#القصة_الاولى *👇*👇

بمناسبه حمله 1000نقاب :
كنت حابه أقول قصتي مع النقاب، يمكن تفيد بعض البنات.. ربنا يرزقنا جميعا بالستر.
بعض البنات بتبقى نفسها تلبس النقاب بس تقول اهلي مش موافقين مش عارفه أقنعهم..... بس والله انا شايفه إن لو هي فعلا حريصه ومن جواها عاوزه ترضى ربنا بجد ربنا هيسرلها امرها وهتلبسه وهيلين قلب ابوها وامها بس هي تكون صادقه بس..... انا من اسره حريصه إنها ترضى ربنا وماما منتقبه بس كانت رافضه جدا إني البسه بحجه إني لسه صغيره ١٩ سنه ولسه بادئه جامعه ومحدش هيقبل يشغلني بالنقاب لما اتخرج وهي شايفه انه سُنه ولما اتجوز قبل البسه براحتي والتزم بس بالبس الواسع وخلاص.
بس انا مكنتش مرتاحه مع إني لبسي واسع الحمد لله َلابسه خمار بس دايما  كان بيتكرر معايا حلم إني ماشيه في الشارع وفي حاجه عريانه من جسمي والناس بتبص عليها..... حاولت اكلم ماما كتير مفيش فايده كل ما اجيب سيره النقاب تتعصب.... بس عارفه انا لما كنت بقولها كل مره مكنتش بحس بصدق من جوايا، ايوا كنت عاوزه البسه بس مكنتش حاسه بشغف القلب والا الصدق اللي مفروض احسه..... لحد ما سمعت شرح حديث من اتق الشبهات فقد استبرا لدينه وعرضه ومن وقع في الشبهات وقع في الحرام، حسيت إنه جايلي وخوفت جدا إنه يكون حرام وإنه فرض.... في الوقت ده حسيت فعلا بالشغف والصدق من جوايا وروحت لماما علطول من غير اي تفكير وقولتلها إنت لو خايفه فالرزق بيد الله ومش النقاب اللي هيمنعه وانا هلبسه..... سبحان الله لقيتها وافقت علطول من غير نقاش.
يعني بجد لما ربنا يري مننا الصدق والإخلاص هيذلل لينا كل الصعاب.
بس الموضوع مش خلص عن كدا.... كنت عاوزه فلوس علشان اجيب انقبه وملاحف للنقاب علشان عاوزه التزم به من الاول ومش يكون متبرج.... بابا قالي مش هتخدي فلوس تجيب حاجه شوفي هتيجي ازاي والفلوس اللي معاكي فلوش المواصلات للكليه بس شوفي هتيجي منين...... وقتنا مش عارفه ايه الاطمئنان اللد حسيته ده ولقيت حاجه بتقولي متقلقيش ربنا هيرزقك..... وفعلا سبحان الله الكليه فيها محاضرات اتلغت ومتزلتش الشهر كله واتوفر معايا فلوس روحت علطول اشتريت انقبه ودخلت عليهم وكلهم اتفاجو ايه ده وجبتهم ازاي..... ومن كرم ربنا لبسته في ١٠ محرم زي ما ربنا نجي سيدنا موسى، ربنا نجاني من الفتن، والحلم اللي كان بيتكرر معايا إن انا في حاجه عريانه من جسمي والناس بتبص عليا معتش بتكرر ومش بشوفه خالص، وده اكبر دليل خلاني اقتنع إن النقاب فريضه مع إني كنت شيفاه سنه.
وبرده موفقش عن كدا... فضلو يقولولي هتشتغلي ازاي ومحدش هيوافق يشغلك بالنقاب لأن طول عمري عندي هدف اساعد الأطفال المعاقين وتأهيلهم لاني ده مجال دراستي..... قولتلهم استنو وشوفو كرم ربنا كبير وطول ما انا حريصه إني ارضيه هيرزقني.... سبحان الله بعد ما لبست النقاب بشهر لقيت مركز تأهيل المعاقين طلبني اشتغل معاهم مع إني لسه طالبه في سنه تانيه... فبجد انا لحد دلوقتي مش مصدقه قد ايه ربنا كريم اد ايه ربنا بيتودد لينا اد ايه طاعه ربنا وامتثال أوامره بتريح النفس وبتحسي بالسعاده.... وماما اقتنعت وفهمت وقتها إن طاعه ربنا مش هطعطل رزقي ومش بتعترض على اي حاجه بعد كدا وبقت هيا اللي يتسمع كلامي 😂
وبالنسبه للجواز وقفني بنت عاوزني لاخوها  في الموصلات  بس انا رفضت علشان لسه بدرس ومش مستعده دلوقتي 😁
وبالنسبه الانتقادات الناس فده حصل كتير كدا بس لازم كل بنت تحط قدامها انا بطيع الله مش مهم كلام الناس ولو سمعت لكلام الناس فهي غلطانه وكفايه والله رسايل ربنا وودو لينا يصبرنا على كلام الناس ده.
كنت ماشيه مره وكان قبلها بنت عمي انتقدت جامد نقابي بصراحه أضيقت شويه بس عادي نسيت والموضوع عدا..... بس من ود ربنا ورحمته لقيت ست وقفتني في الشارع وبتقولي والله ي بنتي انا شوفتك من بعيد بحسبك ملااك ربنا يثبتك على نقابك ويزيدك وفضلت ادعيلي كتير..... كُل اللي جه في بالي وقتها اسم الله الودود ،وإن الإنسان طول ما هو بيعمل اللي يرضي ربنا ميلتفتش لكلام الناس لانه هو اللي معاه الحق هو معاه القرآن هو عارف اد ايه ربنا ودود ورحيم ومحب... هو عارف ان طاعه ربنا والثبات عليها محتاجه صبر هيبقي صعب شويه في الاول بس يصبر ويستعين يالله ويكون صادق مع ربنا وبعد كدا هيحس بلذه جميله قوووي لذه طاعه ورضى الله مقدرش اوصفها بكلام.... وقتها كلام الناس ده هيبقي بالنسباليه سراب دخل من اليمين وخرج من الشمال...... ربنا يرزق بنات المسلمين جميعا يا رب ويثبتنا💘

