«Пока живёшь, пока есть возможность, старайся стать достойным».

Марк Аврелий
Токи ҳаётсан, токи имконият брр экан, муносиб бўлишга интил.

Хайрли тун !
Тунингиз тинч ўтсин !
Яхши дам олинг !

Тонгги ғойибона дийдоргача Аллоҳга омонатсиз!

@Marvaridfikrlar

**ҚАТЪИЯТСИЗЛИК

"Кўпинча айтишдан қўрқадиган сўзингиз,айтишингиз лозим бўлган сўз бўлади".

Жорж Бернард Шоу**Кундалик ҳаётда энг кўп учрайдиган ва кишининг фаолиятига салбий таъсир қиладиган муаммолардан бири қатъиятсизликдир. Қатъиятсизлик ҳаётдаги турли муаммолар, ташвишлар рўпарасида, гарчи масъулияти унча катта бўлмаса ҳам, сабот билан тура олмаслик, керакли қарорларни ўз вақтида қабул қила олмасликдир. Кишидаги катъиятсизликнинг белгиларидан бири, бошқалар билан юзма-юз келишдан қўрқиш, ўз фикрини, ҳиссиётларини айтишга журъат қила олмаслик, ўзгаларнинг хоҳиш-иродаларига тўлиқ таслим бўлиб, бировларга қарам бўлиб яшаш, ҳамма нарсада бировнинг фикрига суяниш. Бу нарса ўз-ўзидан кишида ортиқча хижолатни, ўзини заиф ҳис қилишни келтириб чиқаради. Бундай киши ўз фикрини ифодалаб ҳам бера олмайди, уни ҳимоя ҳам қилолмайди. Қатъиятсиз одам муаммолар билан қандай муносабатда бўлишни билмайди, ҳар қандай ҳолатда ўзини ожиз сезади, натижада ғайрати сўниб, шахсияти янада заифлашади.

Доктор Оиз Қарний
"Ечим" китобидан
Ечим ўзингиздан!

@Marvaridfikrlar

– Ўшанда жуда чиройли кетдинг... – деди эркак. –
Йигирма йилки кетишингни унутолмайман.
– Раҳмат. – деди аёл.
– На жанжал, на зуғум, на бир оғир сўз....
Фақат эсимда,
кетаётганингда елканг бетўхтов силкинди...
Йиғлаган эдингми?
– Йиғлаган эдим.
Ёшим тўхтагани йўқ
ҳали ҳануз ҳам...

Сукунат.

Эркак бош эгди.

Қанча уринмасин кўтаролмади бошини.

Елкаси эса,
силкингани-силкинган...

Усмон Азим

@Marvaridfikrlar

Биз хоҳлаётган ҳаёт биз яшаётган ҳаётни бузади.

Мубашшир Аҳмад

@Marvaridfikrlar

Дилим қон,  тилим лол, қаршингда Дунё,
Арзда шу, билмам не Аршингда Дунё !
Эминлик уйга боргач, пойингда,
Маҳзун этмасмисан қошингда, Дунё ?!

Фозилбек АБДУЛЛОҲ

@Marvaridfikrlar

Мол-мулкни беҳуда исроф қилиш куфрона "неъмат"дир, ўйламасдан бойлигини сарфлаш тўлиқ таназзулга олиб келади.

Маҳмуд аз-Замахшарий

@Marvaridfikrlar

1930-йиллар атрофида Уинтроп Келлог психологлар оиласи янги туғилган маймуннинг боласини ўзларини Дональд исмли фарзанди билан бирга тарбиялашмоқчи бўлишади.

Мақсад, маймунни тарбиялаб "одам" қилиш эди. Бироз вақт ўтиб ёш оила маймундан воз кечади, сабаби уларнинг фарзанди ўзини худди маймунлардек тута бошлаган эди.

ХУЛОСА: Фарзандингизнинг кимлар билан улғаётганига эътиборли бўлинг. Акс ҳолда, маймунларга ўхшаб қолиши ҳеч гап эмас...

@Marvaridfikrlar

Фарзандингизнинг атрофидаги дўстларига ниҳоятда эътиборли бўлинг. Зеро, пашша ахлатга, асалари гулзорга етаклайди!

