ياعلي… يابا الحسن

النّاوي اعله وصفك صــــــدگ آيّسته
ولمـدلك اجفــــوفه تنطي ما شئته
وابو لســان السليط البــــاشط الحـاد
يرد بالع لسـانه وحلگـــــه خيطته
وابو الفطره السليمه لحبـك بلاشوف
يغـــــرد بسمك بألحــــان عاطفته
نجيك ابلا وعي هيـــچ ليوصفك كون
ويكتبهــــا بدمع عـــالباب سالفته
مو قصـــــد المذله الله رايد هيـچ
مــــــن باب العجز تنعرف منزلته

وبس الله وطه ايعرفونه

يامولاي ياعلي يامولاي
يامولاي ياعلي يامولاي

رفعة الجف الألك مقصوده
مــن الله يابالحسن معهوده
ســر الغدير بجفك الطاهر
ولي يبـــــايع طهر مولوده

طُهـرَ الكـون بهِ
فغدا حلــوًٌ بهي
لا ولــي الا هــوَ
انه المولى علـيّ

جُعلَ الغديـر
يـومَ المصير
واللهُ قــــرر
ان الاميــــر
بعــد البشير
مولانا حيـدر

يامولاي ياعلي يامولاي
يامولاي ياعلي يامولاي

ـــــــــــــــــــ

رفعة الايد البـــاري شرعها
يذكر النــــاس نوب يقنعها
خافن نســوها الله ما ينسه
من گله خيبـر ياعلي اقلعها

فغدا صوت الزمن
قْمْ يـا ابا الحسن
كـــانت كُنتَ لها
سِر وفـــي العلن

أُمــــرةَ العبــاد
جــــــائت تُقاد
وبـــــهِ تـــزينت
فـألى الـمِعـــاد
طَلبُ الـــــرشاد
مِن هُنا قد اعلِنت

يامولاي ياعلي يامولاي
يامولاي ياعلي يامولاي

ـــــــــــــــــــ

تنــرفع هالجف حان موعدها
غيــر الصميده الوادم اشعدها
اول امــــس مـن عُبر للخندق
ياهو الي جـاوب عَمّر ابن ودها

فلــهُ اذ انبـــرى
حيدرٌ من حيدرا
اســــدُ اللهِ نعم
هادياً الـى الـورى

شرطَ القبول
وبهِ الوصـول
لله يبقــــى
علةَ الوجـود
ولهُ نَعـــــود
حــقً وصدقا

يامولاي ياعلي يامولاي
يامولاي ياعلي يامولاي

ـــــــــــــــــــ

جف العـــزيز ورفع جف غالي
هذا الاميــــــــر الاولي التالي
والاعلى يأمـــــر يرتفع جفه
حته يضل جـــف العلي عالي

عالياً منـذُ الازل
حُبُهُ خيرِ العمل
نعمـــةُ اللهِ اتم
بـهِ والدينُ كَمَل

عيدُ الــــــوِلاء
والـــــــربُ شاء
تُعلن المبـايعه
فعلــى النـداء
ارضٌ سمـــــاء
نّتَهَتِ المرافعه

يامولاي ياعلي يامولاي
يامولاي ياعلي يامولاي
ـــــــــــــــــــ

عيد الله الاكبر

ميثاق المالكي

علي ..اسمـــك امامي
علي .. ملــح الاسامي ـ ـ ـ علي

ما خِله مــــن ابيوتنه ولا ما تركناه
عالم يذبنه اعله عالم بس حفظناه
وراهنونه وتشهد الــدنيه شحچيناه
اشهدُ أنَ علــــــــيً ولــــــــيُ الله

علي .. شگـد راهنونه
علي .. ويسمك لگونه
ليصرخ غرامي ـ ـ ـ علي

ـــــــــــــــــ

من الطفـوله نگول بسمـك للكهوله
ومدري شنهي يصير بينه من نگوله
ياعلي السـر للشهـــــامه والرجوله
لمالفظ اسمك يمــــوت إبلا بطوله

علي .. حرورة دمانه
علي .. رفعـة لوانه
سور ومحامي ـ ـ ـ علي

ـــــــــــــــــ

لــو الف مـــولود گـال احسين اليه
غيـــــر اسمك مايّصير ابـداً سَميّه
وأحنه واسمك والزمن سيف وهــويه
أنـــذبحنه ويــاعلي اتْحلّي المنيه

علي .. هواي أنذبحنه
علي .. بسمك صدحنه
وخضنه المرامي ـ ـ ـ علي
ـــــــــــــــــ

سيدي نحبك وتعبيــر اعله حُبنه
هواي اسامي لچن بس اسمك جذبنه
لشايل اسمك على اولادك سمه ابنه
ويـرجع يسمي اعله اسمك ابن ابنه