💘**https://t.me/maaer

أنا مسامحه والله بأخذ أي بوست من قناتى خذو ما شأتم وربنا يجعله فى ميزان حسناتنا جميعاً🤎****

'((?**))'

❀ ⤶ولا يُبْدِينَ زِينَتَهُنَّ??"⊁⤹ ❀

❀ َِ᧒َِ᥆ُِᎥَِᥒ   ➪ @maaer??"⊁⤸ ❀**

مســـابقه بس مختلفة شويــه ?**

مســـابقة اضافــات .

- الي يضيف اكتر هيكون ادمن لفتره ?

احصـائيات القناه هتقـول ضفت كـام ?

لينك القناه الي هتتضيف فيه : هنــا ?

تنتهي المســابقه يـوم ?
➡️ 2024 / 11 / 11 "

شـرط الاعضـاء تكـون بنات فقط ‼️**

مُـمڪטּ تِـدخـلو وِ تِـبـعتـوا الـلـينك لِـڪُل الـ عَنـدوڪوا فَـضـلاً وَلَـيس أَمـࢪاً وَ الـدال عَـلـيٰ الخَـيـࢪ گ فَـاعـلَه وَ جَـزاڪُم الـلّٰـه خَـيـراً♥*?..
++إِلـي بِيوصل الـࢪُوم لِعـدد مُعـين بِـيبقـۍ لِـيه جَـائـزه وِ بِـتڪوم أدمـטּ لِـمده مُـعنيه ڪُل مَ تِـضيفو أڪْثـࢪ الـجَـائـزه بِـتڪبࢪ♥*?..**

يلا بنات اللي قناته موجوده في قايمه ينشرها في قناته