@Marvaridfikrlar

Эрталаб чой ичиб ўтиргандим. Аёлим келиб ёнимга ўтирди. Пиёлага чой қуйиб узатаркан, аста гап бошлади:
*Дадаси, бугун сиз бошқа бир аёлни кечки овқатга таклиф қилишингизни истайман.
Чайнаб турган ноним тиқилиб қолди.
Тинчликми онаси? Қанақа аёл билан кечки овқатга бораман, кўрганлар нима дейди, эсингни едингми? дедим ўзимни ўнглаб.
Мен сизни қаттиқ севаман, ҳаммадан қизғонаман, лекин аниқ биламанки, у аёл сизни менданда ортиқ севади, ва сиз билан бир сония бўлса-да бирга суҳбат қуриб, дийдорингизга тўйишни истайди. Бу инсон сизнинг онангиз,деди аёлим.
Чуқур ўйга толиб қолдим. “Мана 19 йилдирки, онам дадамсиз, биргина укам билан қишлоқда яшайди. Учта бола ва аёлимни яхши кийинтириб, яхши боқаман деб, бирор марта тузукроқ онамга эътибор бермабман. Ўле, эээ ўғил бўлмай, тур ўрнингдан,"- дея ўзимни ўзим койиб ўрнимдан турдим. Телефонимни олиб онамга қўнғироқ қилдим. Гўшакни кўтарибоқ, “Тинчликми болам, нима бўлди, бунча барвақт телефон қилдинг,"- деб қолдилар. Онажон, хавотирланманг. Фақат ёмон нарса бўлиши керакми, саҳарлаб қўнғироқ қилишим учун? Сизни соғиндим,  дедим нафасим қисилиб. Онам қулоқларига ишонмадилар шекилли. Чунки бу гапни анча йиллардан бери биринчи марта айтишим эди.
Болам, гапларинг ёқмаяпти. Худди ўлимидан олдин васият қиладиганларга ўхшаб гапирма! Нима бўлди?- дея яна сўрадилар.Ҳеч нарса эмас, онажон. Майлими, бугун кечга сизни бирор ресторанга кечки овқатга таклиф қилсам? Иккаламиз шу оқшомни бирга ўтказсак?- Бир оз жим қолдиларда, “Жон-жон дейман болам”,- дедилар-да, пиқиллаб йиғлаб юбордилар. Кечқурун машинамни миниб, онамнинг уйи томон кетарканман, худди узоқ кутган севгилиси билан учрашув олдидан ҳаяжонга тушиб қоладиган ошиқдек, балки ундан ҳам баттар ҳолга тушиб, юрагим тез-тез ура бошлади. Етиб келиб тўхтаганимда, ҳаво совуқ бўлишига қарамай, онам дарвоза олдида кутиб турардилар. Онажон, нега чиқиб олдингиз? Келиб ўзим олиб чиқардим, совуқда музлабсиз-ку. Онам келиб пешонамдан ўпиб сўрашдилар-да: “Болам, юрагим тоқат қилмай чиқиб олдим, "-дедилар. Онам худди учрашувга чиққандек ясаниб олганлар. Ҳолатларини кўриб дам кулгим келарди, дам ўзимни ёмон кўрардим: “Нега шу пайтгача онангни бир марта бўлса-да, шундай хурсанд қилмадинг,"- деб.
Машинага ўтирар эканлар, “Дугоналаримга бугун ўғлим мени ресторанга таклиф қилди десам, ҳаммасининг менга ҳаваси келди” дедилар. Шаҳар марказидаги шинамгина ресторанга кирдик. Кирар эканмиз, онам қўлимдан ушлаб олиб, виқор билан,худди шаҳарнинг биринчи рақамли хонимидек юриб борардилар. Кўзларидаги қувончни яширишнинг имкони йўқ эди. Столга ўтирар эканмиз, менюни олиб ўқидим. Онам анча кўздан қолибдилар, фақат катта ҳарфларни кўра олдилар, холос. Сен болалигингда ўқишни билмасдинг, менюни мен ўқирдим, сен эса эркаланиб бирор нарса танлагунингча анча вақт ўтарди, энди эса сенинг навбатинг келибди,- дедилар онам, узоқ ўтмишни эслаб. Суҳбат қуриб узоқ ўтирдик. Вақт алламаҳал бўлганини хам сезмабмиз. Қалбимда қандайдир ширин хотиралар, нотаниш илиқлик жўш ура бошлади. Қанчалар ажойиб кеча бўлди. "Шундай аёлни нега шу пайтгача бир марта бўлса-да ресторанга таклиф қилмабман? Бу шунчалар ажойиб экан-ку”, дея ўзимни ўзим тергай бошладим. Онамни уйларига қўяр эканман, “Болам, сен билан яна ўша ерга боришни истайман,"- дедилар. Бажонидил онажон, унда. келаётган ҳафтада борамиз, дедим. Лекин бу сафар ман тўлайман рестораннинг пулини, дедилар қайсарлик билан. Майли онажон, сиз нима десангиз шу, дедим. Уйга қайтганимда аёлимга раҳмат айтдим, ахир у менга ажойиб бир оқшомни ўтказишда катта ёрдам бердида.

Орадан 2 кун ўтиб, саҳарда укам телефон қилиб, “Ака, тез келинг, онамнинг юраклари хуруж қилди”, деб қолди. Онамни тирик кўриш насиб қилмади. Боргунимча жонлари узилибди. Маъракалардан кейин укам бир конверт тутқазди, онам бериб қўйган эканлар. Очдим. У ерда бир парча қоғозга хат қолдирибдилар: "Болам, ваъда қилганимдек, аввалдан бориб ресторанга икки кишилик кечки овқатни ҳисоблатиб, пулини тўлаб келдим. Тўлов қоғози ҳам шу ерда. Балки ўша кунгача мен етиб бормасман. Лекин сен албатта аёлингни олиб ўша ерга боргин. Иккаламиз ўтирган жойда*..."

@Marvaridfikrlar

ҚОНДОШ

Балки минг йил, ундан ҳам ортиқ,
Бу дунёда бадар кезаман.
Шундоқ қадар менга ҳам тортиқ--
Қиёматга қадар кезаман.

Баъзан йўлларимиз туташиб,
Онда-сонда бўлурмиз йўлдош.
...Қўлингни бер, кетмай адашиб,
Ахир сенга қондошман, қондош.

Лутфилло САЙЙИД

РОДНОЙ

Лет тысячи, больше даже,
Путешествую по свету.
Такая судьба мне уже--
До воскрешения скитаться буду.

Иногда сливаются дороги наши,
И нам приходится по пути.
...Чтоб не теряться, руку мне дай же,
Мы с тобой родные по сути.

Перевод ДУНЁ

@Marvaridfikrlar