قناة سيد علي الموسوي لخدمة الثقلين
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 8 Monate her
Last updated 2 Monate, 2 Wochen her
نعي،،،
سيد علي النويني
ياكلبي شيرد المشو ماينحمل فركاهم
لاهمه ذكروني واجو لانه المشيت وياهم
ياكلبي ماعندي عيون لو هسه ليه يردون
لو تسكت وتنساهم لو تسكت وتنساهم
⚘⚘⚘⚘⚘⚘⚘⚘⚘⚘⚘⚘⚘⚘⚘
ياكلبي انه اتعودت عمري اعله هذا التعويد
لو صار الغروب واجه غير الاحبهم ماريد
شما زادت ايام الجفه النار بضلوعي تزيد
ياكلبي شتفيد الصور مادام راعيها بعيد
امشب واكوما كوة اهل الرفاكة الحلوة
ياحسرتي لملكاهم لو تسكت وتنساهم
⚘⚘⚘⚘⚘⚘⚘⚘⚘⚘⚘⚘⚘⚘⚘
جانت رسايلهم دوة بنص الكلب مضمومه
شمسويه روحي بيا ذنب منهم تضل محرومه
شمسوي ليضيع اهل خايف الناس تلومه
غالي اليغيب ومايرد تحرك الروح اهدومه
كل ماانام اشتمهن ماينشبع من عدهن
ماينكطع فركاهم لو تسكت وتنساهم
⚘⚘⚘⚘⚘⚘⚘⚘⚘⚘⚘⚘⚘⚘⚘
ياكلبي كافي تعذبت كل العذاب امنيدك
يالكاعد اكبال الصور كلي الصور شتفيدك
ياكلبي حدك للصبح منه وبعد ماريدك ياكلبي عيدك من اجه خلص مصايب عيدك
كافي العتب تعبني حزني المضيع حزني
طول عليه اجفاهم لو تسكت وتنساهم
⚘⚘⚘⚘⚘⚘⚘⚘⚘⚘⚘⚘⚘⚘⚘
جرح النحبهم لو نزف ياهو اليوكف نزفه
تعذبون روحي بيا ذنب اهل الكلوب الصلفه بليل لو كلبي برد اقرة الرسايل وادفه
من كثر ماكلب تعب صاير ايتيح عرفه
امشي واتيه دربي نصين صاير كلبي
كل الاحبهم ماهم لو تسكت وتنساهم
⚘⚘⚘⚘⚘⚘⚘⚘⚘⚘⚘⚘⚘⚘⚘
الشوك ياكلبي صعب بليل يبدي ويكبر
ياكلبي هذا الليل اجه جا وين رايح تفتر
ياكلبي فدوة استر علي لسوالفك مااكدر
حاجيني شيرد الشمل مني الشمل يطشر
شراد الوكت من عدنه طشر شملنه وضعنه
ماضن بعد نلكاهم لو تسكت وتنساهم
⚘⚘⚘⚘⚘⚘⚘⚘⚘⚘⚘⚘⚘⚘⚘
ياحسرة الضل وحده بطرك الرسايل والهم
ومكابل هدوم المشو بليل بيهم يشتم
الله ياضحكت امس وكت العصر من نلتم
نلاكيهم ونكعد سوة بس بالحلم من نحلم
شراد الوكت من عدنه طشر شملنه وضعنه
وين الوكت وداهم لو تسكت وتنساهم
⚘⚘⚘⚘⚘⚘⚘⚘⚘⚘⚘⚘⚘⚘
الشاعر : علي الشبلي
الكاتب : مله بهاء
#قصیده للاهل (سد باب العتاب)
#کلمات یاسمین الشموسي
بطل محنه یاگلب سد باب العتاب
ماتوا هلک المن بعد امناطر الباب
عمیانه العیون ــــ لا مایردون
❉━━━━❰･❉･❱━━━━❉
بسک یگلبي من الألم اهلک جفوني
راحو ولا نشدوا ابد ما ودعوني
مابین لیله و یومها اهلک نسوني
معذور گلبي لو تحن عل فارگوني
سد باب الضنون ــــ لامایردون
❉━━━━❰･❉･❱━━━━❉
یاگلب بسک والألم یجرح دلیلي
تذبحني لوعات الفجر ویغثني لیلي
لیل وسوالف والبچي واعتاب ویلي
یا گلب تعشگ لیلک الهدالي حیلي
خلهم ینامون ــــ لا مایردون
❉━━━━❰･❉･❱━━━━❉
یاگلبي هلبت بالبچي خاطر کسرنه
راحت اعیوني والبعد یلچم جرحنه
اتراب النجف حار وتغطوا بي اهلنه
یاگلبي بسک لا تحن دایم حزنه
قصباً یجافون ـــ لا ما یردون
❉━━━━❰･❉･❱━━━━❉
شمالک تفرفح یاگلب ماتحمل افراگ
احبابک بعیدین ارحلو موکافي تشتاگ
بطل تحن الهم بعد وتکثر الاشواگ
تتحمل انته الیاوکت والبعد حراگ
هلبت یحنون ــــ لاما یردون
❉━━━━❰･❉･❱━━━━❉
ناموا تره و نوم النجف مامنه رده
یا گلبي بطل والعتب بیبانه سده
والفارگ اعزاز الگلب شدته شده
والدمعه لو تنزل عمر لاما تگعده
حال الیموتون ـــ لا مایردون
❉━━━━❰･❉･❱━━━━❉
تمت بعون الله تعالی
اهدي ثوابها الی جمیع الاموات والی روح جدي المرحوم صافي الشموسي
الوزن الهجري
فاعلاتن فاعلاتن فاعلاتن فاعلات
قصيده اللسيده فاطمه العليله ع
_
مودعين وبل سلامه وداعت الله حبابي
اني من كثر لمصايب راح سدن بابي
_
اه يا ضعن الاحبهم من حده بليل ومشه
ولدمع غرك جفوني واني بل هم عايشه
حلمي ما حققته بويه ولفراك يفلشه
اني اعاتبكم يبويه فدوه اسمعو عتابي
_
ليش اخذتو كل خواتي واني خليتوني
بويه من كثر البواجي راح تعمه عيوني
الناس تحجي كبالي بويه تكلي ما تردوني
بويه تدريه السوالف تعبتلي عصابي
*_
بويه سولفلي الحقيقه هم ارد الحضانك
راح اضل ابجي بغيابك عيني بس لمجانك
بويه راح ابنيلي بيت واسمه بيت حزانك
حسين بس يمشي ضعنكم راح حضر مصابي
_*
شلي بل بيت بغيابك راح اشوفن غيره
بعد ما هوه المدينه شال شيخ ديره
بويه فركتكم جبيره وراح حيرن حيره
ياهو الحجيله سوالف واني صعب جوابي
*_
اليل لو جلجل عليه تهيج بويه الامي
بويه عدي امنيه وحده شوفتك بحلامي
لعطش مو بل ماي بويه اليفارك ضامي
بعد ما بدل عليكم تبقه سود ثيابي
__*
الشاعر سعيد العكيلي
2022\5\16\يوم الاثنين
اليحب ينظم لهذه القناة المباركه دينيه ثقافيه التوفيق للجميع
السلام عليكم ورحمة الله وبركاته
جمعه مباركه عليكم جميعل
جمعه مباركه ع الجميع
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 8 Monate her
Last updated 2 Monate, 2 Wochen her