#news

Milliy mass-mediani qo‘llab-quvvatlash va rivojlantirish jamoat fondi direktori, UWED bitiurvchisi, jurnalist va endilikda yozuvchi — Jahongir aka Azimov o'z kitobini chop etibdi. U "O'zbekistonda yana bir kun" deb nomlanarkan.

Jahongir akani universitet davrlaridan beri bilaman va o'z ishining fidoyisi sifatida hurmat qilaman. Shu o'rinda, yangi kitob nashri bilan tabriklayman va o'ylaymanki, unda bayon etilgan hikoyalar vatanimizda yashayotgan ko'plab ajoyib insonlar to'g'risida oldin bilmagan yangi tassurotlarimizni bera oladi.

@panda_books

#reading

*"Bugun osoyishta o‘ylab ko‘rganimizda, nega Yevropa 1914-yilda urushga kirib qoldi, degan savol tug‘ilsa, hech qanday oqilona sabab, hatto bahona ham topilmaydi. Gap mutlaqo g‘oyalarda emas, hatto chegaradosh kichik hududlarda ham emas edi; men kuchning haddan ziyod to‘planishi - qirq yillik tinchlik davomida yig‘ilib, zo‘ravonlik ila chiqish yo‘lini qidirgan ichki dinamizmning fojiali natijasidan boshqa tushuntirish topa olmayman.

Har bir mamlakat to‘satdan qudratli bo‘lishni istab qoldi, o'z navbatida boshqalar ham shuni xohlayotganini unutgan holda. Har biri o‘zgalar hisobiga yana nimanidir qo‘lga kiritishni xohlardi. Eng yomoni shunda ediki, bizni aynan qalbimizga yaqin tuyg‘u - umumiy optimizm aldadi, chunki har birimiz oxirgi daqiqada raqib baribir qo‘rqib ortga qaytishiga yoki diplomatlarimiz navbatma-navbat safsatabozlikka qilayotganiga ishonardik."*

Stefan Sveyg o'zining "Kechagi dunyo" memuarida Yevropa osmoniga yaqinlashib kelayotgan urush soyasini qanday payqamay qolishganini ham juda go'zal tushuntirib o'tgan ekan.

O'sha davrdagi Yevropa qudratli, tetik va ajoyib edi. Biroq, Sveyg va boshqalar farovonligi ortida xavf yashiringanini xayoliga ham keltirmagandi. O‘sha paytda Yevropa uzra esayotgan mag‘rur ishonch shamoli bulutlarni ham olib kelardi. Ehtimol, yuksalish juda tez bo‘lgan, davlatlar va shaharlar haddan ziyod shoshilinch ravishda kuchaygan, kuch esa doimo odamlarni ham, davlatlarni ham undan foydalanishga, hatto uni suiiste’mol qilishga undaydi. Yevropa davlatlari boy edi. Ammo bu kamlik qilardi.

@panda_books

Telegram platforma qoidalarini buzgan foydalanuvchilarning IP-manzillari va telefon raqamlarini huquqni muhofaza qilish organlariga taqdim etishni boshlaydi - bu haqda Pavel Durov ma’lum qildi.

Uning ta’kidlashicha, bu choralar jinoyatchilarni cho‘chitishi lozim. U yana shuni qo‘shimcha qildiki, messenjerning "kuchli" qidiruv tizimi aslida faqat do‘stlar va yangiliklarni topish uchun mo‘ljallangan bo‘lsa-da, odamlarga noqonuniy tovarlarni sotish kanallarini topish imkoniyatini bergan ekan.

Shunaqa gaplar.

@panda_books

#nazm *Bu foniy jahonga ko‘ngil berganlar
Ishin barbod aylab, o‘tib boradir.
Qarang, Qur’on ochib, talay nodonlar
Iqbolni bir pulga sotib boradir.

Jafosi ko‘p, foniy, bu yolg‘on jahon,
Mard ko‘nglida tutar bo‘ldi ul makon,
Iyso eslab, Luqmon qilmas dard ehson,
Ko‘z yumib, tush kabi o‘tib boradir.

Kimlar bu jahonda bemalol yotmish,
Kimlar osmon uchib, kim loyga botmish,
Kimlardir molini baqoga otmish,
Kimlar hirsi dunyo tutib boradir.

G’avg‘odan tinmadi qanchaning boshi,
Kimi yoqar bo‘ldi padar, qardoshin,
Kimsalar har joyda tayyorlab oshin,
Kimsalar dong qotib yotib boradir.

Kimlar toju taxtda farmon jo‘natib,
Kimlar saman minib, surar sakratib,
Kimlar padarini, elni xor etib,
Gunoh zindoniga botib boradir.*

Maxtumqulining "Bu foniy jahonga ko‘ngil berganlar" she'ri (davomi ham bor)ni Jahongir Otajonov ashula qilibdi. Unga olingan klip ham, so'zlari ham menga juda ma'qul bo'ldi.

