الكون يفخر
مَشكور يَـ الي بموته رافع راس حِيدر
نَادىٰ علي وسِمعته.. شُكراً يَكافل إخته
نخلة نخلة إعله الشريعة گالت وهِيَ ليك شهود
اشهدُ أنّك قد بذَلتَ غايةَ المجهود
ــــــــــــــــــــــــــــــــــــــــــــــــــــــــ
مِن گبل ما احچيها چنت تگلي تم صار
وتِفهم شكو بين السطور بحچيّ الانظار
إنتَ العَلامة بعسكري وصار الذي صار
وبمُوتتك بيّن عَليّ ما عِندي انصار
چَفّك رِفع نِداءه.. لا ما وگع لِواءه
ومِن تطبّر عَ الشريعة راسك صَاحك العامود
اشهدُ أنّك قد بذَلتَ غايةَ المجهود
ــــــــــــــــــــــــــــــــــــــــــــــــــــــــ
@MuhammadBaqerAlKhaqani

على حب سيد الشهداء (ع)

لله نور جانب النهر تجلى
مذ سلم العباس بالسيف وصلى
بدر توارى بالرمال
وذا جمال في جمال
وفيها نور ذي الجلال تجلى
بدر توارى بالرمال
وذا جمال في جمال
وفيها نور ذي الجلال تجلى
بارينا كان من الازل اعظم واعز واكرم واجل
من ان يحيطون بزمن او ان يحدونه بمحل
لكن تجلى بكربله النور التجلى للجبل
محظر جماله ورحمته من يسكي الاطفال
ومظهره جلاله ونقمته من يفني الابطال
مثل صفات الله الذي ليس له مثل
مثل النسيم على الخيم لاجنه لو رايد يكر
جن ريح صرصر عاتيه في يوم نحس مستمر
بطشه شديد على كفر وشكد رحيم على خدر
مثلت صفات الله الذي ليس له مثل
سبحان من عز فلا عبن تراهُ
وقد اتئ العباس كي نعلم ماهو
عبد الاله المتعال
سما فجسد الكمال
وفيه نور ذي الجلال تجلى
بدر توارى بالرمال
وذا جمال في جمال
وفيه نور ذي الجلال تجلى
...........................
سر الله بالغيب انستر حدما تجلى على النهر
وبكلبه من صابه السهم سالت مناجاة السحر
وزينب تعنتله شمس لاجنها مكسورة ظهر
وتنادي وين اتوسدت يانور العيون
يتلاكن ويا للعجب يتلاكن شلون
ولا الشمس ينبغي له ان تدرك القمر
جمرة الغير على النهر وام العفاف الزيني
من حكها تمشيله وهو الكاللها كومي بشاربي
ودار الفلك بس بالعكس شطلع بهليل الشمس
ولا الشمس ينبغي له ان تدرك القمر
عنك سنمضي للسبا ياغضبة الله
وهون الخطب بان نسبى بمراه
خدر على عجف الجمال
يطوي سهول وجبال
وفيه نور ذي الجلال تجلى
بدر توارى بالرمال
وذا جمال في جمال
وفيه نور ذي جلال تجلى
...........................
من المهر لمن هوى ناحت عليه ال قل هو
ما ادري بجروح الكمر تنزف دما والا ضوه
وشنهو اللي طايح عالنهر كلب اخته لو هذا اللوا
هب ريح وجربته باجتافه غيمه
وبجوده يترس ماي لو حلم اليتيمة
وتالي تبدت جربته وحلم طفل سوا
لمن تعنى العلكمي ارتفعت بشاير بالخيم
وعيون عبدالله تميل اشما غد يميل العلم
ضن يرتوي من جربته والسهم خيب حسبته
وتالي تبدت جربته والحلم طفل سوا
حكى السخه جوده كما وكيفا
ما رد ضيفا مذ اتاه السهم ضيفا
في قلبه غر خصال
فيه نبال ونبال
وفيه نور ذي جلال تجلى
بدر توارى بالرمال
وذا جمال في جمال
وفيه نور ذي الجلال تجلى
..............................
العباس مراة العقل يعكس فضل رب الفضل
بالسيف لو راسه انفصل الغيره البيه ما تنفصل
جسمه بقه بجنب النهر والراس راح ويه الهزل
امر الكفاله والخدر ما لحظة فاته
ميت لجن راسه مشه يباري خواته
ويعين زينب بالسفر من يثكل الحمل
راسه ويه راس حسين اخوه ولسن كلبها واطمئن
والراس يوكف علرمح لو طفل طاح من الضعن
راس الاخو مثل الجسد بي تنتخي وكت الشدد
ويعين زينب بالسفر من يثكل الحمل
من كربلاء راسه للشام سارا
فوق الرماح ساهراً يرعى الاسارى
حامل للربات الحجال
ذا راسه فوق النصال
وفيه نور ذي الجلال تجلى
قمر بني هاشم مولاييي
شاعرها/ميرزا عادل الاشكناني

