زرێبار لە خەرمانەی کولتوورەوە تا سەرچاوە مێژووییەکان//// زنجیرە لێکدانەوەیکی مێژوویی و کولتووری لە سەر زرێبار // https://t.me/zarrawa

گۆشە نیگایێو سەروو زوانی سەردەمیانەی دلێو شێعر‌ەی نەوێنە. https://t.me/zarrawa

‍ کارەوان
ڕەئوف. م

نەرم
پێسەو قژاو «شەمێ» و
بێ‌دەنگ
پێسەو ناڵەو شعرێ.
□□□
چراوکەو ڕۆحی
میزانکەروو سەرساو بێشکێ
گلکەوانەو وەشەویسی
نیشتەن سەروو پەنجەو ئێگەی
با ختوولە
بێ ورە بۆ
«دەربەن دزڵی» ورنەچڵاکیۆ
شێعرە بووسۆ.
سیاوچەمانە
چەترەو سەروو وەرنگازوو کوڵماو
«زەڵم»ی
«شەڵماش»
چرۆو دەسەملانی
«عەنبەرخانە»
تاقڵەو دڵیش گوڵ‌دۆشەکەن
هورپڕای؛ وەرم!
گیان کارەوان
ئارام، ئارام
□□□
چۆپی گڕێ
هەلە هەلە
دامان؛ سمکۆڵ
«کەرگە کڕێ» و «خاتوو زینە» و «ماڵی ئاوا»
چەمبرکانەو عەمرێوتەری.
جام
جەنگەڵی شەڵتەبەردەن
پەیک پەیک
نم نم.
□□□
سەردەمێوەن
گەورەکناچێو ئی کویسانی
باڵاش ڕامان
رێکوو مەسی گوڵ‌ڕیواوی
گەورەکناچێو ئی کویسانی
دڵش ڕەشتەن
بە تاماوەو وەرەتاوی
گەورەکناچێو ئی کویسانی
تەڕش پۆشتەن
چەنیو چڵیێ وەرەتاوی.
چرکەو شەرموو هەورەگرمەی
خاڵەو زنجوو
چۆڕەچۆڕوو عەشقوو
«کەڵوێ»
«بێوران» و «دەرەوکیە»
هەناسێوە و
هەنگامێوە،
چاگەیچ وەرزیێ و
مەتەرێزیێ و
ئاوەوەرەو عەشقوو گوارا!
گیان کارەوان
ئارام ئارام.
□□□
چا سەریاڵا
سەروو شانەو حەسرەتێوە
نەسیم؛ بۆسار
پا هەرداوە
تەپڵ؛ ژارکۆو گۆمەو گیانی
تۆفان
لەنجەو وەڵگەڕێزوو
ساراو ڕۆحی
جەستە
ژڵێوەو قەڵاو وەرمی.
گیان کارەوان
ئارام ئارام
□□□
«سێڤەر»
چرکێوە و شاباشێوە
تاراو عەمری دزیای
«بازیان»
«ئاتا» بوەو لێڵی ئاوێ
«شاملوو»
دەنگیێ و بێوەفایی
ویژدان ڕەتەو چراوەنەوشەی
پا بەرزاوە
دەموو عەشقوو بیستوونیوە.
گیان کارەوان
ئارام ئارام
□□□
چی مەحشەرنە
دننێو تفی
سەرگەردانەو سڵامیێنە
گۆرەمیتوو ئەشقوو کناچا
وەرەی تەژنە
وشکەتاوەو چەماو کوڕاو یانەهامسای
وشتراوەو کەمتیارا.
ئی نسارە
شەوبۆش دیلوو قینەو تیشکێن
کورەزۆکەش
تاموو وارای کێلەی دزیێ
چێگەیچ
ئاها... چی سەرڕانە
وەرمەواران
نەمامێوە دەسەنیان.
نەرم پێسەو قژاو «شەمێ» و
بێ‌دەنگ
پێسەو تاسێ «خانی»
ئارام ئارم
□□□
زەنگ
دڵۆپەی وشک نەکەردە.

