تعلن مطبعة الكفيل عن حاجتها الى مندوبين او مندوبات للعمل معها(  اون لاين)
يعني وانت بالبيت تشتغل
رابط المطبعة
https://t.me/+ta8JrNDdU6UzMGJi

قصيده بحق السيده الزهراء (ع)

أنحب عالزهره المظلومه وأنعاها بدمعات
وأتذكر من طاح المحسن بين الباب ومات
بحقد مدفون
واله ينظرون
بين الباب ومات

من هجموا أصحاب الجهـل واحدهم شچان أيظن
ماحنوا البيت الوحي والفاطـمـه الـكون أيحن
والضلع أول ما سمع صوت الحـزن گـام أيون
ضم روحه وبروحه أنكسر من شاف طاح المحسن
لو حاضر طه بهل موقـف ماصـار اللي صار
من طاح المحسن بالعتبه يعني الدين أنهار
طفل يـدرون
واله ينظرون
بين الباب ومات

أيد الحقد لو تنگطع ما چان يجـري اللي صار
ولاچان گدروا بـالحقد يهجمون همه أعله الدار
وچان السقـيـفـه أتهدمت ولا فكروا بالكرار
والـزهره چان أمأمـنـه ولا ألم ذاك البـسمار
من عصروها أبين الحايط والمحسن طيحوه
هذا أول نور من العتره كل ضنهم طفوه
أبــد يخسون
واله ينظرون
بين الباب ومات

صبرت على الصار وجره وتعـرف بـنار الطغـيـان
ماتـنطـفي تضل للأبــد تسعــر أتشب بـالــوجــدان
مــافـاد لـمـن أسـست فـاطـمــه البـيــت الأحـــزان
مارادوا يضل كل أثــر لـلـوحي وضنهــم خـسران
ضل نور الزهره بكل موقف يضوي و لا ماغاب
ماگدروا يطفون المصدر من هجموا عالباب
صعب يطفون
واله ينظرون
بين الباب ومات

اسأل ودمعـك خـل يصب من هجـمـوا أشصبـرهــا
غير الوصيه شضل بعـد وتعـرف سبب مصدرهــا
لاچـن الخــلاهــا تـــون والمــوقـــف الأثــــرهــــا
للباب هـالطـاغي وصل وبكل حــقــد يعــصــرهــا
هالموقف ضل عايش بينه ومانگـدر ننساه
من نذكر أحزان الزهره نتـصبـر بالـلـه
فلا يخجلون
واله ينظرون
بين الباب ومات

سـلـمـت فـاطــم لـلــقـدر وبكل حــزن نـنـعــاهــــا
الأملاك كلها والسـمـه تبچـي وتــنــوح ويــاهــــا
أنعــزي بفگــدها بكل حـزن حـيـدر وأبـوهــا طه
والـبــاري بـاچــر يـنـتـقـم مــن كل بـشــر اذاها
هاي المظلومه الماشافت بس جمر الأحزان
ترحل هاليله بدمعتها يم بـاري الأكوان
تصب لعيون
واله ينظرون
بين الباب ومات

شاعر اهل البيت (ع)
رياض الرسل الجابري
الناشر رحيل القوافي الفاتحه روح ابوي الغالي

ملازم جاهزة للمدرسين والمعلمين لكافة المراحل ادخل للقناة واخذ الي اعجبك

https://t.me/+ta8JrNDdU6UzMGJi

**نعي للامام العسكري ع

مسموم مسموم مات العسكري يا ناس مسموم
مالوم مالوم كلبه امن المصايب حيل مالوم

ريض يجناز كلها تصحيلك  ريض يجناز
شال ويالعزاز مو تدري الفراح شال ويالعزاز

من تكعد اوياه. يمحلات الابو من تكعد وياه
ويصيح ويلاه. يبجي المهدي ضل ويصيح ويلاه

ويدير بالماي.  يغسل ضل ببوه ويدير بالماي
متعذب اهواي.  يناس العسكري متعذب اهواي

وعيونه عالباب. مشه بنعش الابو وعيونه عالباب
كله امن الأحباب. تره ضيم الكلب كله من الأحباب

لمن يونون يكطعون الكلب لمن يونون
ماظن يردون النامو بالكبر ما ظن يردون

خربها التراب ليش اخدودهم خربها التراب
ما حاسب احساب يكطعون المشو ما حاسب احساب

دعمن يالعيون. صحت اشمالجن دعمن يالعيون
واشلون بشلون جبت العمر كله اشلون بشلون

ثجيلات حنين المهدي وجروحه ثجيلات
حرامات المثل المهدي يتعذب حرامات

الشاعر
تحسين الخفاجي**

https://vt.tiktok.com/ZS2ycwLcg/

https://vt.tiktok.com/ZS2ycwLcg/

قصيده في شجاعة العباس عليه السلام

زينب تنخّت بخوها والگمر هز رايته
حالف بدمعة رقيه إلّا يترس جربته
عباس بيده الرايه
عباس گال حجايه
لا يهمچ يارقيه الماي يم جدمچ يجي
.........

دخّن العباس غيره عالمهر شد وهجم
الخيل جفلت من اجاها رجفت گلوب الزلم
صاحو العباس هذا يهزم الماينهزم
ياهو يگدرله ويمنعه ماي رايد للخيم
عباس نور وآيه
عباس گال حجايه
لا يهمچ يارقيه الماي يم جدمچ يجي
.........

ذولفقار بچف يمينه وگام يحصدهم حصد
خيل تردم خيل گامت عالزلم لمن يشد
حسين بالخيمه ويراقب للگمر لمن يهد
عاشت يمينك يخويه يصيح ياعباس اعد
عباس سيفه كفايه
عباس گال حجايه
لا يهمچ يارقيه الماي يم جدمچ يجي
.........

ملحمة صفين ردها من وصل للمشرعه
طاحت الفرسان يمه بس جثث ومگطعه
بزوده طب للماي والله ياهو يگدر يمنعه
عالنهر لو باب خيبر شبل حيدر يقلعه
عباس يروي ضمايه
عباس گال حجايه
لا يهمچ يارقيه الماي يم جدمچ يجي
.........

هاشمي وطب للشريعه ومتلك ماي النهر
اتذكّر حسين ورضيعه ما شرب ماي الگمر
نزّل الجربه وملاها الماي وتحده الخطر
كسّر سيوف ال اميّه طشّر الجيش وعبر
عباس اسمه الغايه
عباس گال حجايه
لا يهمچ يارقيه الماي يم جدمچ يجي
...........

جابها الجربه بيمينه ولن رقيه تلگّته
ياهلا تنادي بحمانا ومن فرحها شبگته
ماي شربت من چفوفه ورتوت كل عيلته
عمج العباس آني ما يخالف كلمته
عباس وفّه بهايه
عباس گال حجايه

سيد زيد الفحام
_____________________________

اجمل قصائد محرم تجدها هنا

https://t.me/alizedioe

دعم مؤسسة منبريون الحسينية
#افضل قناة للنعي
https://t.me/+P0VV4bLqtzuKdcQS
#للاشتراك بالدعم @ahmed_alziwar0

دعم مؤسسة منبريون الحسينية
#افضل قناة للنعي
https://t.me/+P0VV4bLqtzuKdcQS
#للاشتراك بالدعم @ahmed_alziwar0