علي .. شمحله حروفك
علي .. لبيهــن نشوفك
يابــو الكــرامي ـ ـ ـ علي
ـــــــــــــــــ

دنيـــه والبيها طبيعي شأنه يقـدم
وهذا قـــــانون لعله اسمك ماتحتم
حي بقه وســر الحياة وهوى لينشم
سـر عجيب ومن طبع لسرار تنضم

علي .. ســــرك الهـي
علي .. وحگنه التباهي
ابــدي وختامي ـ ـ ـ علي

ـــــــــــــــــ

ميثاق المالكي

الباري يعلم حيث يــــوضع الاسرار
ويدري الرسـاله بأي صدر ما تنحط

لمـــو فاطمه امـــه ولا اصله النور
لا يـــدعي ويصّـــــــده لا يتورط

ثكيله وتريد لمن علي عنده امتون
ما يـــرهم لمن طاري خيبر يفحط

وگـــــدام جيش اللسن فقار يصير
وعمــر بن ودهم يـرد حلگه مخيط

وما تعترف والعمــــر حسبة ارقام
وچبيرهم شـــــــايل علم لمگمط

وسلسله احچايتهـم ورث نفس اللون
مـن ذهب صـــافي بغيره ما تتنقط

ادخيل الجواد المنهم ابخمس اسنين
حيـد الحچي گدامه وضعه تخربط

وجدهم محمــد والاسم يكفي بهاي
أولهــم لاخـــر اســـم للأوســــط

ومن بيتهـــــم للعرش ممتد الخير
والفقـــــره بين اجفوفهم تتوسط

ولزم غيـــــــر ابوابهم ظل للدوم
سعفـــه ويكل ريح التجي يترهوط

ميثاق المالكي

احنه بخــــدمتچ نرقه
ونلـزم عـــــروة الوثقه
عهـد وبهالعهـــــد نبقه..يمولاتي
وحگنه اعله الخلگ نفخر
ليخــدم لِطُهــــر يطهر
وبـــس ليخـــدمچ يكبر .. يمولاتي

ومــو منه ومنعرفه لعالغير اتّكل
لما يبـدي من ايامچ تايه ما وصل
يابضعة مرسول ويـاكفؤ والوصي
وأم الخير واصله يـا خيـر العمل

يافاطمه .. صدقينه ..يافاطمه
يافاطمه .. لحقينـه ..يافاطمه
ــــــــــــــــــــ

الچ مـــا تحتـوي الكلمه
يرحمه وام بني الرحمه
فقـــط وفقينه للخدمه.. يمولاتي
واحنــه لخدمتچ نطلُب
وخلها تشـــــرق اتغرُب
بس انتي الصــــدگ ولُب ..يمولاتي

ونتي الي اتصدقينه يابخته وعبر
ولــي متلحقينه زل جدمه وخسر
يــا وجه الله وبابه لمو منـچ دخل
باب لمفتـــوحتله بس باب السقر

يافاطمه .. قبلينــه .. يافاطمه
يافاطمه .. لحقينـه .. يافاطمه
ــــــــــــــــــــ

تجينه ايــــامچ ونهتم
بمـلامحنه غـده المأتم
الحزن يتماشه ويه الدم ..يمولاتي
الو إن تهضمنه تكسرنه
عصــــرة موت تعصرنه
نحسهــــا بكل مشاعرنه ..يمولاتي

ليهـوّن لمصــــابچ من أهل الو إن
لما يدري من أجلچ مخلـوق الحزن
وخنشوف ليشفعله سـاعة ما يجي
وكلشي بكيـف الزهره باچر ينعلن

يافاطمه ..نظرينه .. يافاطمه
يافاطمه .. لحقينـه ..يافاطمه
ــــــــــــــــــــ

ليدگ بخدمتچ ينبض❤️
ورافض غيرچ ويرفض
وغيـر اسمائچ شنلفظ..يمولاتي
وغاية خـــدمتچ غايه
عشيرة ونعمــه وولايه
ورفعنه للحــــزن رايه..يمولاتي

من فاضل طينتكم حــــزنچ منبعه
ومِستودِع كل طاهـــر طيـب مرضعه
ونحچيها وخالتعلم كــــل هاي البشر
وين يـــروح مــن الله لبــابچ دافعه

يافاطمه ..تدرينه .. يافاطمه
يافاطمه .. لحقينـه..يافاطمه
ــــــــــــــــــــ

حسن العـاقبه نخدمچ
ونضج و نلهج بأسمـــچ
خصمنه ونلعن لخصمچ ..يمولاتي
النجاة انتي وسراط الرب
وفـــاز لبسمــچ اتقرب
ليعوفچ هـــــذا لتغرب.. يمولاتي

ونتوسل نضل بسمچ يا ام الحسن
بلا خدمتكم غربه لا فَيّ لا وطن
نحيه نموت بظلكم أجمل عاقبه
وما تسوه بلياكم لـــو جنة عدن

يافاطمه ..ثبتينه .. يافاطمه
يافاطمه .. لحقينـه..يافاطمه

ميثاق المالكي ??