@MuhammadBaqerAlKhaqani

اسجل بالاسامي وبالي يمها
ضليت اكتب وامسح باسمها
مكتوب تبلل من كد ما اوده
دمع اتكلي اخذها... ودمع اتكلي ردها
..........
سجلت اسامي القافلة بشفافي شد حيله الضما
غارك بشط المستحى ساعدني يارب السما
كلما نويت اكتب اسم اترك فراغ لفاطمة
ما حاسبها ما حاسبها
بس حتى اخفي جروحي وتعبي
وبخير يضل ايدك كلبي وارحم روحي
كلت اكتبها.... بضلام
شلون اجرحها محتاجتني بهاي الشده
ومتوقعه تمشي اول وحده
وليش من المكتوب امسحه.....حرام
اكثر منها محتار بقراري
كعدت بوحدي واعلنت انكساري
مجروح علطولي بيش جروحي اشدها
دمعه اتكلي اخذها..... ودمعه اتكلي ردها
مكتوب تبلل من كد ما اودها
......................
الما بجن بس على الضلع بهذا القرار شكد بجن
لخاطرها حالف ما اصد مرتين لاسماء المشن
عيوني واسمها المنحذف اول خسارات الظعن
شغلت بالي.....
شغلت بالي......
التبجي وتدعي من تصلي
خاف بذاك الليل تكلي
اشر على هودج مالي وانوح
وشحجي وياها....
من تكود ايدي وتاخذني
للميمون وتطلب مني
ويه هدومي تحط دواها ...وتروح
عشتها الليله كتاله وثجيله
والله يساعد عليها العليله
بسم الفركه خايف..... يتكطع جبدها
دمعه اتكلي اخذها....ودمعه اتكلي ردها
مكتوب تبلل من كد ما اودها
........................
تقويت بس وين الكلب اليكدر يكلها بهالخبر
الخافية اوجاع المرض والما شكتلي من شهر
بيا عين اصارحها واجي احرمها من هذا السفر
حرب الخاطر ....
خلتني اتلفت بمجاني
ومصوب ما بين اخواني
وبداري اصرخ هل من ناصر .....عذاب
ياهو يحلها...
هاشم ياهو يروح عليها
ويكعد عالروحه يحاجيها
ماترحين ويانا يكلها ...مصاب
العليها يبجي ابو فاضل لكيته
منيتي بيده ياخذها ومنيته
ياعيني عليها.....لعتبة بابي حدها
دمعه تكلي اخذها....ودمعه تكلي ردها
مكتوب تبلل من كد ما اودها
.................
ومن ردت اصعد العايله كلساع تتلفت علي
سكتت وللاكبر مشت كالتله جا وانا يخي
تشهد عليه رجفات ادي لو بيدي اصعدها بدي
ما كتلها...
الراحت عمدا شالت ثوبي
وجانت متامله بمكتوبي
هي اخر وحدها مسجلها.......بجيت
شكد مجروحة ....
وتركب رادت ويه ضعوني
بس من شافت جرح اعيوني
مافتحت موضوع الروحه....المميت
لمحتها دخلت لحجرتها سكتة
وكلت من حقها خاطرها كسرته
كل ضني اهضمتها....وراحت تنخه جدها
دمعه اتكلي اخذها....ودمعه اتكلي ردها
...........
بحجرتها من اتاخرت بالخوف دلالي انسبه
توني احرك بالضعن وطلعت ركض متحجبه
جابتلي ماي لناكتي وكالتلي اشرب يا ابه
لتهم بيه....
ولتنزل عينك كدامي
حسيتك تعبان وضامي
هاك اشرب من اديه اميه ....حسين
ولا تتعذر....
رايك عدي اغلى من دموعي
وانته اعرف بويه بموضوعي
وبخير يظل يدك كلبي....حسين
مريضه ورفعت النا اثنين اديها
لصحاري الكوفه واتلفت عليها
ايامي العشتها........وياها شيردها
دمعه اتكلي اخذها ......ودمعه اتكلي ردها
مكتوب تبلل من كد ما اودها

