Людзі часам называюць сераду «маленькай пятніцай». А мы ўспомнім выказваньне легендарнага нападніка Джорджа Бэста. Ірляндзец казаў:

«У сваім жыцьці я шмат грошай вытраціў на жанчын і алькаголь. Астатнія грошы я проста змарнаваў»

Каманда «Воднік» з расейскага места Архангельск адсьвяткавала 100-годзьдзе. Ультрас жоўта-зялёных падрыхтавалі на трыбунах яўлю з выкарыстаньнем двуручных штандароў з выявамі найлепшых гульцоў бэндзі-клюбу.

🏐 55 гадоў таму, у 1970 годзе валейбольны аршанскі «Лякаматыў» стаў 3-м на першынстве Беларускай чыгункі ў Гомлі сярод мужчынскіх камандаў, а ў першынстве вагонных дэпо, якое прайшло ў Воршы, «Лякаматыў» стаў пераможцам у трэці раз, забраўшы трафэй назаўсёды.

Склад той дружыны чыгуначнікаў: Леанід Шарай (капітан), Эдуард Шарай, Мікалай Чэкан, Валер Арцюшкевіч, Вячаслаў Грыгарэнка, Барыс Крутаўцоў, Аляксей Дубінін.

Прызначэньне арбітраў на ⚽ гульні ў Беларусі — камэдыя. Сяргей Лабацэвіч вельмі спрэчна адсудзіў сустрэчу «Старту» ў Слоніме, з выдаленьнем і двума карнымі, а яго праз тыдзень... зноў паставілі працаваць на матч аршанцаў! І зноў ё пара пытаньняў.

Напэўна, судзьдзі скончыліся.