كل ما جيت أتخلص من علامات اضطرابي
ما قدرت أزيف الواقع و أصد من الحقيقة

ذبلت في كف لوعات الشقاء زهرة شبابي
بعد ما طالت ليالي الهجر و امتصت رحيقه

السراب اللي تبعته غيّ لين أهلك ركابي
كيف أوقف و الأمل ما أشوفه إلا في بريقه

من كثر ما أروح و أعود على ذيك المرابي
ما أتحرص للزوم إن ما خذاني عن طريقه

مستعد اسايف لقسوة حكي العذال بابي
لو مغير يتاح لي من فرصة اللقيا دقيقه

هات يدك الله يسود وجه من يرضى عذابي
لا تردد في علاج طعوني الخضر العميقه

ما معي لمقاومة سحر النجل تقوى صحابي
معي ولف وحر شوق ودمعٍ أدنى ما يريقه :)

الا ياحب قل حلاك لو قد جاز لي ماضيك وجعل أمحق دروب اللي على دربك توديني

الا ياحب قل حلاك لو قد جاز لي ماضيك
وجعل أمحق دروب اللي على دربك توديني

يا وجودي لا تذكرت التفاصيل القديمه
الفراق يحطم الآمال والشوق أنتحاري

من عذاب الذكريات أحتاج لي صبر وعزيمه
ليت دون الذكريات القاسيه عازل حراري

الطواري كل مطلع صبح تسرج قبا
والغلا مثل الشجاع اللي ما يثلم سيفه
و أنت ياللي من خلقك الله عسر ومخبا
البرود اللي بدون أسباب وش تعريفه ؟
كان قلبك من ضغوطات الحياه معبّا
وش يقول مكافح الدنيا شتاه وصيفه
الشعور إلى كبر سنه ماعاد يصبّا
لا تطوفه نشوة الحب القوي و أعيفه
حاكني لبى معاليق الفؤاد ولبا
كل شيء ودك أضيفه معه بضيفه
فيك زين واضحٍ جدا وزينٍ مغبّا
يا الأليف اللي تضاريسك ماهيب أليفه
أنت ما يحتاج لك خطه ورسم أطباء
الله اللي راسمٍ زينك كذا من كيفه
بس يوم تقول ما عندي عسل ومربا
شفتها تلميح و أنت تشوفها تصريفه
شاعرك ضيفٍ لا مر أسمه ماهوب يهبّا
والعرب ما ترحم اللي ما يوجب ضيفه
لا تقول الليل حده والديار جنبّا
قلت لك ياما سرينا والديار مخيفه
آه ليت الناس بأسرار القلوب تنبأ
والله أن أولع الدنيا بقطعة ليفه

الهوى كنّه ليا نسنس علي يقصدني
‏فيه أحد معطيه عنواني بدل عنوانه ؟

والله إني خابره يا عرب ماهو قطوع
بس قد لي عدة أيام ماجاء لي خبر

أقنعوني في غيابه و أنا رجلٍ قنوع
في غيابه تذرف العين بالدمع الحمر

يا وجودي عقب فرقاك يازين الطبوع
وجد عودٍ خذيت أبله ومات من القهر

أعتقد مافيه عيدٍ على الانفس سعيد
إلا نفسٍ في شواطي هواها سابحه :)