@MuhammadBaqerAlKhaqani

ــــــــــــــــــــــــــــــــــــــــــــــــــــــــ
? القصيدة:طلع بظعنه الغريب
? أداء:محمد باقر الخاقاني
? كلمات:أحمد الهلباوي
ــــــــــــــــــــــــــــــــــــــــــــــــــــــــ
طلع بظعنه الغريب وعرج بحسره ونحيب
على قبر ام الحسن
خله خده عالضريح وينعى ودموع تصيح
لا أمان لهالزمن

يمه... وانا رايح ولطف كربله نيتي
ماخذ كل اهل بيتي ادري تدور الايام
يمه... وانا رايح رفعي ﭼفـﭼ ادعيلي
من اوگع اشد حيلي وانهض واحمي الخيام

ييمه وجاي اودعـﭼ خاف ما رد للمدينة اردود
ادعيلي بظهر عاشور ما اطيح اويه ماي الجود
اخاف مدللاتي تضيع ويعيشن ليالي السود

ظعن مجبل عالديره... اهله تحزمت ضده
ظعن سيد العشيرة... نازح عن وطن جده
ــــــــــــــــــــــــــــــــــــــــــــــــــــــــ
منكسر ظعن الدلال و نزلن دموع الجمال
وصاح ابو اليمه بقهر
يمه عنﭼ راح اروح لكربله عين الجروح
وغربة الماله ظهر

يمه... والي بيها حيرة تعطش عيوني
طيحه تغرب ظعوني وانا موسد الگاع
يمه... والي بيه صوت وركضة لعضيدي
گوم انهض يحيل أيدي والگه حسينك الضاع

ضاگت يمه واحتاريت اروح بها الظعن لا وين
ماكو ديرة بيه نعيش كلها بدمنا تطلب دين
باﭼـر راح كله تصيح اطلعوهن خوات حسين

ظعن حاير بمصيره... كل خطوة جرح عنده
ظعن سيد العشيرة... نازح عن وطن جده
ــــــــــــــــــــــــــــــــــــــــــــــــــــــــ
رحلة تجرح كل ضمير حزن ابو اليمه الﭼـبير
رايح لديرة عطش
تسلبه ﭼفوف الحرام وظعنه يبقى بلا خيام
وينسبي فجر اهدعش

يمه...يگله وينـﭼ افتحي گبرج اخذيني
صعب انظر صواويني.. الظهر تاكلهن النار
يمه... يگله وينـﭼ الهجري ينشف لهاتي
واصد ركظت عزيزاتي... وحدرهن شوك واحجار

ييمه اخذيني يمـﭼ ريت من ضيم الزمان ارتاح
بالطف لو وسادة تراب لو اغفه عالسن ارماح
وبناتي من انذبح عالنوگ يظعن بيهن الذباح

ظعن بت على الأميرة... يظل لوحدة شدة
ظعن سيد العشيرة... نازح عن وطن جده
ــــــــــــــــــــــــــــــــــــــــــــــــــــــــ
راحل وحزنه متاع ومن تناهيد الوداع
هو محني عالقبر
گلها باﭼـر بالطفوف غربتي فگد الﭼـفوف
وعالصواوين انكسر

يمه... وعگب اخوتي احير بروحي وخيامي
واحس يموتن اجدامي لان ما يمي عباس
يمه... وعگب اخوتي تشمت بيه عدواني
واحس دموعي برداني واصيرن ابيض الراس

واطيح من المهر والگوم تحرگ للخدر صيوان
عنﭼ راح اروحن شاب واموت مشيب وحزنان
عنﭼ راح اروح اسمي الحسين باﭼـر العطشان

ظعن رحلة الأخيرة... دمع مسبية يتبده
ظعن سيد العشيرة... نازح عن وطن جده
ــــــــــــــــــــــــــــــــــــــــــــــــــــــــ

@MuhammadBaqerAlKhaqani