Maxtumqulini o'qib turish kerak.

@panda_books

#sarhisob #iyun
Oy Sarhisobi.

Bu oy oilamiz uchun nihoyatda voqealarga boy bo'ldi. Ikkinchi marta ota bo'ldim. Ko'pgina loyihalar boshlab qo'ydim. Ish faoliyatimda o'sish va muhim sinovlar kuzatildi.

Shu bois kam o'qidim, ko'proq o'yladim, reja tuzdim, Endi oylardan ularning ijrosiga kirishaman. Menda iyun shunday o'tdi.

O'qilgan kitoblar: *♻️ *Lyu Sizin – "Death's End"Taqriz ? ko'k yozuvni bosing

Oyning eng qiziqarli postlari:? O'smirlarga yozgi mutolaa uchun TOP 7 kitob tavsiya
? Aktivizm
? Lakoniya? Zamonaviy terrorizm Siz-chi, bu oy qaysi kitoblarni mutolaa qildingiz?@panda_books

Instagram | Youtube | Tiktok

Shunday narsalar borki, siz ularni faqat yoshingiz ulg'aygan sari tushuna borasiz. 18 yoshda ba'zi mavzularni tushunish qiyin.

Masalan, hayotda mazmunga ega bo'lgan neki narsa bo'lsa, ularning bari uzoq muddatli sarmoyani talab qiladi.

Istalgan sohada biror natijaga erishish uchun qilingan bir yillik doimiy, intizomli mashg'ulot tez va qisqa urinishlardan ko'ra 10 barobar ko'proq natija beradi.

Yoki "Atom odatlar" boshidagi birinchi misolni olaylik. Sekin-sekin, ammo doimiy o'sish - sizdan ko'p vaqt oladi, lekin pirovard maqsadga yetishishni ta'minlaydi.

Tez va arzon dofaminlar (bir martalik uchrashuvlar, porno, fastfud, narkotik, tez boyish yo'llari) - bularning barchasi kambag'allarning ko'ngilxushligi, xolos. Alal-oqibat bu yo'lning oxiri depressiya bilan tugaydi.

Kuchli va mustahkam munosabatlar - albatta, uzoq muddatni talab qiladi, ya'ni oila qurishni. Aksariyat muvaffaqiyatga erishgan insonlar tarjimayi holiga qarasangiz, ularning barchasi oilaparvar bo'lganligiga amin bo'lasiz.

Shuningdek, istalgan barqaror biznes, ijtimoiy loyiha, qurilish, konstitutsion mamlakat yaratish - hammasi uzoq muddatli strategiyaga ega insonlarni o'ziga jalb qiladi.

Xullas, boy va muvaffaqiyatli inson bo'lishni istasangiz, 3 haftadan keyin boyib ketaman degan xomxayollarni unuting. Uzoq muddatli, qon va ter to'kib qilingan mehnatgina ko'zlangan natijaga yetaklaydi.

@panda_books

#mundarija

Kanalda postlarni o'qish va topishni osonlashtiruvchi (#) heshteglar#taqriz / #review / #feedback - Biror asarga yozilgan taqrizlarni oson topish uchun;

#tavsiya - Kanal muallifi tomonidan o'qish tavsiya etiladigan kitoblar ro'yxati uchun;#sarhisob - Oy, mavsum yoki yil bo'yi mutolaa qilingan asarlarning ro'yxatini topish uchun;#Youtube_tavsiya - YouTube videoxostingida ko'rish tavsiya etiladigan foydali kontentlar uchun;#haqida - Biror qiziqarli mavzu haqida yozilgan postlar;#list - kitoblar yoki foydali kontentlar ro'yxati;#mutolaa - Ayni damda mutolaa qilinayotgan kitobdan iqtibos yoki parcha;#newbook / #yangikitob - Panda Books tomonidan harid qilingan yoki sovg'a qilishgan kitoblar uchun;*#iqtibos - kitobdan iqtiboslar uchun;#intervyu - Panda Books suhbatlari, podcastlari uchun;*#offtop - Kitob mavzusidan biroz tashqari sohalarga doir postlar uchun;#longread - Uzuuun yozilgan katta postlaaaar;*#KitobMukofotlari - Dunyoning nufuzli kitob mukofotlari haqida ma'lumotlar uchun;#bookstores - Ajabtovur kitob do'konlari haqida chiroyli fotolar va ma'lumotlar*#maqola - birorta kattaroq qiziqarli mavzu haqida maqolalar#nazm - she'riy postlar#tarjima - kamina tarjima qilgan postlar@panda_books

Instagram | Youtube | Tiktok