ـــــــــــ
ئی شێعرێ ساڵەو 1379 هەتاوی جە کونگرەو هەورامان‌شناسی جە سنە وانیێنۆ و دەفتەروو زەڕنەو ئاسۆیچەنە چاپ کریێنە.

https://t.me/zarrawa

کۆڵبەری ...... https://t.me/zarrawa

پەی سەیایۆ ڕۆحی https://t.me/zarrawa

‍ شێعرەو چێولای
ڕەئوف.م

من جە کۆگاو کیسەیمەنە
ڕوێم قرتنێ
ساڵێم کەردێ باڵاگەردان
تا سعاتە بزۆ چرکێ

بڕوایچت بۆ/کام خەڵوەتا
ھەناسێوە
تا ئەوپەڕوو دارگۆچانێو
ڕا بژمارۆ.
ڕۆحێ مانیا و
ھەسارێوە سەرگۆو مەمەی
وزۆ وەیلوو ئاوێزانیی سەلیبێوی
ــ گۆچ ــ
دا تۆیچ واچە
دارھەناریێ ئی بناری
مرخەش نیشۆ زەیتوونێوە
تا زاڕۆڵێو زوان دزیا
گنو ژمارەو حەوت ڕکاتەو سەرنەوایۆ؟

وێچت دیەن
شعرەکامنە
چەمی ڕاسیم حونجی کەروو
تا بیمارسان دەرمان گێرۆ و
زامێوە سەرد،
کریۆ سەرواو پورەواتەی

وێچت دیەن ئەی فڵانی
شعرەکامنە
زوانیم مدٚەو حەوت کەلیمێ
تا مەدرەسە
ساوێو وزۆ ساکوو گەچی
پەی میدادێو تاتە مەڕیای

وێچت دیەن
دڵم شۆکەش نیشۆ گڕکان
تا ئەدٚالێ
دوور جە خەموو قاقوولێوە و شرێخەو پیای
کۆرپێو وزۆ گۆرانیە

ئەی نەدیەنت/ شیعرەکامۆ تەغارتەغار گەنمە ناڵۆ
تا گوناحە
نەپڕووزنۆ یاگەماچەو سەفەرێوە؟
ــ ئەی بە تۆ چێش؟! ــ شمە واچدێ!
ئەرێ کاکە/ھەرپاسەنە
تا ئەوپەڕش
خیابان ھەر
شەرم و شەھوەت
عەشقی کەرا بە قەڕاپوو پەپوولێوە جە وشکەڵی
نانێو داخە و سێخێو کەباب
مەگەر جەرگۆ وەزا شێعرە و
شار گردش ھەر ھەراسان/ چنگێو فێڵێ باربوو
ــ گاوگێرەکەم نەقیزە ـــ

من خزوونە کانوو چەمام
تا سەرشانێو گۆرانیێ مەیلەو شێعرێ وزوو سارا
پەڕتاسۆخ
جە بەرزەخوو چەمەڕایی
ــ جەرگ جەرگ جەرگ ! ــ جەرگ؟!

تۆیچ نەواچی و نەوانیوە
من ھەر جموو جم جم جم
تا ئەلحەدٚەو گەنجێوەنە
وەڵاتێوە جە کەلیما چەمێ ڕەژیا
ـ حەدحەدحەد ـ
حەدٚت چێشا پیس و پۆخڵ
ھەڵای وەرمت وەرمێ وزۆ
یاگەپایێو
کوا نیشانکرد ماچۆ منرە و تۆیچ ھەوانتە
گردما ھەرسی و س س س
گردما ئاخێ و خ خ خ
گردما عەزا و ززز
گرد چەمەری ری ری ری
کۆتەڵکۆیچ من وزووش شێعرە و
تۆنە بەحاڵ دەنگ مدٚۆوە
ـ دەنگ دێ ... دەنگ دێ ـ

ڕا، کۆریایۆ واچێ تا پار
قۆچێو چەرمە+قەڵەمێوە+بەزمێوەتەر
مژنانە! ــ نانێ نانە.... ـ
فات و فیتوو کام کوڵەچی
یاونارە وەیل چۆخەڕانک؟!