علـــ?ـــــي

هـــــاي الصعبه هاي لما گدرها
لجفــي نـــــازع الموت بأثرها
يغسـل فـــاطمه ومر بكســرها
ويموت الي لزم ضلع الـــزجيه

علـــ?ـــــي

ماصارت لچــــــــن سواها دهري
نكسرت وحــايط ليلزملي ظهري
ويمــاي المغتسـل بديته عمري
وجفي وعمري بحضـــان المنيه

علـــ?ـــــي

صحت غيـــري لنعشها ماكو شيال
وعله ام بيتي العزيزه يلوگ الاهدال
ويا مثگل حزنها لصـــــارت خيال
واول مــــــــره جفي يخون بيه

علـــ?ـــــي

امد جفي ويرد وانه ادري معذور
صعب مرتين يلزم ضلع مكسور
لما واحــد گدرله صبح مگدور
وصار لحـــزن فاطمتي ضحيه

علـــ?ـــــي

احشم وليحشـــم صدگ معتاز
لروحي رايد ولُم روحي جناز
حـــگ جفه يبيّد لفارگ اعزاز
وعزيزه فاطمه وغاليتي هيه

علـــ?ـــــي

بالعــــونه نعشها شالتــه متون
وهضمها هواي بس قله ليشيعون
ويــاجف للگبر من تحفر شلون
حيــره بلا جــــواب يرد عليه

علـــ?ـــــي

ميثاق المالكي

زواج النور بالنور
من وزن النصاري
شعر.. دكتور كاظم المعقلي
♕♕♕♕♕♕♕♕♕♕♕♕♕
فرح عالعالم ايدور
زواج النور بالنور
الدره للولي
بت النبي لعلي
زواج النور بالنور
♕♡♕♡♕♡♕♡♕♡♕♡
زواج وخططه الباري ابندائه.. ندائه
زواج وباركه الهادي ابدعائه.. دعائه
عقد مو بالارض صار ابسمائه.. سمائه
شهود اهل العرش تشهد بنائه..بنائه
عقد مامنه موجود
عهد من ربنا معهود
يدنيا هلهلي
بت النبي لعلي
زواج النور بالنور
♕♡♕♡♕♡♕♡♕♡♕♡
العلي اختار لعلي فاطم هديه..هديه
لأن ماصح كفو لجل الزچيه.. زچيه
رِسَل مرساله مبعوث لنبيه.. نبيه
يزوج النور الى النور ابوصيه.. وصيه
نزل للهادي جبريل
سلام من الله تبجيل
امر واضح جلي
بت النبي لعلي
زواج النور بالنور
♕♡♕♡♕♡♕♡♕♡♕♡
نزل جبريل اله ايخصه ابسلامه. سلامه
نزل للمصطفى وعظّم مقامه.. مقامه
نقل للهادي امر الله وكلامه.. كلامه
أمر جَمْع النبوه اويه الامامه.. امامه
عِقَدهم ربك وفوگ
بصمها او سد الحلوگ
بلي انختمت بلي
بت النبي لعلي
زواج النور بالنور
♕♡♕♡♕♡♕♡♕♡♕♡
بصمها الخالق ووقع عليها.. عليها
وثيقه امصدقه لبضعة نبيها.. نبيها
فقط حيدر علي الماصح شَبيهه.. شبيهه
خِيار الله ورسوله وختمه بيها..ختمه بيها
كفو ماكو ابهلوْجود
لِفاطم غيره موجود
فليسمع سائلي
بت النبي لعلي
زواج النور بالنور
♕♡♕♡♕♡♕♡♕♡♕♡
فرح هالليله عدنا ابكل البْلاد.. البْلاد
مِضِوْيه الدنيا كلها وصارت اعياد.. الاعياد
على اعناد اليضدونك على اعناد.. على عناد
نعيّد ضد اليخصك بالاحقاد.. الاحقاد
نعيد كلنا هاليوم
نخلد ذكره للدوم
ابسرور ونعتلي
بت النبي لعلي
زواج النور بالنور
♕♡♕♡♕♡♕♡♕♡♕♡
نهني الليله مهدينا ابهالافراح.. الافراح
هتف شاعرنا بسمه وغنى مداح.. يمداح
لبسنا امن الفرح هالليله الوشاح.. الوشاح
هتف صوت الفرح بالدنيا صداح.. يصداح
قرايحنا الهُم اتجود
نسوي الليله مولود
نقهرك عاذلي
بت النبي لعلي
زواج النور بالنور
♕♡♕♡♕♡♕♡♕♡♕♡
19/6/2023
30 ذي الحجه 1444هـ