◾ قصائد استشهاد الإمام الحسن المجتبى عليه السلام

(ذَلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ)
شهر المحرم والامام السجاد عليه السلام١٤٤٦

شهر الحزن واهواله وشسوّه بيك اهلاله
شابت اهدابك قهر تنعى محزوز النحر
يا زين العباد

من كثر نوحك يا مولايه او بواچيك
ما قدر حتى أبوحمزه يواسيك
اوحتى أمك بالقبر صارت تناديك
يبني قلّي يا جرح أكثر امأذّيك

اضلوع الولي المطحونه لو زينب المحزونه
أنسبت يا للقدر تنعى محزوز النحر
يا زين العباد

يبوالباقر من يهل عاشور كل عام
ايصير عندك للحزن أصعب الأيام
اتعيش فجعة كربلا او ضجّات الايتام
او تذكر الذيك الشماته ابديرة الشام

والطفلة الهانوها    ابراس الأبو فجعوها
ابموتها القلب انفطر  تنعى محزوز النحر
يا زين العباد

عن البسمه من العاشر چان صومك
تشكي لله في دعائك كل همومك
والله ايلوم اللذي فحزنك يلومك
ومو عجيبه تجري من جفنك دمومك

محني الظهر يالصابر من ثگل هم العاشر
وكسر گلبك ما انجبر تنعى محزوز النحر

خمسه واثلاثين عام الـ انتَ عشته
شربك اويه الزاد بالمدمع مزجّته
من عظم ذاك الألم هالذي شفته
حتى ليلك سيدي وسفه ما نمته

دموعك قهر منحدره اعلى عزيز الزهره
نوحك ايبچي الحجر تنعى محزوز النحر
يا زين العباد

سيدي معذور لو نوحك تعالى
من شفت لحسين عالغبره ابرماله
و الشمر صدره جثى ويلي ابنعاله
و من بعد ذبحه اضربوا بنت الرساله

عينك حزن معميّه   مِن تذكر المسبيّه
نزلت ادموعك نهر   تنعى محزوز النحر
يا زين العباد

من بعد ذبحة أبواليمّه او بوفاضل
عمّتك زينب خذوها عالهزايل
اومن بعد خوها القمر انتَ الكافل
وانتَ وسفه امربطينّك عالمحامل

اعليك النوايب كثره تنعى اوتجرّ الحسره
والعصا سوّت أثر   تنعى محزوز النحر
يا زين العباد

بعد كلما صار برض الغاضريّه
ادموعك اتهل سيدي صبح اومسيّه
عشت كل عمرك تقيم انت العزيّه
اتوصّي الشيعه تنوح اعلى الشفيّه

نصبوا يا شيعه الماتم اوعزّوا الزچيّه فاطم
هيّه لاشك اتحضر   تنعى محزوز النحر
يا زين العباد

خـمـسـه واثـلاثين أنـتـه عايش ابنوح
مـو ألـف واكثر چنِت عـايشها بجروح
المهدي كل هذا العمر يصرخ يمذبوح
يـلـتـهب جمرة فؤاده ودمعه مسفوح

ينحب بعد وينادي ذايب تره آنا افّادي
آه باوقات السحر تنعى محزوز النحر
يا زين العباد

نال شرف النظم :
الشيخ حسين البوخضر
ابو مظاهر الأحسائي
علي الشواكر
سجاد العديل
عباس الأحمد
حسين العويشير
حسن الناصر
١٤٤٦

(ذَلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ)
يا حجة الله
( استشهاد الإمام محمد بن علي الباقر عليهما السلام )
---------------
سيّدي الباقر اظل اتبع طريقه
ابدمّي آنه للولي اموقع وثيقه
ابدربه للمنيّه ما عوف الشفيّه
باقر يا باقر

جيت انادي يابوجعفر والمدامع ساجمه
لك قليله الرّوح اقدّم واعتذر من فاطمه
ما اعوفك يا ولينه دربك آنه املازمه
اوما يهمني الجِهل قدرك يبن حمّاي الحمه

ابقى في دربك ولا همني اللي يحچون
خلهم ايقولون عنّي بيك مجنون
روحي باقريّه ما عوف الشفيّه
باقر يا باقر

يظل يالباقر مصابك دوم بينه يستعر
من نذكره يا ولينه يشب بينه چالجمر
لذا جينه اوعدنا حاجه سيدي يبن الطهر
الشيعي يترقّب تجونه لَوَنْ حطوه بالقبر

الشيعي ما همّه الحچي ويّا الملامه
لانّه بيكم سيّدي دوم اعتصامه
خادم والهويّه ما عوف الشفيّه
باقر يا باقر

الكم امن الله كرامه هالشهاده يالولي
اوقلبي عاللي صار بيكم من مصايب منصلي
كل صباح اوكل مسيّه دمع عيناي ايهلي
وارجو في يوم القيامه بس شفاعه من علي

ابچي عاللي ذبحوا ابصدره رضيعه
اوعقبه ضاعت هاليتامه اشلون ضيعه
بالدمعه الجريّه ما عوف الشفيّه
باقر يا باقر

سيّدي الباقر أسألك شنهو شفت ابكربلا
حتى من خوفك علينه ما قلت كل البلا
خوفك انموت ابحزنا او ينفجع كل الملا
على صدر احسين جدك شمر بنعاله اعتلى

وقعة الطفّ الفجيعه اتشيّب الراس
بس قليل اللي سمعنا و ماجت الناس
يا عظم الرزيّه ما عوف الشفيّه
باقر يا باقر

توجّهت لأرض المدينه اعليك اسلّم يالإمام
مثل ما وصّى نبينا جابر يبلغك سلام
اوربنا هوَّ امعلّي قدرك مو عجب هذا المقام
باقر اعلوم النبوّه يا الكريم ابن الكرام

اوكل عِلم يا ابن النبي اصله علومك
اوتنحني يمّك خجل حتّى خصومك
يالذاتك أبيّه ما عوف الشفيّه
باقر يا باقر

الف لعنه عاللي سمّك وخلّه هالشيعه بألم
بالمآتم إلك تنعى اوتلطم ابحسره الخدم
اويحضر المهدي معانا اوركنه الليله انهدم
اويجر ونّاته لمصابك قلبه كم لچمه انلچم

يمتى يطلع هالولي نوره علينه
اوكل محبّ يكتب على غرّة جبينه
اقسم بالزچيّه ما عوف الشفيّه
باقر يا باقر

حسن الناصر
عباس الأحمد
سجاد العديل
1445هـ