ئەھا بدٚیە... سەرحەدٚێوە
تەمەلوولا و دڵ تەمیۆرە
ــ ئەی نەپەرسات ــ
بۆ گنە را
سەبای وردورد وێزۆوە وێش ــ دیوان ــ
منیچ ھەڵای قسێ ڕێسوو
چزێو تاڵێو جە تارێخی
پۆ ئەفسانەو شابازاوە
چنیۆ داستان ــ چین چین چین ـــ
خۆ ماچینیچ عەشقێوەنە حەکایەتا
بیستوون ھێشتا تیسکەو قژاو کناچێوە
کوا ژاکیا

من خەریتەو پاڵایانە
نەخشێو کێشوو
تا زاڕۆلێو سەروو فەرشوو جوغرافیایۆ
پرخەو ھەرسێ ھۆرچڵاکنۆ
وەرمێوەتەر واچۆ وێشەرە/ تا ئەولایچ ھەر ئارام
ئەی نەوینات
تەختەسیاوە ــ تای کرژی مەینەت دووبارە باوا ــ
چە بێ‌خەبەر؟!

ئەئی شێعرێ/کوڕلێوەنە کەروو ئاھەنگ/من
گورج و کەمیێ عەشقی واچۆ
کەیفوو وێشا با کناچێوە پوو ئاسمانۆ
سمڵی شانۆ/ سینەش شاھۆی کەرۆ قەڵغان
خۆ وەڵاتوو ئی بالۆرێ
پێسەو تڵفیێ
لکۆ شۆتوو مەیلەو مەنەیش!
حەسرەت چە ڕەق
کۆرێو زیکروو ئەڵقەرێزا کەرۆ شارۆ

خانەقا
لاتەنیشتوو ئا مەڕاوە
خەڵوەتخانەو نویشتێوە/ جە حەیرانی و حەوت سەفەرەی
وزۆنە ساز
تا دڵداری وێشرە نازۆ
دەسێ و سینە
بلا گەلوو جۆماڵ چنیەی

وەھاروو ١٣٨٩ک.ە

https://t.me/zarrawa

"سیاسەت ــ ئەدەبیات" دوێ دەسەواژێ بریقەدارێ بە دوێ وینگا و فام و ڕەهەندی جیاوازێوە. هەرچندٚ ڕەنگە جاروبار جە یۆترینی بەهرە بەرا و بەیۆترینی بەخشا و پێوەرەییشا لازم و هامڕا بۆ، بەڵام جە ویەرەو تارێخیەنە، فرەوجارا ململانێوە بەردەوامە ئی دوە وینگایاشە داینێ گژێ یۆترینیەرە. جاروباریچ دەسەملانش دێنێ و پێوەرە وەرئەرکش وستێنێ، بەڵام بەپاو زەروورەتێوە دیاروەختی...
چی ویرنویسەنە شیکاریێوە بابەتیانە سەروو ئی دوە وینگایە کریۆ
https://t.me/zarrawa

...

نارسیس هەڵای
گووشیەکەمۆ
شانۆ بوە

چە گەوج زەمان
پۆو کۆڵانەو دووریتەوە
وێش خڵافنۆ!!

یەک/ دوو/ ....
ئاندٚە و ئاندٚە و ئاندٚەتەریچ
وێڕس جە وێش
سەرگەردانی.

https://t.me/zarrawa

...

من مەواچوو/ تۆیچ نەواچی
زەمانیچ کەڕ
ئەی کێ لاونۆ باقەگوڵوو
ئی بالۆرێ ...
سیس ڕەنگەشۆ
شەرمەوانەو هەمدیسانێو
جە ئەنعامی.
چە باڵاکز پۆو ڕۆخساروو تارێخیەوە
ئی تارێخە !!

ڕەئوف.م

٢٤/١/١٣٩٩

https://t.me/zarrawa

بەگەرمی خێرئامای گردوو ئا ئازیزا کەروو بەبێ پەرس و بەپاو هۆگری و پەرمای پۆرە، بیێ هامڕاو ئی کاناڵێ. // بە گەرمی بەخێرهاتنی هەموو ئەو بەڕێزانە ئەکەم بەبێ پرس و بە هۆی هۆگرییان و پێداپەرمینەوە بوونە هاوڕێی ئەم کەناڵە.// ئەگەر چانەی پەرس نەکریان کەسێوە دڵگیر بیەبۆ داواو چەنەویەردەی کەرمێ